بۇل تۋرالى تولەبي اۋدانىنىڭ اكىمى بۇحارباي پارمانوۆ وقو ايماقتىق كوممۋنيكاتسيالار قىزمەتىندە وتكەن ءباسپاسوز جيىنىندا حابارلادى.

تاۋەلسىزدىك جىلدارىنداعى تولەبي اۋدانىنداعى جەتىستىكتەردى بايانداعان ب.پارمانوۆ اۋدانداعى جەرگىلىكتى بيۋدجەت كولەمى وسى جىلدار ىشىندە 16 ەسەگە ءوسىپ، بۇگىنگى تاڭدا 11 ملرد. تەڭگەدەن استام قارجىنى قۇراعانىن ايتتى. سايكەسىنشە، ىشكى كىرىس ءتۇسىمى دە كوڭىل قۋانتادى. ەگەمەندىك العان كەزەڭدە اۋدانداعى ىشكى كىرىس كولەمى 240 ملن. تەڭگەدەن 1 ملرد. تەڭگەگە جەتىپ، 4,5 ەسەگە وسكەن.  

سونىمەن بىرگە، تاۋەلسىزدىك جىلدارى اۋداندا 29 جاڭا ءبىلىم عيماراتتارى سالىنعان. جالپى، تولەبيدە بۇگىنگى تاڭدا 68 مەكتەپ بولسا، 1991 جىلدان بەرى سونىڭ 53-ءى كۇردەلى جوندەۋدەن ءوتىپ، ىڭعايلاستىرىلعان مەكتەپتەر سانى قىسقارىپ، تيپتىك ءبىلىم مەكەمەلەر سانى 57-گە جەتكەن.

ءباسپاسوز ماسليحاتىندا «بيزنەستىڭ جول كارتاسى-2020» مەملەكەتتىك باعدارلاماسى اياسىندا اۋداندا 2012-2015 جىلدارى جالپى 13 ملرد. 233 ملن. تەڭگەنى قۇرايتىن 35 جوبا ماقۇلدانىپ، ىسكە اسىرىلعاندىعى تۋرالى ايتىلدى.

«تاۋەلسىزدىگىمىزدىڭ 25 جىلى ىشىندە اۋداننىڭ 51 ەلدى مەكەنىندە اۋىز سۋ جۇيەسىنىڭ قۇرىلىستارى جۇرگىزىلىپ، ورتالىقتاندىرىلعان اۋىز سۋمەن اۋدان حالقىنىڭ 93,7 پايىزى، گازداندىرۋ جۇمىستارى بويىنشا 55 ەلدى مەكەننىڭ بۇگىنگى تاڭعا 36 اۋىلى نەمەسە 82 پايىزى تابيعي گازبەن قامتىلىپ وتىر»، - دەدى اۋدان باسشىسى.

سونداي-اق، باق وكىلدەرىمەن بولعان كەزدەسۋدە ب.پارمانوۆ تولەبيدەگى جۇمىسسىزدىق دەڭگەيى 6 پايىزدان 4,9 پايىزعا ءتۇسىپ، جىلما جىل اۋداننىڭ جۇمىسسىزدىق دەڭگەيى تومەندەپ كەلە جاتقانى تۋرالى مالىمدەدى. ماسەلەن، جىل باسىنان بەرى اۋداندا 2 مىڭنان استام جاڭا جۇمىس ورنى اشىلعان.

تاۋەلسىزدىك جىلدارى اۋدانداعى 18 مادەني وشاقتارىنىڭ 7-ءۋى كۇردەلى جوندەۋدەن، 8-ءى اعىمداعى جوندەۋدەن وتسە، 1 مادەنيەت ءۇيى جاڭادان سالىنىپ، قازىرگى تاڭدا 19 مادەنيەت وشاعى جۇمىس جاسايدى ەكەن.

Abai.kz