ەل تاۋەلسىزدىگىنىڭ 25 جىلدىق مەرەكەسى قارساڭىندا وتىرار اۋدانىنىڭ ورتالىعى ءشاۋىلدىر اۋىلىندا ء«شامىل-ءدۇر» جاستار ساياباعى سالتاناتتى تۇردە اشىلدى، دەپ حابارلايدى اۋدان اكىمدىگىنىڭ ءباسپاسوز قىزمەتى. ءشاۋىلدىر تۇرعىندارى مەن جاستار الدىندا قۇتتىقتاۋ ءسوز سويلەگەن ەرلان ايتاحانوۆ ء«شامىل-ءدۇر» حيقاياسىنا كەڭىنەن توقتالدى. «اڭىز ءتۇبى - اقيقات» دەپ، بابالارىمىز بەكەر ايتقان با؟ ءشاۋىلدىر اۋىلى اتاۋىنىڭ تاريحى تەرەڭدە جاتىر. سونىڭ ءبىر نۇسقاسى - اڭىزعا ارقاۋ بولعان ءشامىل مەن ءدۇر. جاستارىمىزدىڭ ولكە تاريحىن تانىپ ءبىلۋى، وعان قۇرمەتپەن قاراۋى شارت. بۇل ساياباق - جاستار رەسۋرستىق ورتالىعىنىڭ تەڭگەرىمىنە بەرىلەدى. بۇدان بىلاي سپورتتىق، مەرەكەلىك ءىس-شارالار وسىندا وتەتىن بولادى»،- دەدى اۋدان اكىمى. بۇگىندە تاۋەلسىزدىكتىڭ 25 جىلدىق مەرەيلى مەرەكەسى وتىرارلىقتار ءۇشىن تاماشا تارتۋمەن كەلدى. ەلباسىمىزدىڭ باستاماسىمەن قولعا الىنعان «جۇمىسپەن قامتۋ-2020» باعدارلاماسى اياسىندا ەلىمىزدىڭ ەرتەڭى سانالاتىن جاستارىمىزعا ارنالعان «جاستار» ساياباعى قايتا جاڭعىرتىلىپ، پايدالانۋعا بەرىلدى. سونىمەن قاتار، جالىندى جاستىق جىگەر مەن ماڭگىلىك ماحابباتتىڭ سيمۆولى بولعان ءشامىل مەن دۇرياعا ارنالعان ەسكەرتكىش قوسا اشىلىپ وتىر. ايتا كەتۋ كەرەك، وتىرار اۋدانىندا بۇلاردان باسقا دا ساۋلەتتى نىساندار كوپتەپ اشىلۋدا. حالىق دەمالاتىن، سىرتتان كەلگەن قوناقتار تاماشالايتىن ورىندار دا جەتەرلىك.

abai.kz