كەشە وڭتۇستىك استانامىزعا جۇمىس بابىمەن كەلگەن قر پرەمەر-ءمينيسترىنىڭ ءبىرىنشى ورىنباسارى اسقار مامين قالاداعى بىرقاتار قۇرىلىس نىساندارىندا بولدى    

قر پرەمەر-ءمينيسترىنىڭ ءبىرىنشى ورىنباسارى اسقار مامين الماتى اگلومەرا­تسياسىنىڭ سولتۇستىگىندەگى سپۋتنيك-قالالاردىڭ قۇرىلىس بارىسىن كورىپ قايتتى. G4 ءCىty سپۋتنيك-قالالار بولاشاعىمىزدىڭ وركەنى دەسەك بولادى.  مۇندا Gate ءCىty, Golden ءCىty, ءGrowىng ءCىty جانە Green ءCىty سىندى ءتورت سپۋتنيك-قالادان تۇراتىن جوبانى جۇزەگە اسىرۋ جوسپارلانعان.

– 2017 جىل – G4 ءCىty جوباسىن جۇزەگە اسىرۋدىڭ باستاماسى دەپ ايتۋعا تولىق نەگىز بار، ينفراقۇرىلىم دايىن تۇر. ەندى يندۋستريالىق، تۇرعىن ءۇي، لوگيستيكالىق ايماقتاعى جۇمىستار يگەرىلەدى، – دەدى ا.مامين. سونىمەن قاتار، ول ينۆەستيتسيا تارتۋعا بار جاعداي جاسالعانىن، قاجەتتى كولىكتىك، ينجەنەرلىك ينفراقۇرىلىمداردىڭ دايىن ەكەنىن اتاپ ءوتتى. «ينۆەستورلارمەن بەلسەندى جۇمىس ىستەۋ قاجەت. تىكەلەي ينۆەستيتسيالاردى قامتاماسىز ەتۋىمىز كەرەك»، – دەپ تاپسىردى. Gate ءCىty اۋماعىندا «بەرەكە» يندۋستريالىق ايماعى ورنالاساتىن بولادى.

 اسقار مامين كەلەسى جىلى ساۋىردە «التىن وردا» بازارى اۋدانىنداعى الماتى — بىشكەك جولىن قايتا جاڭارتۋدى باستاۋدى تاپسىردى. «التىن وردا» بازارى اۋماعىنداعى الماتى — بىشكەك جولى 17-19 شاقىرىمدى قۇرايدى. قازىر  ول ءتورت جولاقتى عانا بولىپ تۇر. جوندەۋ جۇمىس­تارىنان كەيىن 10 جولاققا دەيىن كەڭەي­تىلەدى»، – دەدى «قازاۆتوجول» كومپانيا­سىنىڭ وكىلى.  جوبا قۇنى 10 ملرد. تەڭگە، ونىڭ 5,5 ملرد. تەڭگەسى جول جوندەۋگە جۇمسالادى. سونداي-اق، جوبا بويىنشا جەرۇستى جاياۋ جۇرگىنشى وتكەلى مەن ءۇش اينالما ەستاكادا سالۋ كوزدەلگەن.

– ءبىرىنشى توقساندا جوبالىق-سمەتالىق قۇجاتتامانى اياقتاپ، ساۋىردە جۇمىسقا كىرىسۋدى تاپسىرامىن. بۇل قالادان شىعا­بەرىس – وتە كۇردەلى ماسەلە. ءبىز جولدى 10 جولاققا دەيىن كەڭەيتەمىز. بۇل كولىكتەردىڭ ءجۇرۋ جولىن جەڭىلدەتىپ، جۇكتەمەنى ازاي­تادى، – دەپ اتاپ ءوتتى پرەمەردىڭ ورىن­باسارى.

نىسانداردى ارالاۋ كەزىندە  پرەمەر-ءمينيسترىنىڭ ءبىرىنشى ورىنباسارى اسقار مامين مەتروپوليتەن قۇرىلىسىنىڭ بارىسىمەن تانىستى. ەلىمىزدەگى ەڭ ۇلكەن مەگاپوليس ءۇشىن قوعامدىق كولىك ماسەلەسى­نىڭ وڭ شەشىم تابۋى ايرىقشا ماڭىزدى. بۇل ورايدا الماتى مەتروسىنىڭ جۇمىسىن جانداندىرۋ اسا وزەكتى نارسە بولىپ تۇر.

– جاڭادان سالىنىپ جاتقان «سارى­ارقا» مەن  «دوستىق» ستانسالارىنىڭ   قۇ­رىلىسىن 2020 جىلى اياقتاۋ باستى مىن­دەتىمىز بولىپ تۇر. ءبىز قارجىلاندىرۋ ماسە­لەسىن قايتا قارايمىز. بۇل جوبالار جۇزەگە اسقاننان كەيىن قوعامدىق كولىكتەردەگى جو­لاۋ­شىلار تاسىمالىن ەكى ەسە ازايتۋعا كو­مەك­تەسەدى. ەڭ باستىسى، جولاۋشىلار اعى­نى 45 مىڭنان 85-90 مىڭعا دەيىن مەت­روعا اۋىساتىن بولادى، – دەدى اسقار مامين.

الماتى مەتروپوليتەنىنىڭ وكىلدەرى ءبىرىنشى ۆيتسە-پرەمەرگە «ماسكەۋ» ستانسا­سىنان «دوستىق» ستانساسىنا دەيىنگى ارالىق 3,1 شاقىرىمدى قۇرايتىنىن ايتتى.

– ءبىز قازىر اۆتوبۋستىق حابارلامالاردى مەتروعا جيناقتاۋدامىز. بارلىعى وسىعان بايلانىستى، جولاۋشىلاردى مەتروعا قاراي تارتۋىمىز كەرەك. كۇنىنە 85-90 مىڭ جولاۋشى تاسىمالداۋ – قالاداعى قوزعا­لىستى جەڭىلدەتەدى. بۇل ماڭىزدى جوبا، – دەدى الماتى قالاسىنىڭ اكىمى باۋىرجان بايبەك.

قازىردە «قالقامان» جانە «باتىس اۆتو­ۆوكزالى» جاڭا ەكى ستانساسىن جوبالاۋعا قارجى بولىنگەن. مەتروپوليتەن سولتۇستىك باعىتتا G4 ءCىty-گە دەيىن سوزىلاتىن بولادى.

abai.kz