قازاقستان رەسپۋبليكاسىنداعى ء«تىل تۋرالى»، «جارناما تۋرالى» زاڭدارى تالاپتارىنىڭ ورىنداۋ جانە شىمكەنت قالاسىنداعى كورنەكى اقپاراتتاردىڭ، جارناما ماتىندەرىنىڭ تاقىرىپتىق ماڭىزدىلىعى مەن ساۋاتتىلىعىن، ەستەتيكالىق بەزەندىرىلۋ دەڭگەيىن كوتەرۋ ماقساتىندا «ساۋاتتى جارناما – قالا كوركى» اكتسياسى ءوتتى.

اتالعان شارانى وبلىستىق تىلدەردى دامىتۋ، ارحيۆتەر مەن قۇجاتتاما باسقارماسى، شىمكەنت قالاسىنىڭ اكىمدىگى، وبلىستىق جاستار ساياساتى ماسەلەلەرى باسقارماسى، وبلىستىق كاسىپكەرلەر پالاتاسىمەن بىرلەسە ۇيىمداستىردى.

الدىمەن اكتسياعا قاتىسۋشىلار كەڭەس وتكىزىپ، الدا اتقارىلار جۇمىس جايىن سارالادى. وبلىستىق تىلدەردى دامىتۋ، ارحيۆتەر مەن قۇجاتتاما باسقارماسى باسشىسىنىڭ ورىنباسارى قاسىم اعابەكوۆتىڭ ايتۋىنشا وڭىرىمىزدە 1 وبلىستىق، 15 اۋداندىق، قالالىق دەڭگەيدە ناسيحات توپتارى جوسپار اياسىندا 145 ءتۇسىندىرۋ ءىس-شارالارىن جۇرگىزگەن.

بۇگىندە وبلىستاعى 8224 كوممەرتسيالىق نىساننىڭ ماڭدايشا، جارناما جازۋلارىنىڭ 7709-ى زاڭعا سايكەس جازىلعان. زاڭ تالاپتارىنا ساي كەلمەيتىن 515 جارناما ماتىندەرىنىڭ 232-ءسى رەتتەلگەن. ال، قالعان 283 پروبلەمالىق نىساندار بويىنشا ءتيىستى جۇمىستار اتقارىلۋدا.

ءتىل جاناشىرلارى مەن شىمكەنتتىك بەلسەندى جاستار جانە بۇقارالىق اقپارات قۇرالدارىنىڭ وكىلدەرى قاتىسقان اكتسيا بارىسىندا «شىمكەنت اۋەجايى»، «شىمكەنت» تەمىرجول ۆوكزالى، «Mega planet» ساۋدا ورتالىعى سىندى بىرقاتار نىسانداردا ءتۇسىندىرۋ شارالارى جۇرگىزىلدى.

Abai.kz