قازىرگى تاڭدا «استانا ەسكپو-2017» حالىقارالىق كورمەسىنە قاتىسۋعا نيەت بىلدىرگەن 115 مەملەكەتتىڭ 103-ءى ءوز پاۆيلوندارىنا جايعاسىپ ۇلگەردى. « ازىرگە ۇيىمداستىرۋ تۇرىعىسىندا قيىندىقتار تۋىنداعان جوق. قاتىسۋشىلار تاراپىنان وتىنىشتەر مەن ەسكەرتۋلەر تۇسسە، جىلدام شەشىلەدى. كەيبىر قاتىسۋشىلار ەلەكتر قۋاتىن ارتتىرۋ ت.ب سياقتى تەحنيكالىق تالاپتارىن ءبىلدىردى. حالىقارالىق كورمەگە قاتىسۋ ءتارتىبى، كورسەتكىشتەر كەلىسىم-شارتتاردا الدىن الا بۇگە-شىگەسىنە دەيىن جازىلعان. ال ءوز تاراپىمىزدان وزگەرتۋگە بولاتىن تۇستاردى، ەسكەرۋگە تىرىسىپ جاتىرمىز»،- دەيدى «استانا ەكسپو-2017» ۇك» اق حالىقارالىق قاتىسۋشىلارمەن جۇمىس جونىندەگى دەپارتامەنت ديرەكتورى يليا ورازاقوۆ.

 ينفرورقۇرىلىمى تارتىلعان كورمە وتكىزەتىن ورىنداردىڭ قۇرىلىسى قازان ايىندا تولىق اياقتالعان بولاتىن. ەندى، قاتىسۋشى ءار مەملەكەت كورمەنىڭ ىشكى مازمۇنىن تاقىرىپقا ساي جاراقتاۋدى قولعا الا باستادى. ماسەلەن، ەڭ ءىرى پاۆيلونداردىڭ ءبىرى كورشى قىتاي ەلى قازىر قىزۋ جۇمىس جۇرگىزىپ جاتىر. اسپان استى ەلى استانادا وتەتىن حالىقارالىق كورمەگە قاتىسۋدى راستاعان العاشقى ەلدەردىڭ ءبىرى. تاراپتار اراسىندا 2015 جىلى كەلىسىمگە قول قويىلعان. قحر پاۆيلونىنىڭ اۋماعى 1053 شارشى مەتردى قۇرايدى. ول مالايزيا، ۇندىستەن سەكىلدى ەدەرمەن ءبىر عيماراتتا ورنالاسقان. تاقىرىبى تاريح پەن بولاشاقتى بايلانىستىراتىن سياقتى. «بولاشاق ەنەرگياسى، جاسىل جىبەك جولى» دەپ اتالادى. كورشى ەلدىڭ جاھانىق كورمەلەرگە قاتىسۋ تاجىريبەسى مول. قىتاي 2010-جىلى «ەڭ جاقسى قالا، ەڭ جاقسى ءومىر» دەگەن تاقىرىپتا حالىقارالىق كورمەنى ءوزى ۇيىمداستىرعان ەل. ال ەكى جىل بۇرىن ميلاندا وتكەن كورمەدە 4590 شارشى مەتر اۋماققا قاناتىن كەڭ جايا جايعاسقان ەدى. قىتاي بالامالى ەنەرگيا كوزدەرىنە اسا ءمان بەرەدى. ماسەلەن، جەل ەنەرگياسىن ءوندىرۋ بويىنشا دۇنيە جۇزىندە اقش-تان كەيىن ەكىنشى ورىندا. ال گيدروەنەرگيا بويىنشا كوش باسىندا. ويتكەنى وزىق جەل گەنەراتورلارى مەن تۋربينالاردى Goldwind»(6%) ، «United power Sinovel» (4,7%), «Mingyang» (2,7%) سەكىلدى قىتايلىق جەتەكشى كومپانيالار قۇراستىرادى. «قىتاي ۇكىمەتى ءۇشىن، «استانا –ەكسپو 2017» حالىقارالىق كورمەسىنە اتسالىسۋ وتە ماڭىزدى. سوندىقتان ۇلكەن اۋماقتى الىپ، ءوز الەۋەتىمىزدى كورسەتەمىز دەپ وتىرمىز. ءبىز جاڭا قىتاي ەنەرگياسىنىڭ تەحنولوگيالىق جەتىستىكتەرىن پاش ەتىپ، بارلىق قاتىسۋشى ەلدەرمەن دوستاستىق ورناتۋعا مۇددەلىمىز،- دەدى «ەكسپو-2017» قىتاي ۇلتتىق پاۆيلونىن قۇراستىرۋ توبىنىڭ جەتەكشىسى، قىتاي حالىقارالىق ساۋدا پالاتاسىنىڭ ديرەكتورى دجە دجيە. ال 866 شارشى مەتر اۋماقتا اۆستيريا ەلىنىڭ ازاماتتارى دا قاربالىسىپ جۇمىس ىستەپ جاتىر. ولاردىڭ تاڭداعان تاقىرىپتارى دا ەرەكشە، قىزىق. «With brain, heart, and muscle power» ياعني، «اقىل، جۇرەك جانە كۇش» دەپ اتالدى. پاۆيلون ءۇش بولىكتەن تۇرادى. وندا ءۇش ءتۇرلى ءىس-ارەكەتتەر جۇزە اسىرىلادى دەپ جوسپارلانعان. ءبىرى جاڭا ەنەرگيا كوزدەرىن شىعارۋمەن شۇعىلدانىپ جاتسا، ەكىنشى بولىگىندە دەمالىسقا مۇمكىنىدىك بەرىلگەن. كەلەسى ايماقتا پىكىر، اقپارات الماسۋ پروتسەستەرى ءجۇرىپ جاتادى. «پاۆيلون بيۋدجەتى 5 ملن ەۋرو. اۋماعى 900 شارشى مەترگە جۋىق. پاۆيلوندى جاراقتاۋ ءۇشىن، 2-3 اۆتريالىق كومپانيا مەن كەلىسىم –شارت جاسالعان. كورمە كەزىندە مادەني باعدارلاماعا باسىمدىق بەرىلەدى. كەلۋشىلەرگە اۆستريانىڭ ايگىلى كلاسسيكالىق مۋزىكاسىن تىڭداۋعا مۇمكىندىك بار»، - دەيدى اۆستريا مەملەكەتىنىڭ قازاقستانداعى توتەنشە جانە وكىلەتتى ەلشىسى گەرحارد سايلەر. ءبىر اتاپ وتەرلىگى، «ەكسپو-2017» حالىقارالىق كورمەسى وتەتىن اۋماق استانانىڭ اكىمشىلىك وراتالىعىنا جالعاسقان جاڭا قالاشىققا اينالىپ ۇلگەردى. قۇرىلىس قارقىنى كوز ىلەستىرمەيدى. ەلوردادا وتەتىن حالىقارالىق كورمەگە 85 كۇن قالدى.

Abai.kz