استانا. 15 قىرقۇيەك. قازتاگ – ايگۇل تۇلەكباەۆا. پارلامەنت ءماجىلىسى سارسەنبى كۇنى كەڭەيتىلگەن وتىرىسىندا «كەيبىر زاڭنامالىق اكتىلەرگە مۇناي جانە مۇناي ونىمدەرىنىڭ كەيبىر تۇرلەرىنىڭ اينالىمى سالاسىندا جاۋاپكەرشىلىكتى كۇشەيتۋ ماسەلەلەرى بويىنشا وزگەرتۋلەر مەن تولىقتىرۋلار ەنگىزۋ تۋرالى» زاڭ جوباسىنا سەنات ۇسىنعان تۇزەتۋلەرمەن كەلىستى.

وسىلايشا، زاڭ قابىلداندى دەپ ەسەپتەلەدى جانە مەملەكەت باسشىسىنا قول قويۋعا جولدانادى.

زاڭ جوباسى مۇناي جانە گاز قۇبىرلارىنان شيكىزات ۇرلاعانى، مۇنايدى زاڭسىز تاسىمالداعانى، ساتىپ العانى، ساتقانى، ساقتاعانى جانە وڭدەگەنى ءۇشىن جاۋاپكەرشىلىكتى كۇشەيتۋدى جانە رۇقسات بەرۋشى قۇجاتتارسىز مۇنايدى وڭدەۋگە قابىلداۋعا تىيىم سالۋدى قاراستىرادى.

تۇزەتۋلەر جوباسى قۇبىرلاردى ابايسىزدا جانە قاساقانا زاقىمداۋ  جانە بۇزۋدى بولەك قاراستىرادى جانە جازالاۋ ءتۇرى دە بولەك.

ءماجىلىستىڭ زاڭ شىعارۋ جانە سوت-قۇقىقتىق رەفورما كوميتەتىنىڭ مالىمەتتەرىنە سايكەس، 2005 جىلدان بەرى «قازترانسويل» اق-نىڭ  («قازمۇنايگاز» ۇك-نىڭ قۇرىلىمىنا كىرەدى) مۇناي قۇبىرلارىنا زاڭسىز قوسىلۋ وقيعالارى ءۇش ەسەدەن ارتىق ءوسىپ، 2009 جىلى 148 وقيعانى قۇرادى.

تۇزەتۋلەردى «نۇر وتان» پارتياسى باسشىلىعىمەن تاپسىرماسىمەن ءماجىلىس دەپۋتاتتارىنىڭ توبى ۇسىندى.

سەنات اتالعان زاڭ جوباسىنىڭ تۇجىرىمدامالىق باپتارىن وزگەرتپەيتىن 12 تۇزەتۋ ۇسىندى.