قر ءبىلىم جانە عىلىم مينيسترلىگى ء«بىلىم-يننوۆاتسيا ليتسەيلەرىنىڭ» تولىقتاي قازاقستاندىق ءبىلىم بەرۋ مەكەمەلەرى ەكەندىگى تۋرالى، سونداي-اق ولاردىڭ ءوز قىزمەتىن قالىپتاسقان جاعدايدا جالعاستىراتىنى تۋرالى رەسمي مالىمدەدى. بۇل تۋرالى «قاسىم» پورتالى  قر بعم ءباسپاسوز قىزمەتىنە سىلتەمە جاساپ حابارلايدى.

تۇرىك رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى نەۆزات ۋيانىكتىڭ 2 ناۋرىز كۇنى قازاق-تۇرىك ليتسەيلەرىنىڭ (قتل) تۇركيانىڭ ءبىلىم مينيسترلىگى باسقارۋىنا وتەتىندىگى تۋرالى ايتقان بولاتىن. قر ءبىلىم جانە عىلىم مينيسترلىگى مۇنداي شارانىڭ بولۋ ىقتيمالدىعىن رەسمي تۇردە جوققا شىعاردى. قتل ء«بىلىم-يننوۆاتسيا ليتسەيلەرى» بولىپ قايتا قۇرىلىپ، قازاقستاندىق ءبىلىم بەرۋ ستاندارتتارى بويىنشا جۇمىس ىستەيدى.

قر ءبىلىم جانە عىلىم مينيسترلىگى مەن قر سىرتقى ىستەر مينيسترلىگى وسى ماسەلە بويىنشا بىرىگىپ مالىمدەمە جاسايدى. وعان دەيىن قر ءبىلىم جانە عىلىم مينيسترلىگى قازاقستاندىقتاردى تۇركيا ەلشىسىنىڭ جاساعان مالىمدەمەسى بويىنشا الاڭداماۋلارىن سۇرايدى. ء«بىلىم-يننوۆاتسيا ليتسەيلەرى» جۇمىسىنىڭ ادەتتەگى ءتارتىبى وزگەرىسسىز قالادى.

ء«بىلىم-يننوۆاتسيا ليتسەيلەرى» – جۇرتشىلىق اراسىندا جوعارى بەدەل مەن قۇرمەتكە يە بولىپ وتىرعان ءبىلىم بەرۋ مەكەمەسى. قازاق-تۇرىك ليتسەيلەرىنىڭ ءبارى 2016 جىلى ء«بىلىم-يننوۆاتسيا ليتسەيلەرى» بولىپ قايتا قۇرىلعان.

اباي-اقپارات