Abai.kz اقپاراتتىق پورتالى بيىلعى ۇبت سۇراقتارىندا "بايان ماقساتقىزى نەگە ءجۇر؟" دەگەن ماسەلە كوتەرگەن بولاتىن. 1-ءشى قاڭتاردان باستاپ جاڭا فورماتقا وزگەرتىلگەن ۇبت-نىڭ سۇراق-جاۋاپتارىندا باياننان بولەك تالاي ءارتىس-شوۋمەندەردىڭ اتى اتالعانىن جازعان بولاتىنبىز. ال قازاق ءتىلى مەن ادەبيەتىنىڭ ورنىن باسقان «وقۋ ساۋاتىلىعى» ءپانىن ويعا كەلمەيتىن سۇراقتارمەن تولتىرعان ۇلتتىق تەستىلەۋ ورتالىعىنداعىلار بولسا، جاستاردى شوۋعا تارتتىق دەپ ءماز، ءتىپتى ءبىزدىڭ بۇل سىنىمىزعا پىسقىرىپ تا قارامايتىنىن مالىمدەدى.   

جىلدا رەفورما جاساماسا كوڭىلى كونشىمەيتىن ءبىلىم مينيسترىلىگى بيىلدان باستاپ ۇلتتىق تەستىلەۋدەن قازاق ءتىلى مەن ادەبيەتىن الىپ تاستاعان. قاڭتاردان ەنگىزىلگەن سول ەرەجە، ەمتيحان باستالماي جاتىپ قىپ-قىزىل داۋعا قالدى. ويتكەنى، وقۋشى تۇگىلى شوۋ-بيزنەستە جۇرگەندەردىڭ ءوزىن شاتاستىراتىن ساۋال كوپ. 

كتك ارناسىنا رەسمي جاۋاپ بەرگەن ۇلتتىق تەستىلەۋ ورتالىعىنىڭ ديرەكتورى رامازان الىمقۇلوۆ بىلاي دەيدى:

- ءبىز مۇنى بىلدىك، وسىنداي بولاتىنىن. بيىل ۇلتتىق بىرىڭعاي تەستىلەۋدەن وتەتىندەردىڭ قىزىعۋشىلىعىن كوتەرۋ ءۇشىن جاسالىپ وتىر.  بايان ەسەنتاەۆا مەن نۇرتاس ادامباي  تۋرالى سۇراق تا بار.  ولار كينوماتوگرافيا، كينو سالاسى دامۋى  تۋرالى ءوزىنىڭ وي-پىكىرىن كورسەتكەن.

بۇعان ءسىز نە دەيسىز؟ ءبىلىم مينيسترلىگى كىناسىن ءتۇسىنىپ اقتالا ما دەسەك، بۇكىل قازاقستاندى شۋلاتقان ماسەلەگە ميىعىنان كۇلىپ قاراپ وتىرعانعا ۇقسايدى. 

ءشارىپحان قايسار

Abai.kz