كيەۆتە ۇلىبريتانيا جانە پولشا سىرتقى ىستەر مينيسترلەرى بوريس دجونسون جانە ۆيتولد ۆاششچيكوۆسكيمەن كەزدەسۋ كەزىندە پوروشەنكو "اكتيۆتەردى تاركىلەگەندەرگە" قارسى حالىقارالىق جانە ۋكراينا زاڭدارىن بۇزعاندارى ءۇشىن سانكتسيالاردى كەڭەيتۋدى تالاپ ەتەمىن دەدى.

پوروشەنكو "رەسەيدىڭ وزدەرىن وزدەرى جاريالاعان دحر/لحر قۇجاتتارىن مويىنداۋى، ەندى دە-فاكتو رەسەيدىڭ ۋكراين اكتيۆتەرىن (مەملەكەتتىك، جەكە) تاركىلەگەنى بولادى. بۇل رەسەي فەدەراتسياسىنىڭ ۋكراينانىڭ شىعىسىن باسىپ العانىنىڭ تاعى ءبىر كورىنىسى" دەدى.

ۋكراينا پرەزيدەنتى بۇل ايماقتارعا "رۋبل ايماعىن" ەنگىزىپ جاتقانىن، رەسەيدەن گاز جانە ەلەكتر ەنەرگياسىن تاسىمالداپ جاتقانىن دا ايتتى.

وزدەرىن وزدەرى جاريالاعان دونەتسك جانە لۋگانسك حالىقتىق رەسپۋبليكالارى 1 ناۋرىزدان باستاپ اتالعان ايماقتاعى بارلىق كاسىپورىنداردى وزدەرىنىڭ باقىلاۋلارىنا العان.

Abai.kz