باقىتجان ساعىنتاەۆ ۇكىمەت مۇشەلەرىنە قر پرەزيدەنتىنىڭ جولداۋىن ىسكە اسىرۋعا بايلانىستى ناقتى مىندەتتەردى جۇكتەدى

كەشە قر پرەزيدەنتى ن. نازارباەۆتىڭ قازاقستان حالقىنا جاڭا جولداۋىنىڭ اياسىندا بەرگەن تاپسىرمالارىن ىسكە اسىرۋ ماسەلەلەرى جونىندە قر ۇكىمەتىنىڭ وتىرىسى ءوتتى.

قر پرەمەر-ءمينيسترى باقىتجان ساعىنتاەۆ قر پرەزيدەنتى نۇرسۇلتان نازارباەۆتىڭ ۇكىمەت الدىنا قازاقستاننىڭ ءۇشىنشى جاڭعىرتىلۋىن جۇرگىزۋ تۋرالى مىندەت قويعانىن ايتتى. ونى جۇزەگە اسىرۋ ءۇشىن ەلىمىزدىڭ باسەكەگە قابىلەتتىلىگىن ارتتىراتىن ەكونوميكالىق ءوسىمنىڭ جاڭا ۇلگىسىن قۇرۋ قاجەت.

وسىعان وراي، مەملەكەت باسشىسى بەس نەگىزگى باسىمدىقتى بەلگىلەدى:  

ءبىرىنشى باسىمدىق – ەكونوميكانىڭ قارقىندى تەحنولوگيالىق جاڭعىرتىلۋى.

ەكىنشى باسىمدىق - بيزنەس-ورتانى تۇبەگەيلى جاقسارتۋ جانە كەڭەيتۋ.

ءۇشىنشى باسىمدىق – ماكروەكونوميكالىق تۇراقتىلىقپەن قامتاماسىز ەتۋ.

جولداۋدىڭ ءتورتىنشى باسىمدىعى – ادام كاپيتالىن ساپالى تۇردە جاقسارتۋ.  

بەسىنشى باسىمدىق - ينستيتۋتسيونالدىق قايتا قۇرۋ، قاۋىپسىزدىك جانە سىبايلاس جەمقورلىقپەن كۇرەس.

اتالعان باسىمدىقتاردى ىسكە اسىرۋ ءۇشىن، قر پرەمەر-ءمينيسترى مينيسترلىكتەر مەن ۆەدومستۆولارعا بىرقاتار ناقتى تاپسىرمالار بەرىپ، ولاردى اتقارۋعا جاۋاپتىلاردى بەلگىلەدى.

ەسكە سالا كەتەيىك، جاقىندا مەملەكەت باسشىسى ن. نازارباەۆ قازاقستان حالقىنا جاقىن كەلەشەكتەگى ەلىمىزدى دامىتۋدىڭ نەگىزگى باسىمدىقتارى كورسەتىلگەن جىل سايىنعى جولداۋىن جولداعان بولاتىن.

Cونداي-اق، قر پرەمەر-ءمينيسترى باقىتجان ساعىنتاەۆ «تسيفرلىق قازاقستان» باعدارلاماسىن ازىرلەۋدى جەدەلدەتۋدى تاپسىردى

قر پرەزيدەنتى نۇرسۇلتان نازارباەۆتىڭ جولداۋىن جۇزەگە اسىرۋ ماسەلەلەرى بويىنشا وتكەن ۇكىمەت وتىرىسى بارىسىندا  قر پرەمەر-ءمينيسترى باقىتجان ساعىنتاەۆ «تسيفرلىق قازاقستان» باعدارلاماسىن ازىرلەۋدى جەدەلدەتۋدى تاپسىردى.

پرەمەر-مينيستر قر پرەزيدەنتى نۇرسۇلتان نازارباەۆ ۇكىمەت الدىندا قازاقستاننىڭ ءۇشىنشى جاڭعىرۋىن جۇرگىزۋ بويىنشا مىندەت قويىپ وتىرعانىن اتاپ ءوتتى. ونى جۇزەگە اسىرۋ ءۇشىن ەلىمىزدىڭ باسەكەگە قابىلەتتىلىگىن ارتتىرۋدى قامتاماسىز ەتەتىن ەكونوميكالىق ءوسىمنىڭ جاڭا ۇلگىسىن قۇرۋ قاجەت. وسىعان بايلانىستى مەملەكەت باسشىسى بەس نەگىزگى باسىمدىقتى اتادى.  

ءبىرىنشى باسىمدىق – بۇل ەكونوميكانى جەدەلدەتىلگەن تەحنولوگيالىق جاڭعىرتۋ. بۇل تۇستا باستى ماقسات ءداستۇرلى سەكتورلار مەن قىزمەتتەر توعىسىندا تسيفرلىق تەحنولوگيالاردى قولدانۋمەن جاڭا يندۋستريالار قۇرۋ بولىپ تابىلادى.

«3D-پرينتينگ، ونلاين-ساۋدا، ءموبيلدى بانكينگ، ونەركاسىپتىك عالامتور، كاسىبي قىزمەت سالاسىنداعى ساندىق سەرۆيستەر ءتارىزدى پەرسپەكتيۆالى سالالاردى دامىتۋ تۋرالى بولىپ وتىر. جاڭا تەحنولوگيالار مەن بيزنەس-مودەلدەردىڭ جىلدام تارالۋى بۇگىننىڭ وزىندە اتالعان سالالاردى رەتتەۋدە جاڭا تالاپتار قويىپ وتىر. وسى ماقساتتا ەلباسى «تسيفرلىق قازاقستان» باعدارلاماسىن ازىرلەپ، ءبىزدىڭ زاڭنامامىزدى IT-تەحنولوگيالاردى دامىتۋ ءۇشىن ىنتالاندىرۋعا بەيىمدەۋدى تاپسىردى»، - دەدى ب. ساعىنتاەۆ.

وسى ورايدا پرەمەر-مينيستر اقپارات جانە كوممۋنيكاتسيالار مينيسترلىگىنە مۇددەلى مەملەكەتتىك ورگاندارمەن بىرلەسىپ اتالمىش باعدارلامانىڭ ازىرلەنۋىن جانە زاڭنامالىق وزگەرىستەردى دايىنداۋدى جەدەلدەتۋدى تاپسىردى.  

سونىمەن قاتار ب. ساعىنتاەۆ 2020 جىلعا دەيىن اۋىلداردى تالشىقتى-وپتيكالىق جەلىلەرگە قوسۋ ماسەلەسىن ەرەكشە باقىلاۋعا الۋ قاجەتتىگىن اتاپ ءوتتى.

پرەمەر-ءمينيستردىڭ ايتۋىنشا، يننوۆاتسيالاردى قولداۋ جانە ولاردى وندىرىسكە جىلدام ەنگىزۋ دە وزەكتى بولىپ تابىلادى. وسىعان بايلانىستى ەكسپو-نىڭ ينفراقۇرىلىمدىق بازاسىندا حالىقارالىق IT-ستارتاپتار تەحنوپاركىن قۇرۋ قاجەت.

ء«بىز بۇل تەحنوپاركتىڭ بۇكىل دۇنيە جۇزىنەن كاسىپكەرلەر مەن ينۆەستورلاردى تارتۋى ءۇشىن پلاتفورماعا اينالۋىنا قول جەتكىزۋىمىز كەرەك. ول ءۇشىن سايكەس ينفراقۇرىلىم مەن قولايلى جاعدايلار جاسالۋى ءتيىس»، - دەپ اتاپ ءوتتى ب. ساعىنتاەۆ.

بۇل تۇرعىدا پرەمەر-مينيستر اقپارات، ۇلتتىق ەكونوميكا جانە قارجى مينيسترلىكتەرىنە مۇددەلى مەملەكەتتىك ورگاندارمەن بىرلەسە وتىرىپ تەحنوپارك قۇرۋ ماسەلەسىن جانە سالىق جەڭىلدىكتەرى، جەڭىلدەتىلگەن ۆيزا جانە ەڭبەك رەجىمى تۇرىندە زاڭنامالىق قولداۋ كورسەتۋ ماسەلەسىن پىسىقتاۋدى تاپسىردى.

سونىمەن قاتار، ءبىلىم جانە عىلىم مينيسترلىگىنە جوو-لار، نازارباەۆ ۋنيۆەرسيتەتىنىڭ استانا بيزنەس كامپۋسى جانە «الاتاۋ» اقپاراتتىق تەحنولوگيالار پاركى بازاسىندا وتاندىق عىلىمي جانە يننوۆاتسيالىق الەۋەتتى دامىتۋ بويىنشا قاجەتتى شارالاردى قولعا الۋ تاپسىرىلدى.

سونىمەن قوسا، ۇكىمەت باسشىسى باقىتجان ساعىنتاەۆ قازاقستان ەكونوميكاسىنىڭ نەگىزگى سەكتورلارىن ودان ءارى دامىتۋعا بايلانىستى بىرقاتار تاپسىرمالار بەردى

قر پرەمەر-ءمينيسترى باقىتجان ساعىنتاەۆ قر پرەزيدەنتى نۇرسۇلتان نازارباەۆتىڭ جولداۋىن ىسكە اسىرۋ ماسەلەلەرى جونىندە وتكەن ۇكىمەت وتىرىسى بارىسىندا لوگيستيكالىق ينفراقۇرىلىمدى، تاۋ-كەن-مەتاللۋرگيا جانە اگروونەركاسىپ كەشەنىن ودان ءارى دامىتۋعا بايلانىستى بىرقاتار تاپسىرمالار بەردى.

ەسكە سالا كەتەيىك، جاقىندا مەملەكەت باسشىسى ن. نازارباەۆ قازاقستان حالقىنا جاقىن كەلەشەكتەگى ەلىمىزدى دامىتۋدىڭ نەگىزگى باسىمدىقتارى كورسەتىلگەن جىل سايىنعى جولداۋىن جولداعان بولاتىن.

پرەمەر-مينيستر تاۋ-كەن-مەتاللۋرگيا جانە مۇنايگاز كەشەنىن ودان ءارى دامىتۋ ءۇشىن وتاندىق ءونىمدى جەتكىزۋ گەوگرافياسىن كەڭەيتىپ، گەولوگيالىق بارلاۋ جۇمىستارىن بەلسەندى دامىتۋ قاجەت ەكەنىن ايتتى. وسىعان وراي، ەنەرگەتيكا مينيسترلىگىنە جىل سوڭىنا دەيىن جەر قويناۋى تۋرالى جاڭا كودەكستى قابىلداپ، سالىق زاڭناماسىنا قاجەتتى تۇزەتۋلەر ەنگىزۋ تاپسىرىلدى.

سونىمەن قاتار، ب. ساعىنتاەۆ مەملەكەت باسشىسىنىڭ تاپسىرماسىنا سايكەس، وتاندىق اۋىل شارۋاشىلىعى قازاقستان ەكونوميكاسىنىڭ درايۆەرىنە اينالۋى ءتيىس ەكەنىن ايتىپ ءوتتى.

ء«بىز ەكولوگيالىق تازا ازىق-تۇلىك شىعارۋ ارقىلى الەمدىك ازىق-تۇلىك نارىقتارىندا ءوز ورنىمىزدى تابا الامىز. «Made in Kazakhstan» برەندىنىڭ ءوزى ەكولوگيالىق تازا ونىممەن بايلانىستىرىلۋى كەرەك. بۇگىندە ءبىز سۋبسيديالاردى ءبولۋ مەن جەكە قوسالقى شارۋاشىلىقتاردىڭ الەۋەتىن پايدالانا وتىرىپ كووپەراتيۆ قۇرۋدىڭ، سونىمەن قاتار، ەڭبەك ونىمدىلىگىن اتتىرۋدىڭ جاڭا قاعيدالارى بويىنشا تاسىلدەردى ازىرلەدىك. بارلىق مىندەتتەر كەشەنى اوك دامىتۋدىڭ جاڭا مەملەكەتتىك باعدارلاماسى اياسىندا ىسكە اسىرىلۋى ءتيىس»، - دەدى ب. ساعىنتاەۆ.

بۇدان وزگە، پرەمەر-مينيستر مەملەكەت باسشىسىنىڭ جاڭا ەۋرازيالىق لوگيستيكالىق ينفراقۇرىلىمدى دامىتۋ تۋرالى مىندەت قويعانىن ايتتى.

«بۇل ءۇشىن ءبىز جۇك تاسىمالىنا ەركىندىك بەرىپ، ازيا مەن ەۋروپا اراسىندا ترانسكونتينەنتتىك قۇرلىقتىق حاب بولۋعا مۇمكىندىك بەرەتىن، كولىك دالىزدەرىن قۇرىپ، ولاردى جاڭعىرتۋىمىز قاجەت. ناتيجەسىندە ءبىز 2020 جىلعا قاراي كونتەينەرلىك جۇكتەر ءۇشىن ترانزيتتىك تاسىمال كولەمىنىڭ كورسەتكىشتەرىن جەتى ەسەگە، جولاۋشىلار تاسىمالىنىڭ كولەمىن ءتورت ەسەگە ارتتىرۋىمىز كەرەك»، - دەدى ب. ساعىنتاەۆ.

وسى ورايدا، ينۆەستيتسيالار جانە دامۋ، سىرتقى ىستەر، ۇلتتىق ەكونوميكا مينيسترلىكتەرىنە العا قويىلعان مىندەتتەردىڭ شەشىمىن تابۋعا بايلانىستى قاجەتتى شارالاردى قابىلداۋعا تاپسىرما بەرىلدى.

Abai.kz