قازىرگى تاڭدا ازىق-تۇ­لىك تاپشىلىعى ورىن الىپ، اشار­شى­لىقتان زارداپ شەگىپ جاتقان ەلدەر دە جوق ەمەس. دۇنيەجۇزىندە بۇ­گىنگى كۇنى سوزىلمالى اشتىق دەر­تىنە شالدىققانداردىڭ سانى 925 ملن ادامعا جەتەدى، بۇل جەر شارى تۇرعىندارىنىڭ 14 پايىزىن قۇ­راي­دى. سونداي-اق الەم ەلدەرىنىڭ 29-ى ازىق-تۇلىك تاپشىلىعىن وتكىر سەزىنۋدە. بۇل ماڭىزدى ماسەلە تۋراسىندا قازاقستان پرەزيدەنتى ن.نازارباەۆ شىۇ مۇشە مەملەكەت­تە­رى باسشىلارىنىڭ وتىرىسىندا سويلەگەن سوزىندە: «قازىرگى ۋاقىت­تا الەمدىك تۇتىنۋ مەن تابيعات اپات­تا­رىنىڭ سالدارىنان شيكىزات پەن ەنەر­گيا رەسۋرستارى باعاسىنىڭ ءوسۋى ازىق-تۇلىك ونىمدەرىنىڭ قىمبات­تاۋى­نا الىپ كەلدى. ازىق-تۇلىك داعدارىسىنىڭ زار­داپ­تارى بۇكىل الەمدەگى الەۋمەتتىك جانە ساياسي جاعدايدىڭ ۋشىعىپ كەتۋىنە سوقتىرادى. بۇل جاعدايدا ازىق-تۇلىك قاۋىپسىزدىگىن ايماقتىق جانە حالىقارالىق دەڭگەيدە تۇراق­تان­دىرىپ، ۇيلەستىرىلگەن جانە كەلى­سىل­گەن ارەكەتتەردى جۇزەگە اسىرۋ شارت»، – دەگەن بولاتىن. سونداي-اق وسى وتىرىستا ەلباسى ازىق-تۇلىك قاۋىپ­سىز­دىگى مەن سۋدى پايدالانۋ ءىسىنىڭ ماڭىز­دىلىعىن ەسكەرە وتىرىپ، «سۋ - ازىق-تۇلىك» كوميتەتىن قۇرۋ جونىندە باستاما كوتەرگەن-ءدى. ازىق-تۇلىك داعدارىسىنىڭ الەم بويىنشا بەلەڭ الىپ وتىرعان شاعىندا مۇنداي ءىس-شارالاردىڭ جەدەل قولعا الىنىپ، ناقتىلانعان جۇيەدە جۇمىس اتقارۋىنىڭ، ازىق-تۇلىك قاۋىپسىزدىگىن ساقتاۋدا قوسىمشا قور جيناۋدىڭ، سونداي-اق ەلدى ازىق-تۇلىكپەن قامتاماسىز ەتۋدىڭ بىردەن-ءبىر باعىتى – اۋىل شارۋاشىلىعىندا كاسىپكەرلىكتى ورىستەتۋ، شارۋا قوجالىقتارىن كەڭىنەن دامىتۋ، اۋىل شارۋاشىلىعى ونىمدەرىن قايتا وڭدەۋ سالاسى مەن تاماق ونەركاسىبىنە اسا ءمان بەرىپ، ولاردىڭ جۇمىسىن جانداندىرۋدى قاداعالاۋ قاجەت. سوندىقتان ءبىز ءۇشiن دە ەلدiڭ ازىق-تۇ­لiك قاۋiپسiزدiگiن نىعايتۋ، سوعان وراي iس-قيمىل جاساۋ بiرiنشi كەزەكتەگi مiندەت بولىپ تابىلادى. مiنە، وسىنى باسشىلىققا العان وڭتۇستىك قازاقستان وبلىسىنىڭ باسشىلىعى    ازىق-تۇلىك قاۋىپسىزدىگىن نىعايتۋ ءارى شەشۋدiڭ جولدارىنا ەرەكشە نازار اۋدارۋدا. ارينە، وبلىستا اگرارلىق سەكتور سالاسىنىڭ مۇمكiندiگi مول. جىل سايىن وبلىس اۋىل شارۋاشىلىعى ونiمدەرiن وندiرۋدە بۇرىن-سوڭدى بولماعان تابىستارعا قول جەتكiزiپ كەلەدi. بۇل باعىتتا قانداي جۇمىستار قولعا الىنىپ جاتىر؟ قولدا باردى باعالاي الىپ ءجۇرمiز بە؟

«قازاقستاننىڭ حالىقارالىق دەڭگەي­دەگى ەكونوميكا قاۋىمداستى­عى­نىڭ تۇراقتى مۇشەسىنە اينالۋى – وتان­دىق نارىق تاريحىندا ءوز­ تاڭبالارىن قالدىرۋدا. بۇگىنگى ماقساتىمىز – الەمدىك نا­رىق­تا ورنىمىزدى تاۋىپ، تەحنولو­گيا­لاردىڭ دامۋ زامانىندا باسە­كەگە قابىلەتتى ءونىم ءوندىرۋ، مەملە­كە­تىمىزدىڭ ازىق-تۇلىك قاۋىپسىزدىگىن قامتاماسىز ەتۋ بولسا كەرەك»، – دەيدى وڭتۇستىك قازاقستان وبلىسىنىڭ اكىمى  جانسەيىت تۇيمەباەۆ مىرزا.

اباي-اقپارات