ۇبت، سەنى سۇيەمىن!
قىز بەن جىگىت ساياباقتا كەزدەسىپ، وڭاشادا اڭگىمەلەسىپ تۇر.
– سەنىڭ اتىڭدى نەگە ۇبت دەپ قويعان؟ –دەپ سۇرادى قىز جىگىتتىڭ جۇزىنە كۇلىمسىرەي قاراپ.
– ۇلتتىق بىرىڭعاي تەستىڭ قۇرمەتىنە...
– ءبىرتۇرلى ەسىم ەكەن...
– سەنىڭ دە اتىڭ وڭىپ تۇرعان جوق قوي... تەستگۇل... ءبىرىنشى ەستىگەندە اۋزىمدى اشىپ، تاڭ قالىپ تۇرعانىمدا، شىبىن كىرىپ كەتتى ەمەس پە؟
– ۇبت، سەن عوي، ۋنيۆەردە وقيسىڭ، ۇبت-دان ءوتىپ كەتتىڭ. مەن قورقاتىن سياقتىمىن...
– قورىقپاي شەشىنە بەر...
– شەشىنگەنى نەسى؟ قويشى، قايداعىنى ايتپاي؟–دەپ بۇرتيدى قىز.
– پوليتسەيلەر دەنەڭنەن شپارگالكا ىزدەپ، شەشىندىرەدى ءالى...
– يا ساعان...
– شىن ايتامىن. ۇقك جىگىتتەرى ەرنىڭنەن سۇيەدى...
– نەگە؟
– اۋزىڭدا قوندىرعى جوق پا، سونى تەكسەرۋ ءۇشىن...
– ۋجاس...
– اقشا جينادىڭدار ما؟
– يا...
– تەكسەرۋشىلەرگە بەرەدى عوي...
– وي، قانداي قورقىنىشتى! ۇبت، ەگەر ۇبت-دان وتە الماي قالسام بار عوي، سرازىم كۇيەۋگە ءتيىپ كەتەمىن!
– كىمگە؟
– كىم بولسا، سوعان! شالعا دا تيە سالامىن!
– ويباي، مەن شە؟
– سەن... سەن ۇبت-دان قۇلاپ قالعان قىزعا پىسقىرىپ تا قارامايتىن شىعارسىڭ؟
– اح، سولاي ما؟ و، قۇدايىم!–دەگەن ۇبت كوككە قولىن جايدى،–تەستگۇل ۇبت-دان ۇتىلسىن، ءسويتىپ، ماعان ءتيىپ، نەسيەسى بولسا، قۇتىلسىن! ءاۋمين!
– جىندى دەسە! قارعاماساي! ۇبت، مەن سەنى سۇيەمىن!
– ۇبت-عا جاقسى دايىندال. كۇن سايىن ارقانعا اسىلىپ ءولۋدىڭ جولدارىنا جاتتىعا بار، بەس قاباتتى ۇيدەن سەكىرىپ كەتۋدىڭ قىرى مەن سىرىنا قانىق. رەلسكە باسىڭدى قويىپ، جاتا عوي...–دەپ كۇلدى ۇبت.
–قويشى، ۇبت-عا بولا ءومىرىمدى قيىپ! سوندايلاردى جەك كورەمىن شە... كۇيەۋگە تيە سال...
– كۇيەۋگە تيۋدەن دە تەست تاپسىراسىڭدار...
– سوندا قالاي؟
– ۇكىمەت سونداي قاۋلى شىعارىپتى... –دەگەن ۇبت قالتاسىنان ءبىر جاپىراق قاعاز شىعاردى،–تەست سۇراقتارى مىناداي:
كۇيەۋگە نە ءۇشىن تيەدى؟
ا) راحات ءۇشىن...
ب)بىرگە ۇيىقتاۋ ءۇشىن..
ا)كۇيەۋىنىڭ ميىن جەپ، ەرتە و دۇنيەگە اتتاندىرۋ ءۇشىن...
تويلاردا تىر جالاڭاش بيلەگەن قازاق قىزدارى تۇرمىسقا شىعادى ما؟
ا) ءبىر «مايمىلعا» تۇرمىسقا شىعادى...
ب) بايسىز قالادى...
ءا) «كارى قىز» مەدالىمەن ماراپاتتالادى...
كەلىنشەكتەر نەنى جاقسى كورەدى؟
ا) كۇيەۋىنىڭ ايلىعىن...
ب) كۇيەۋىنەن بۇرىن التىن سىرعا، جۇزىكتەردى...
ءا) كۇيەۋىنىڭ جۇدىرىعىن...
قىزدار نە تارتادى؟
ا) ورامال تارتادى.
ب) تەمەكى تارتادى...
ءا) ەشتەڭە تارتپايدى...
قىزدار نە اتادى؟
ا)كوزبەن اتادى،
ب) ناسىباي اتادى.
ءا) وسەكپەن «اتادى»...
–ۇبت! مەن سەنى سۇيەمىن! ۇبت-دان وتسەم دە، قۇلاسام دا، ساعان عانا تيەمىن!–دەگەن تەستگۇل جىگىتتىڭ بەتىنەن ءشوپ ەتكىزە ءسۇيدى دە، كوشەگە قاراي جۇگىرە جونەلدى. كەنەت ءبىر «دجيپ» ونى قاعىپ كەتىپ، مۇرتتاي ۇشىردى... ەرتەڭىنە-اق گازەتتەردە: «مەكتەپ ءبىتىرۋشى بويجەتكەن ۇبت-دان قورقىپ، كولىك استىنا ءوز ەركىمەن تۇسكەنىمەن، ولمەي قالدى...» دەگەن حابار تاراتىپ جاتتى... بەۋ، ۇبت-اي...
مۇحتار شەرىم
Abai.kz
