كومەيىمدە جالاڭ ءسوز،
تار كەڭسەدە وتىرمىن.
الاقتايدى الاڭ كوز،
عالامتورلىق باتىرمىن.
حان الدىنا بارا الماس،
كوشە كەزگەن اقىنمىن.
ۇيپا شاشى تارالماس،
قارا سيراق پاقىرمىن.
استىم بايلىق، توبەم كوك،
كەڭىستىكتە جاتىرمىن.
ساداعىم جوق، جەبەم جوق،
بايراعى جوق شاتىرمىن.
قادىرى جوق بەس كۇنگە،
الاش دەگەن زاتىمنىڭ،
قادىرى جوق ەشكىمگە،
قازاق دەگەن اتىمنىڭ!

تويتارا الماس جاۋىزىن،
ءجۇزى كەتكەن قىلىشپىن،  
دۋالى ەمەس اۋىزىم،
ءوز-وزىمنەن تىنىشپىن.
كەشەگى وتكەن بابامنىڭ،
بىرلىگى دە جوق مەندە.
كەشەگى وتكەن اعامنىڭ،
تىرلىگى دە جوق مەندە.
قانشا جاۋدى قيراتقان،
قايراتى دا جوق مەندە.
مۇرتىن كوككە شيراتقان،
ايلاسى دا جوق مەندە.

ءاز جانىبەك، كەرەيدىڭ،
ساردارى ەدىم مەن كەشە.
شۋعا اۋعان قازاقتىڭ،
باعدارى ەدىم مەن كەشە.
قاسىمحاننىڭ داڭعىلدى،
جولى ەدىم مەن كەشە.
ەسىمحاننىڭ جاڭبىرلى،
قولى ەدىم مەن كەشە.
حاق نازاردىڭ تۇندەگى،
ويى ەدىم مەن كەشە،
جەڭىمپاز سول كۇندەردىڭ، 
تويى ەدىم مەن كەشە.
ابىلايدىڭ جاسىنداي،
جەبەسى ەدىم مەن كەشە،
بوگەنبايدىڭ باسىندا،
كوبەسى ەدىم مەن كەشە.
قابانبايدىڭ قولىندا،
نايزا ەدىم مەن كەشە.
باتىر بايان اسىنعان،
قىلىش ەدىم مەن كەشە.
جاۋ مۇردەسى شاشىلعان،
ۇرىس ەدىم مەن كەشە.

كومەيىمدە جالاڭ ءسوز،
تار كەڭسەدە وتىرمىن.
الاقتايدى الاڭ كوز،
عالامتورلىق باتىرمىن.
حان الدىنا بارا الماس،
كوشە كەزگەن اقىنمىن.
ۇيپا شاشى تارالماس،
قارا سيراق پاقىرمىن.
استىم بايلىق، توبەم كوك،
كەڭىستىكتە جاتىرمىن.
ساداعىم جوق، جەبەم جوق،
بايراعى جوق شاتىرمىن.
قادىرى جوق بەس كۇنگە،
الاش دەگەن زاتىمنىڭ،
قادىرى جوق ەشكىمگە،
قازاق دەگەن اتىمنىڭ!

تويتارا الماس جاۋىزىن،
ءجۇزى كەتكەن قىلىشپىن،  
دۋالى ەمەس اۋىزىم،
ءوز-وزىمنەن تىنىشپىن.
كەشەگى وتكەن بابامنىڭ،
بىرلىگى دە جوق مەندە.
كەشەگى وتكەن اعامنىڭ،
تىرلىگى دە جوق مەندە.
قانشا جاۋدى قيراتقان،
قايراتى دا جوق مەندە.
مۇرتىن كوككە شيراتقان،
ايلاسى دا جوق مەندە.

ءاز جانىبەك، كەرەيدىڭ،
ساردارى ەدىم مەن كەشە.
شۋعا اۋعان قازاقتىڭ،
باعدارى ەدىم مەن كەشە.
قاسىمحاننىڭ داڭعىلدى،
جولى ەدىم مەن كەشە.
ەسىمحاننىڭ جاڭبىرلى،
قولى ەدىم مەن كەشە.
حاق نازاردىڭ تۇندەگى،
ويى ەدىم مەن كەشە،
جەڭىمپاز سول كۇندەردىڭ، 
تويى ەدىم مەن كەشە.
ابىلايدىڭ جاسىنداي،
جەبەسى ەدىم مەن كەشە،
بوگەنبايدىڭ باسىندا،
كوبەسى ەدىم مەن كەشە.
قابانبايدىڭ قولىندا،
نايزا ەدىم مەن كەشە.
باتىر بايان اسىنعان،
قىلىش ەدىم مەن كەشە.
جاۋ مۇردەسى شاشىلعان،
ۇرىس ەدىم مەن كەشە.
قازاقتىڭ ءار سايىندا،
تابىت بولعان جەر-شەشەم،
بار ساربازدىڭ بويىندا،
ساۋىت بولعام ەندەشە!

وعان ەندى سەنبەسەڭ،
وعان ەندى كونبەسەڭ.
ەشنارسەگە سەنبە سەن،
ەشنارسەنى كورمە سەن!

بۇگىنگى مىنا مەن دەگەن، 
قازتۋعان مەن شالكيىز،
ايتىپ كەتكەن جىرىمىن.
دوسپامبەت پەن اساننىڭ،
استارلاعان سىرىمىن.
ۇمبەتەي مەن بۇقاردان، 
جۇرتتا قالعان قۇرىمىن.
اقتامبەردى، ماحامبەت،
شاشىراتقان نۇرىمىن. 
ال، بۇگىنگى ءتۇرىم بۇل:
ەگەمەندى ەلىمنىڭ،
كەرەگى جوق ۇلىمىن،
ساتىلمالى جەرىمنىڭ،
دەرەگى جوق قۇلىمىن.

اي، اي قوعام،
باي قوعام!
ءوز قولىمەن قىزىنىڭ،
قيدىردىڭ با بۇرىمىن.
ارتتا قالار ءىزىڭنىڭ،
جۇلدىردىڭ با تۇلىمىن.
پىراق بولماس ەشقاشان، 
شاپقىلاي ما قۇلىنىڭ،
شىراق بولماس ەشقاشان،
تۇمانداعى بۇلىڭعىر!
كەشەگى حاس قاھان ءدۇر
ءوز تاعىنا قونباسا. 
كەشەگى حاس ءباھادۇر،
رۋحقا تىرەك بولماسا،
قايتەم سەنىڭ ءسوزىڭدى،
شىندىعى جوق، دالباسا!
كورەم سەنىڭ كوزىڭدى،
ايداھار كەپ جالماسا!

الاش ءۇشىن جان قيعان،
جانارلارى توردا وشكەن.
ازاتتىققا جان پيدا،
قازاق ءۇشىن سور كەشكەن!
جانازاسىز كومىلگەن،
ءاليحانداي ارىسىم،
عىلىم تاسىن كەمىرگەن،
احمەتىمدەي بارىسىم،
ولەڭ جىرعا سەمىرگەن،
ماعجانىمداي سۇڭقارىم،
جاراتىلعان تەمىردەن،
مىرجاقىپتاي تۇلپارىم،
كەشەگى وتكەن زاماندا،
نەدەن شابىت الدى ەكەن؟
بۇگىن جەتكەن زاماندا،
نەگە ۇمىت قالدى ەكەن؟

زاپىراندى ىشتەگى،
شىعارايىن، شارشادىم، 
ايتايىنشى تىستەنىپ،
اقيقاتتى اڭسادىم.    
جالعان سوزدەن قارتايعان،
جۇرەگىمدە بار ساعىم،
رۋح شاقىرىپ التايدان،
شوشىتايىن ار جاعىن.
از-اق قالعان باۋىردى،
بەزبۇيرەك قىپ جىبەردىم.
كوككە ۇشىرىپ اۋىلدى،
جەزۇيرەك قىپ جىبەردىم.
كورىنگەننىڭ قوينىندا،
كەتتى قايتەم قارىنداس،
كورىنگەننىڭ ويىندا،
بالام مەنى ساعىنباس.
ال، ءتىلىمنىڭ تاعدىرى،
ءوز قولىما باعىنباس.
ءولىپ بارا جاتقان ءبىر،
كونە تىلمەن سارىنداس.

كەشەگى وسى جەردەگى،
باستاپ ەدى تىڭ ويدان.
كەشەگى وسى پەندەلەر،
بۇگىن ۇلكەن قۇدايلار.
تامىرداعى قانىنا،
ۇقساپ كەتكەن سەكىلدى،
قۇبىرداعى مۇنايلار!

اي، قايتەيىن، قايتەيىن،
اقىندىقتىڭ قۇنى جوق.
اقىرعانمەن ايتەۋىر،
باتىرلىقتىڭ قۇنى جوق.
كەشەگى وتكەن بيلەردىڭ،
كوزى شوق تا، ءتىلى وت.
كەشە وتكەن شايىردىڭ،
ءسوزى قايتار ءتۇرى جوق!

ايتپاس بولماس، اقىنعا،
ايتپاسىما بولمايدى. 
التىن قۇرساق جاتىرعا،
قايتىپ ەشكىم قونبايدى.
ايتىلماسا ءسوز جەتىم،
اقىن ءۇشىن سول قايعى...
ءبىر سەنەرىم، الاشتى،
كوكتە ءتاڭىر قولدايدى.
بۇل قازاقتىڭ ءدۇر رۋحى،
ەشقاشاندا سولمايدى!

بۇل قازاقتىڭ ءور رۋحى،
ەشقاشاندا سولمايدى!

«اباي-اقپارات»