تۇركيا دەسە، كوز الدىما تۇرىك ءدىني پانسيوندارى، تۇرىك ليتسەيلەرى، تۇرىك كومپانيالارى، گۇلەنشىلەر جانە دونەركەباب كەلە قالادى. دونەردەن دورەكى قىلىق كورمەدىم. باسقاسىنىڭ تۇرىك-قازاق قاتىناسىنداعى قىلىعى قۇلاققا كۇندە جەتىپ جاتادى. سويتكەن تۇركيادان تاعى ءبىر جاڭالىق شىقتى. بۇل جاڭالىقتىڭ بەلورتاسىندا «مەن قازاقستان پرەمەر-ءمينيسترىنىڭ كومەكشىسىمىن» دەپ بىرەۋ ءجۇر.

تۇرىك پوليتسياسى جەرورتا تەڭىزىنىڭ جاعاسىنداعى گەچەك قالاسىنىڭ ماڭىنان «ساۆارونا» كەمەسىندەگى جەزوكەشەلەر ءۇيىن انىقتاعان. ءسويتىپ، رەسەي مەن ۋكراينادان كەلگەن كاملەتتىك جاسقا تولماعان قىزداردى تۇتقىنداعان. تۇتقىندالعان ون ءتورت ادامنىڭ ىشىندەگى تەۆفيك اريف دەگەن بىرەۋ ءوزىن «قازاقستان پرەمەر-ءمينيسترىنىڭ كومەكشىسىمىن» دەپ تانىستىرعان. اقپاراتتارعا قاراعاندا، بۇل سابازىڭ كەمەنىڭ يەسى جانە قازاق بيزنەسمەنى-مىس.
ەندى قايتتىك؟! تەۆفيك ءاريفتىڭ اۋزىنا قازاقستان پرەمەر-ءمينيسترىنىڭ كومەكشىسىمىن دەگەن ءسوزدى قاي سايتان سالدى. ساندىراق دەيىن دەسەڭ وعان كەلمەيدى. الگىنىڭ جايدان جاي ءبىر ەلدىڭ لاۋازىمدى ۇلىعىنىڭ اتقوسشىسى ەدىم دەي سالمايتىنى انىق.

تۇركيا دەسە، كوز الدىما تۇرىك ءدىني پانسيوندارى، تۇرىك ليتسەيلەرى، تۇرىك كومپانيالارى، گۇلەنشىلەر جانە دونەركەباب كەلە قالادى. دونەردەن دورەكى قىلىق كورمەدىم. باسقاسىنىڭ تۇرىك-قازاق قاتىناسىنداعى قىلىعى قۇلاققا كۇندە جەتىپ جاتادى. سويتكەن تۇركيادان تاعى ءبىر جاڭالىق شىقتى. بۇل جاڭالىقتىڭ بەلورتاسىندا «مەن قازاقستان پرەمەر-ءمينيسترىنىڭ كومەكشىسىمىن» دەپ بىرەۋ ءجۇر.

تۇرىك پوليتسياسى جەرورتا تەڭىزىنىڭ جاعاسىنداعى گەچەك قالاسىنىڭ ماڭىنان «ساۆارونا» كەمەسىندەگى جەزوكەشەلەر ءۇيىن انىقتاعان. ءسويتىپ، رەسەي مەن ۋكراينادان كەلگەن كاملەتتىك جاسقا تولماعان قىزداردى تۇتقىنداعان. تۇتقىندالعان ون ءتورت ادامنىڭ ىشىندەگى تەۆفيك اريف دەگەن بىرەۋ ءوزىن «قازاقستان پرەمەر-ءمينيسترىنىڭ كومەكشىسىمىن» دەپ تانىستىرعان. اقپاراتتارعا قاراعاندا، بۇل سابازىڭ كەمەنىڭ يەسى جانە قازاق بيزنەسمەنى-مىس.
ەندى قايتتىك؟! تەۆفيك ءاريفتىڭ اۋزىنا قازاقستان پرەمەر-ءمينيسترىنىڭ كومەكشىسىمىن دەگەن ءسوزدى قاي سايتان سالدى. ساندىراق دەيىن دەسەڭ وعان كەلمەيدى. الگىنىڭ جايدان جاي ءبىر ەلدىڭ لاۋازىمدى ۇلىعىنىڭ اتقوسشىسى ەدىم دەي سالمايتىنى انىق.

ۇكىمەتتىڭ ءباسپاسوز قىزمەتى ءماسىموۆتىڭ (سۋرەتتە) كومەكشىلەرىنىڭ ءبارى ەلدە، ءوز قىزمەتتەرىندە ەكەنىن ايتادى. تۇركيادا «ساۆارونا» كەمەسىندە جۇرگەن كومەكشى جوق دەيدى. سىرتقى ىستەر مينيسترلىگى دە تۇركيا جاعى ۇستالعانداردىڭ ىشىندە ءبىزدىڭ ەلدىڭ ازاماتتارى بار ەكەنى تۋرالى حابار بەرمەگەنىن ءمالىم ەتىپتى.
ال، «ساۆارونا» دەگەن جاي كەمە ەمەس، ايگىلى مۇستافا كەمال اتاتۇرىكتىڭ كەمەس ەكەن. شەتەلدەردىڭ بىرىندە 1931 جىلى جاسالعان بۇل كەمەنى 1938 جىلى تۇركيا ساتىپ العان. كەمەدە اتاتۇرىك جۇمىس ىستەگەن. اتاتۇرىك ومىردەن وزعاننان كەيىن كەمە تەڭىز اكىمشىلىگىنە بەرىلگەن. كەمەنى 1989 جىلى  قاحرامان سادىقوعلى دەگەن ادام 49 جىلعا جالعا الىپتى. ال، قاحرامان سادىقوعلى بولسا، كەمەنى الدەبىر قازاق بيزنەسمەنىنە ۇستەمەلەپ جالعا بەرىپ جىبەرگەنىن ايتىپ وتىر.

قالاي بولعاندا دا، مۇندا ءبىر گاپ بار.. جانە مىنانداي سۇراق بار: اپىر-اۋ، سوندا كەمە كىمدىكى بولدى؟ قىزويناقتى قىزدىرىپ جۇرگەن كىم بولدى؟ بۇل سۇراقتاردىڭ جاۋابى ءبارىمىزدى جالىقتىرماي-اق جاقىندا ءمالىم بولىپ قالار.

نۇرا ماتاي، «اباي-اقپارات»