استانا قالاسىندا تۇراتىن جاندوس قۇرمانباەۆ دەيتىن ازامات بالكونىنا تۋ ىلگەنى ءۇشىن كىنالى سانالىپ، ايىپپۇل تولەۋگە ءماجبۇر بولعان ەدى.

وقيعا جاندوستىڭ ايگىلى بوكسشى، جەرلەسىمىز – گەننادي گولوۆكيننىڭ كەزەكتى جەڭىسىنە قاتتى قۋانعاندىقتان ءوزى تۇراتىن كوپ قاباتتى ءۇيدىڭ بالكونىنا ەلىمىزدىڭ كوك بايراعىن ءىلىپ قويعاننان كەيىن باستالعان ەدى. ونىڭ بۇل ارەكەتىن زاڭعا تومپاق دەپ تاپقان قۇقىق قورعاۋ ورگانىنىڭ قىزمەتكەرلەرى «مەملەكەتتىك رامىزدەردى زاڭسىز پايدالانعانى ءۇشىن» 394400 تەڭگە ايىپپۇل سالعان-دى. قازاق قوعامىندا قىزۋ پىكىرتالاسقا ۇلاسىپ، الەۋمەتتىك جەلى مەن باق بەتتەرىندە قاتى سىنعا ۇشىراعان جاعداي جاعىمدى جاڭالىقپەن اياقتالعان سىڭايلى.

بەلگىلى بلوگەر، جۋرناليست وركەن كەنجەبەك facebook جەلىسىندەگى پاراقشاسىنا بىلاي دەپ جازدى: «بالكوننان تۋ ىلگەن جاندوس قۇرمانباەۆ جاۋاپكەرشىلىككە تارتىلمايتىن بولدى، ايىپپۇل تولەمەيدى. الەمجەلىنىڭ كۇشىن قاراساي…»

ىسكە نازار اۋدارعان جوعارعى ينستانتسيالاردىڭ حالىق پىكىرىمەن ساناسقاندىعىن جاقسىلىققا جوري وتىرىپ، بۇل جاندوستىڭ عانا جەڭىسى ەمەس، تۇتاس مەملەكەت ءپاتريوتيزمىنىڭ جەڭىسى دەپ سۇيسىنەمىز! ۇزاعىنان بولسىن!

Abai.kz