«Forbes جۋرنالى عالامشاردىڭ شىرىگەن بايلارىنىڭ جاڭا ءتىزىمىن جاريا ەتتى. بيىلعى جىلدىڭ ناۋرىز ايىنداعى جاعداي بويىنشا اقشانىڭ بەتىنە قارامايتىن ادامداردىڭ قاراسى كوبەيمەسە، ازايماعان. دەمەك، عالامدىق داعدارىس جەكەلەگەن جاندارعا اناۋ ايتقانداي اسەر ەتىپ جاتپاعان ەكەن...

وسى ءتىزىمنىڭ جۋان ىشىندە ءبىر توپ قازاقستاندىق قالتالىلاردىڭ بولعاندىعىنا ماقتانىپ وتىرمىز...» - دەپ جازدى بۇگىن Abai.kz پورتالى ( قاراڭىز: «ولار Forbes تىزىمىندە»، http://abai.kz/post/view?id=3048).

وسىعان وراي اقىلعا قوناتىن ءبىر قيسىندى ورتاعا سالا كەتكىم كەلەدى. نەگە ءبىزدىڭ قوعامعا وسى اۋقاتتى ادامداردىڭ داۋلەتىن شەتەلدەگى قانداستارىمىزدى اتامەكەنگە كوشىرىپ الۋعا جاراتۋدى ۇسىنباسقا؟

ەسەپتەپ كورەلىك: (ب.وتەمۇراتوۆ – 2,6 ملرد. اقش دوللارى + ا.يبراگيموۆ - 2,2 ملرد. اقش دوللار + تيمۋر مەن دينارا قۇلىباەۆتار - 2,1 ملرد. اقش دوللارى + ۆ.كيم – 1,8 ملرد. اقش دوللارى)  ح 0.1 % = ؟؟؟

قانشا اقشا بولار ەكەن؟!

وسى اقشامەن تۇڭعىش پرەزيدەنتتىڭ "كوشى-قون" قورىن قۇرىڭىزشى، ۇلتىق سانا-سەزىم قالاي جاندانادى ەكەن؟!

سوسىن ءبىر وتباسىنا، ەڭ از بولعاندا، 10 000 اقش دوللارىنان دەپ، ون مىڭعا ءبولىڭىز. قانشا شاڭىراقتى كوشىرىپ الۋعا جەتەر ەكەن؟!

مۇنداي قور ەۆرەي مەن نەمىستە ەجەلدەن بار. مىسالى، ەۆرەيلەردىڭ "كوشى-قون" قورىنىڭ تۇڭعىش تۇيىندەمەسىن كىم جاساعانىن بىلەسىزدەر مە؟ ء"وزىمىزدىڭ" كادىمگى كارل ماركس! 1856 جىلى "سيون تاۋعا قايتۋ" دەگەن ۇرانمەن! ولاردىڭ مىنا كىسىلەر سەكىلدى بايلارى، ورتا تاپتارى الىستاعى اقش-تا وتىرىپ، سول ۇلتتىق قورلارىنا اقشا قۇيىپ وتىرادى.
ول اقشا الەمدە تارىداي شاشىراپ جۇرگەن قانداستارىن وتانىنا جيىپ الۋعا جۇمسالادى. سەنەسىز بە، وسى قور قۇرىلعان تۇستا يزرايلدە نەبارى 10029 ادام عانا بار ەكەن. يزرايل مەملەكەتى قۇرىلعان كۇنى (1848 جىل، 14 مامىر) ولاردىڭ سانى وسى ۇلتتىق قوردىڭ جەبەۋىمەن ءبىر-اق كۇندە 600 000 ادامعا بىردەن تولىققان...

دەمەك، بىزگە دە سولاي ىستەۋ كەرەك!!!

اۋىت مۇقيبەك.

Abai. kz