ءسۇيىنشى! ءبىر جارىم جىلدا ءبىر جارىم ميلليوننان استىق!
قۇرمەتتى abai.kz پورتالىنىڭ وقىرماندارى!
وزدەرىڭىز ءسۇيىپ وقيتىن حاكىم ابايدىڭ اتىنداعى اقپاراتتىق پورتال وتكەن جەكسەنبى كۇنى تاعى ءبىر تاريحي مەجەسىنەن سۇرىنبەي ءوتتى. اتاقتى «مايل.رۋ» الەۋمەتتىك جەلىسىنىڭ رەيتينگ قىزمەتىنىڭ دەرەگىنە سۇيەنسەك، پورتال قۇرىلعالى بەرى ونىڭ تۇتىنۋشىلارى سايتقا ءبىر جارىم ميلليون رەت كىرىپتى! بۇل ءبىزدىڭ پورتال ءۇشىن دە، جاڭادان قالىپتاسىپ، ءتاي-ءتاي باسىپ كەلە جاتقان قازاقتىلدى ينتەرنەت ءۇشىن دە ماڭىزدى جاڭالىق بولىپ تابىلادى.
قۇرىلۋىنا، اياعىنان تىك تۇرۋىنا بارلىقتارىڭىز جاردەمدەسىپ، جاناشىر بولىپ كەلە جاتقان abai.kz پورتالى بۇگىنگى كۇنى كوپتەگەن جىلدار بويى قىزمەت ەتىپ كەلە جاتقان ءورىستىلدى سايتتار مەن پورتالداردان باسىپ وزىپ، قازاق ينتەرنەتىنىڭ ءتىرى ەكەنىن، ونىڭ بولاشاعىنىڭ بار ەكەنىن بارشا قاۋىمعا پاش ەتىپ كەلەدى. قازاق جاستارى مەن قازاق اۋىلى عالامتورعا قوسىلعان سايىن وقىرمانىمىزدىڭ قاتارى كۇن ساناپ ارتا تۇسۋدە. لايىم وسىلاي بولسىن. ءتۇپتىڭ تۇبىندە «قازنەت» ورىس ينتەرنەتىنىڭ قۇرامداس بولىگى، كولەڭكەسى ەمەس، وزىندىك بەت-كەلبەتى، ءوز وقىرمانى بار تەك قانا قازاق تىلىندە تاۋەلسىز اقپارات تاراتاتىن كەڭىستىككە اينالاتىنىنا ءبىزدىڭ ەش كۇمانىمىز جوق.
پورتال تۋرالى بىرنەشە دەرەك:
قۇرمەتتى abai.kz پورتالىنىڭ وقىرماندارى!
وزدەرىڭىز ءسۇيىپ وقيتىن حاكىم ابايدىڭ اتىنداعى اقپاراتتىق پورتال وتكەن جەكسەنبى كۇنى تاعى ءبىر تاريحي مەجەسىنەن سۇرىنبەي ءوتتى. اتاقتى «مايل.رۋ» الەۋمەتتىك جەلىسىنىڭ رەيتينگ قىزمەتىنىڭ دەرەگىنە سۇيەنسەك، پورتال قۇرىلعالى بەرى ونىڭ تۇتىنۋشىلارى سايتقا ءبىر جارىم ميلليون رەت كىرىپتى! بۇل ءبىزدىڭ پورتال ءۇشىن دە، جاڭادان قالىپتاسىپ، ءتاي-ءتاي باسىپ كەلە جاتقان قازاقتىلدى ينتەرنەت ءۇشىن دە ماڭىزدى جاڭالىق بولىپ تابىلادى.
قۇرىلۋىنا، اياعىنان تىك تۇرۋىنا بارلىقتارىڭىز جاردەمدەسىپ، جاناشىر بولىپ كەلە جاتقان abai.kz پورتالى بۇگىنگى كۇنى كوپتەگەن جىلدار بويى قىزمەت ەتىپ كەلە جاتقان ءورىستىلدى سايتتار مەن پورتالداردان باسىپ وزىپ، قازاق ينتەرنەتىنىڭ ءتىرى ەكەنىن، ونىڭ بولاشاعىنىڭ بار ەكەنىن بارشا قاۋىمعا پاش ەتىپ كەلەدى. قازاق جاستارى مەن قازاق اۋىلى عالامتورعا قوسىلعان سايىن وقىرمانىمىزدىڭ قاتارى كۇن ساناپ ارتا تۇسۋدە. لايىم وسىلاي بولسىن. ءتۇپتىڭ تۇبىندە «قازنەت» ورىس ينتەرنەتىنىڭ قۇرامداس بولىگى، كولەڭكەسى ەمەس، وزىندىك بەت-كەلبەتى، ءوز وقىرمانى بار تەك قانا قازاق تىلىندە تاۋەلسىز اقپارات تاراتاتىن كەڭىستىككە اينالاتىنىنا ءبىزدىڭ ەش كۇمانىمىز جوق.
پورتال تۋرالى بىرنەشە دەرەك:
بۇگىنگى كۇنى پورتال قۇرىلعالى بەرى ونىڭ كلۋبىنا مىڭنان استام ادام رەسمي تۇردە مۇشە بولىپ تىركەلىپ، ءوزىنىڭ ويلارى مەن پىكىرلەرىن سايتقا جازىپ ءجۇر! بۇگىنگى كۇنى پورتالداعى بارلىق جازبالاردىڭ سانى جيىرما ءتورت مىڭنان اسىپ ءتۇستى!
پورتال قۇرىلعان بويدان ايگىلى «اۆارد» كونكۋرسىنىڭ يەگەرى اتاندى. رەداكتسيا ءبىر جىلدىڭ ىشىندە قازاق تىلىندە اقپارات تاراتاتىن ۇزدىك سايت رەتىندە مەملەكەتتىك ورگانداردىڭ، اكىمدىكتەردىڭ، «نۇر-وتان» پارتياسىنىڭ العىس حاتتارى مەن جۇلدەلەرىن الىپ ۇلگەردى.
كۇن سايىن پورتالدا جيىرمادان استام ماقالا، جاڭالىقتار باسىلىپ، قىزۋ تالقىلانىپ جاتادى. پورتالدىڭ «اباي»، «الاشوردا»، «تاريح»، «مادەنيەت» ت.ب. تاراۋلارىندا بارشاعا اشىق قوماقتى اقپاراتتىق قورلارى جيناقتالىپ كەلەدى.
پورتالدا كوتەرىلىپ جاتقان ماسەلەلەر رەسپۋبليكالىق، ايماقتىق گازەتەردە، سايتتاردا جالعاسىن تاۋىپ جاتادى. پورتالدىڭ رەداكتسياسى رەسپۋبليكالىق، ايماقتىق باسىلىمداردا جاريالانىپ جاتقان ۇزدىك ماقالالاردى كوشىرىپ باسىپ وتىرادى.
پورتال رەداكتسياسى كوپتەگەن رەسپۋبليكالىق اكتسيالارعا قاتىسىپ، ولارعا اقپاراتتىق قولداۋ كورسەتىپ وتىردى. رەداكتسيانىڭ ءوزى مۇرىندىق بولعان بىرنەشە قوعامدىق اكتسيالار ءوتتى. ولاردىڭ اتاقتىلارى جانىبەك پەن كەرەي بابالارىمىزدىڭ ەسكەرتكىشتەرىن قايتا ورناتۋعا، ۇلتقا قارسى دوكترينانى قايتارۋعا ارنالعانىن جاقسى بىلەسىزدەر.
پورتال قۇرىلعالى بەرى بىرنەشە ينتەرنەت-كونفەرەنتسيا، وتىزعا جۋىق ساۋالناما وتكىزىلدى. پورتالدىڭ «قازنەت» تاراۋىندا قىرىقتان استام قازاقتىلدى سايتتاردىڭ جارناماسى جاريالاندى.
«كاۋنتزيرو» رەيتينگ سايتىنىڭ دەرەگى بويىنشا بۇگىنگى كۇنى ءبىزدىڭ پورتال قازاقستانداعى ءتورت مىڭنان استام سايتتىڭ العاشقى جۇزدىگىنەن مىقتاپ ورىن الىپ، 70-90-شى ورىنداردا مىقتاپ ورنالاسقان;
«Count zero» رەيتينگ سايتىنىڭ دەرەگى بويىنشا بۇگىنگى كۇنى ءبىزدىڭ پورتال عالامتورداعى قازاقستاندىق 337 ءباسپاسوز قۇرالدارىنىڭ ىشىندە العاشقى جيىرما سايتتىڭ قۇرامىنا كىرىپ، اتى ايگىلى «نوماد»، «زونا»، «تۋدەي.كز» اقپاراتتىق پورتالدارىمەن، «قازاق اقپارات اگەنتتىگى»، «قازاقستان بۇگىن» اقپارات اگەنتتىكتەرىمەن، «ۆرەميا»، «كاراۆان»، «دياپوزون»، «كازاحستانسكايا پراۆدا» سياقتى گازەتتەردىڭ سايتتارىمەن يىق تەڭەستىرىپ تۇر.
ءبىر قىزىعى جوعارىدا اتالعان اقپارات كوزدەرىنە قازاعى دا، ورىسى دا كىرەتىن بولسا، ءبىزدىڭ تۇتىنۋشىلارىمىز تەك قانا ءوزىمىزدىڭ قانداستارىمىز. بۇنىڭ ءوزى تازا قازاقتىلدى ينتەرنەتتىڭ كەز-كەلگەن ءورىستىلدى سايتتارمەن باسەكەلەستىككە شىداي الاتىنىنىڭ بەلگىسى، نىشانى ەمەس پە؟
تاعى بىرنەشە دەرەك:
«مايل.رۋ» رەيتينگ قىزمەتىنىڭ حابارىنا سەنسەك، وتكەن قىركۇيەك ايىندا ءبىزدىڭ پورتالعا وتىز مىڭنان استام تۇتىنۋشى (ۋنيكالنىي پولزوۆاتەل) كىرىپتى. ولاردىڭ توقسان ءتورت پايىزى قازاقستان رەسپۋبليكاسانىڭ ازاماتتارى ەكەن. جالپى العاندا پورتالدى قىرىقتان استام مەملەكەتتە جۇرگەن قانداستارىمىز تۇراقتى تۇردە قاراپ وتىراتىنى بەلگىلى بولدى. ءبىزدىڭ شەتەلدىك وقىرماندارىمىز ەڭ كوپ شوعىرلانعان ەلدەر (تۇتىنۋشىلار سانى بويىنشا): اقش، رەسەي، قىتاي، موڭعوليا، تۇركيا، گەرمانيا، تۇركيا، چەحيا، وزبەكستان، قىرعىزستان، ۇلىبريتانيا، فرانتسيا ەكەن.
ءبىزدىڭ پورتال شىن مانىندە قازاق جاستارىنىڭ پورتالى بولىپ تابىلادى. بۇنى تومەندەگى دەرەكتەر تولىق راستاي الادى (قىركۇيەك ايىنداعى اۋديتوريانىڭ جاستىق جانە جىنىستىق كوسرەتكىشتەرى):
|
ەرلەر (%) |
جاسى |
ايەلدەر (%) |
|
1,87% |
12-دەن كىشى |
1,90% |
|
15,46% |
12-18 |
24,71% |
|
12,35% |
19-24 |
14,79% |
|
6,50% |
25-30 |
5,32% |
|
2,99% |
31-35 |
3,00% |
|
1,93% |
36-40 |
2,33% |
|
1,35% |
41-45 |
1,47% |
|
1,16% |
46-50 |
0,82%) |
|
1,25% |
50-دەن جوعارى |
0,80% |
جىنىستىق جاعىنان العاندا، قىركۇيەك ايىندا پورتالعا كىرگەن تۇتىنۋشىلاردىڭ 44,85% ەلىمىزدىڭ ەر ازاماتتارى بولسا، 55,15 پايىزى الاشتىڭ ارۋلارى ەكەن.
ءبىزدىڭ پورتالدىڭ تۇتىنۋشىلارى نەگىزىنەن Google, ياndex, پويسك@Mail.ru, Bing.com, Rambler, Nigma.ru, ICQ.com ىزدەگىشتەرىن پايدالانىپ، ءبىزدى Facebook, موي مير@Mail.ru, Twitter, LiveInternet, ۆ كونتاكتە سياقتى الەۋمەتتىك جۇيەلەرى ارقىلى ناسيحاتتايدى ەكەن.
بۇگىنگى جەتىستىكتەرىمىز وسىنداي، قۇرمەتتى ابايشىلار!
الداعى ۋاقىتتا پورتالدىڭ رەداكتسياسى بىرنەشە ينتەرنەت-جوبانى باستاۋدى كوزدەپ وتىر. قۇداي قالاسا، جۋىردا پورتالدىڭ «ايماقتار»، «تاريح»، «مادەنيەت»، «ادەبيەت» سياقتى تاراۋلارى ءوز الدىنا شاڭىراق قۇراتىن بولادى. ولارعا «شوقان ءۋاليحانوۆ» اتتى ارنايى بەت قوسىلادى.
جىلدىڭ سوڭىنا دەيىن پورتالدىڭ جاڭا ديزاينى دايىندالىپ، ونىڭ تۇتىنۋشىلار ءۇشىن ىڭعايلى، وڭتايلى بولۋى ءۇشىن قاجەتتى جۇمىستاردىڭ بارلىعى جاسالادى.
سونىمەن قاتار بىرنەشە كۇننەن كەيىن ءبىزدىڭ رەداكتسيا قاتارعا «ويتوبە» اتتى بلوگگەرلىك پلاتفورماسى مەن قازاق ساياساتى مەن رۋحانياتىنىڭ پاتريارحى احمەت بايتۇرسىنوۆتىڭ ايگىلى تۋىندىسىمەن اتتاس «ماسا.قز» اتتى ساياسي-اقپاراتتىق سايتىن ىسكە قوسىلاتىنى تۋرالى قۋانا-قۋانا حابارلايدى.
وسى باعىتتاردا بىزگە بەرەر كەڭەستەرىڭىز بەن ويلارىڭىز بولسا، «ويتوبە» بلوگ-پلاتفورماسىنىڭ تۇراقتى بلوگشىسى بولعىڭىز كەلسە، وزدەرىڭىزگە بەلگىلى abai-akparat@mail.ru ەلەكتروندى پوشتاسىنا حات جازۋلارىڭىزدى سۇرايمىز.
وزدەرىڭىزگە دەگەن ىزگى نيەتپەن،
«اباي-اقپارات»
