سەرىك احمەتوۆكە قاتىستى قوزعالعان قىلمىستىق ءىستىڭ سانى تاعى بىرگە ارتتى. تەرگەۋ بارىسى ەكس-شەنەۋنىكتىڭ قاراعاندى وبلىسىندا اكىم بولىپ قىزمەت اتقارعان تۇستا بولعان تاعى ءبىر زاڭ بۇزۋشىلىقتى انىقتاعان.

ناقتى ايتقاندا، احمەتوۆ قاراعاندىداعى يندۋستريالدىق پارك قۇرىلىسىنا بولىنگەن 25 ميلليارد تەڭگەگە قول سالعان كورىنەدى. جۇمىستى اتقارۋدى «قازاقستان وندىرىستىك كورپوراتسياسى» اتتى فيرماعا تاپسىرىپ، وعان مەملەكەتتىك تاپسىرىستى ءوزىنىڭ ارالاسۋىمەن الىپ بەرگەن-ءمىس. وسى قىزمەتى ءۇشىن فيرما ديرەكتورى ءالجان اقمولداەۆ سەرىك احمەتوۆتىڭ بىرىككەن اراب امىرلىكتەرىندەگى ەسەپ-شوتىنا 2 جارىم ميلليون دوللاردىڭ «سىياقىسىن» اۋدارعان ەكەن.

ال، سەرىك احمەتوۆتىڭ قورعاۋشىلارى بۇل ايىپتاۋلارعا قاتىستى ەشقانداي تۇسىنىك بەرمەۋدە. ەكس-شەنەۋنىك قازىر مىرزاقاماقتا، قاراعاندىداعى ۇيىندە وقشاۋلانعان.

اباي.kz