الماتى قالاسىنداعى ۇلتتىق كىتاپحانادا «جىر مارجانى» اتتى ون تومدىق قازاق پوەزياسى انتولوگياسىنىڭ تۇساۋكەسەرى ءوتتى.

انتولوگيانى اتىراۋ وبلىسى اكىمدىگىنىڭ تاپسىرىسىمەن جانە قولداۋىمەن «مەرەكە باسپاسى» جارىققا شىعارىپ وتىر. قازاق كىتاپ باسۋ تاريحىندا تۇڭعىش رەت 1977 جىلى ەكى تومدىق قازاق سوۆەت پوەزياسىنىڭ انتولوگياسى جانە بەلگىلى ادەبيەتشى ساۋىتبەك ءابدىراحمانوۆ قۇراستىرعان (2007 جىل، «راريتەت» باسپاسى) ەكى تومدىق انتولوگيادان باسقا بۇرىن-سوڭدى قازاق حالقىنىڭ ارعى تاريحىنان بەلگىلى بابا جىراۋدان باستاپ بۇگىنگى جاس تالانتتارعا دەيىن مەيلىنشە تولىق قامتىلعان كولەمدى 10-تومدىق انتولوگيا وقىرمان قولىنا تيگەن ەمەس.

10-تومدىقتىڭ ءى تومى ۇلى بابامىز تاسقا قاشاپ جازىپ كەتكەن دانىشپاندىق جىرلارى مەن تۇرىك قاعاناتىن قۇرعان قۇتىلىع قاعاننىڭ ۇلى كۇلتەگىن قاعاننىڭ ەل شەجىرەسىنەن (ەركىن ادەبي نۇسقاسىن جاساعان اقىن تەمىرحان مەدەتبەك) باستالادى.

678 اقىننىڭ باسىن قوسىپ، 3000 دانامەن جارىق كورگەن وسىناۋ جىر جادىگەرىنىڭ ءار تومى كوركەم بەزەندىرىلىپ، ءار اقىننىڭ بەينەسى سۋرەتشىنىڭ قىلقالامىمەن (سۋرەتشى التاي ايتجانوۆ) سالىنعان. انتولوگيانى قۇراستىرعاندار - مەرەكە قۇلكەنوۆ پەن گۇلسىم مۇقىشەۆا. العىسوزىن جازعان - اقىن تەمىرحان مەدەتبەك.

اباي-اقپارات.