سارسەنبى كۇنى كەشكىسىن رەسەيدىڭ لەنتا.رۋ اقپاراتتىق سايتى (http://lenta.fishki.net/news/123109/) «پرەزيدەنت كازاحستانا پودال ۆ وتستاۆكۋ»  دەگەن تاقىرىپپەن جۇرتتىڭ ءۇش ۇيىقتاسا تۇسىنە كىرمەيتىن توسىن حابار تاراتتى. عالامتور ارقىلى كوز ىلەسپەس جىلدامدىقپەن تاراعان اقپاراتتا: «قازاقستان پرەزيدەنتى قىزمەتىنەن كەتەتىن مالىمدەدى. بۇل تۋرالى ءباسپاسوز قىزمەتى حابارلاپ وتىر. پرەزيدەنتتىڭ سوزىنە قاراعاندا، ونىڭ قىزمەتىنەن كەتۋى 25-ءنشى قىركۇيەك كۇنى تىركەلمەگەن «العا» پارتياسى مەن كوممۋنيستەر پارتياسىنىڭ پرەزيدەنتتىڭ قىزمەتىنەن كەتۋىن تالاپ ەتىپ، الماتىدا وتكىزگەن رەفەرەندۋمىنا بايلانىستى بولعان»، دەلىنگەن. قىزدى-قىزدىمەن رەسەي اقپاراتتىق سايتى قازاقستان پرەزيدەنتىنىڭ كەڭەسشىسى ەرمۇحانبەت ەرتىسباەۆ پرەزيدەنت ۇلت كوشباسشىسى مارتەبەسىنەن باس تارتپاق نيەتتە ەكەنىن ايتتى دەپ  قوسىپ قويعان جانە سايلاۋ 2011 جىلدىڭ اقپان ايىنا بەلگىلەنىپ وتىر دەگەن. مىنە، ەلدى ەلەڭ ەتكىزگەن سارسەنبىنىڭ كەشىندە رەسەيدەن «ەسكەن» جاڭالىق.
الايدا بۇل جالعان اقپاراتتىڭ لەنتا.رۋ سايتىنا ەش قاتىسى بولماي شىقتى. قازتاگ بىلاي دەيدى:
سارسەنبى كۇنى  بۇل اقپارات شەتەلدىك باق-تا تارادى. سونداي-اق، شەتەلدە جۇرگەن قازاقستاندىقتار قازاقستانداعى دوستارىنا حابارلاسىپ، «نۇرسۇلتان نازارباەۆتىڭ وتستاۆكاعا كەتكەنى راس پا؟» دەپ سۇراعان.

سارسەنبى كۇنى كەشكىسىن رەسەيدىڭ لەنتا.رۋ اقپاراتتىق سايتى (http://lenta.fishki.net/news/123109/) «پرەزيدەنت كازاحستانا پودال ۆ وتستاۆكۋ»  دەگەن تاقىرىپپەن جۇرتتىڭ ءۇش ۇيىقتاسا تۇسىنە كىرمەيتىن توسىن حابار تاراتتى. عالامتور ارقىلى كوز ىلەسپەس جىلدامدىقپەن تاراعان اقپاراتتا: «قازاقستان پرەزيدەنتى قىزمەتىنەن كەتەتىن مالىمدەدى. بۇل تۋرالى ءباسپاسوز قىزمەتى حابارلاپ وتىر. پرەزيدەنتتىڭ سوزىنە قاراعاندا، ونىڭ قىزمەتىنەن كەتۋى 25-ءنشى قىركۇيەك كۇنى تىركەلمەگەن «العا» پارتياسى مەن كوممۋنيستەر پارتياسىنىڭ پرەزيدەنتتىڭ قىزمەتىنەن كەتۋىن تالاپ ەتىپ، الماتىدا وتكىزگەن رەفەرەندۋمىنا بايلانىستى بولعان»، دەلىنگەن. قىزدى-قىزدىمەن رەسەي اقپاراتتىق سايتى قازاقستان پرەزيدەنتىنىڭ كەڭەسشىسى ەرمۇحانبەت ەرتىسباەۆ پرەزيدەنت ۇلت كوشباسشىسى مارتەبەسىنەن باس تارتپاق نيەتتە ەكەنىن ايتتى دەپ  قوسىپ قويعان جانە سايلاۋ 2011 جىلدىڭ اقپان ايىنا بەلگىلەنىپ وتىر دەگەن. مىنە، ەلدى ەلەڭ ەتكىزگەن سارسەنبىنىڭ كەشىندە رەسەيدەن «ەسكەن» جاڭالىق.
الايدا بۇل جالعان اقپاراتتىڭ لەنتا.رۋ سايتىنا ەش قاتىسى بولماي شىقتى. قازتاگ بىلاي دەيدى:
سارسەنبى كۇنى  بۇل اقپارات شەتەلدىك باق-تا تارادى. سونداي-اق، شەتەلدە جۇرگەن قازاقستاندىقتار قازاقستانداعى دوستارىنا حابارلاسىپ، «نۇرسۇلتان نازارباەۆتىڭ وتستاۆكاعا كەتكەنى راس پا؟» دەپ سۇراعان.
جالعان اقپارات ديزاينى رەسەيدىڭ تانىمال اقپارات اگەنتتىگى Leta.ru سايتىنىڭ ديزاينىنا ۇقساس جانە ەلەكتروندىق مەكەن-جايى دا ۇقساس ينتەرنەت-رەسۋرستا جارىق  كورگەن. وسىعان بايلانىستى اقپارات پايدالانۋشىلار اقپارات كوزىنە قاتىستى قاتەلەسكەن.
الايدا تانىمال رەسەيلىك باق رەداكتسياسىنىڭ قىزمەتكەرلەرى بۇل تۋرالى ەشتەڭە ەستىمەگەن. اگەنتتىكتىڭ شىعارماشىلىق جۇمىسىن باسقاراتىن رەداكتورى الەكساندر فيليمونوۆ قازتاگ-قا تەلەفون ارقىلى  حابارلاسىپ Lenta.ru اگەنتتىگىنىڭ جالعان اقپارات جاريالانعان سايتقا ەش قاتىسى جوق ەكەنىن مالىمدەگەن.

«اباي-اقپارات»