قازاقستان پرەزيدەنتى نۇرسۇلتان نازارباەۆ ازىربايجانعا باردى. اقوردا تۆيتتەرى تاراتقان اقپاراتتارعا سۇيەنسەك، ءازىربايجان پرەزيدەنتى يلحام اليەۆ پەن قازاقستان پرەزيدەنتى نۇرسۇلتان نازارباەۆ اراسىنداعى رەسمي كەزدەسۋدە ەكى ەل اراسىنداعى ىنتىماقتاستىق جانە قاۋىپسىزدىك، ەكونوميكا، ترانزيت پەن ايماقتىق ساياسات ماسەلەلەرى قارالماق كورىنەدى.

قازاقستان پرەزيدەنتىن باكۋدەگى حالىقارالىق اۋەجايدان ءازىربايجان پرەمەر-ءمينيسترىنىڭ ءبىرىنشى ورىنباسارى ار ياگۋب ەيۋبوۆ پەن ءسىم  حالاف حالافوۆ كۇتىپ الدى.

ايتا كەتەيىك، پرەزيدەنت نازارباەۆ باكۋگە قازان ايىندا بارماقشى بولعان.  قازاقستان پرەزيدەنتىنە سالقىن ءتيىپ قالۋىنا بايلانىستى، بۇل ساپار كەيىنگە شەگەرىلگەن. بۇل تۋرالى "Abai.kz" اقپاراتتىق پورتالى حابارلاعان بولاتىن.

باسقاسى باسقا، ءازىربايجان تارابى پرەزيدەنت نازارباەۆتان ءازىربايجىننىڭ تەرريتوريالىق پروبلەمالارىنا قولداۋ كۇتەتىندىكتەرىن اشىق جەتكىزگەن ەكەن.

قازاقستان بۇۇ قاۋىپسىزدىك كەڭەسىنىڭ تۇراقتى ەمەس مۇشەسى. اسىرەسە الەمدىك ساياساتتا بىتىمگەرلىگىمەن تانىمال قازاقستان پرەزيدەنتىنە بۇل جولى ارتىلار سەنىم مول.

ساياساتتانۋشى دوسىم ساتپاەۆ پرەزيدەنت نازارباەۆتىڭ ءازىربايجان ساپارى تۋرالى نە دەيدى؟

دوسىم ساتپاەۆ، ساياساتتانۋشى:

- قازاقستاندى ازىربايجانعا دەگەن ەرەكشە سيمپاتيا كورسەتەدى دەپ وسىعان دەيىن بىرنەشە مارتە سىناعان. 

بىراق قازىر باكۋگە مورالدىك قولداۋ كەرەك. ونىڭ ۇستىنە قازاقستان بۇۇ قاۋىپسىزدىك كەڭەسىنىڭ تۇراقتى ەمەس مۇشەسى. ساياسي تۇرعىدا استانادان بالەندەي بەلسەندى، اشىق قولداۋ بولمايتىن شىعار. دەگەنمەن گۋمانيتارلى تۇردە كومەك كورسەتىلەدى.

قازاقستانعا قاتىستى، ەاەو مەن ۇقكۇ-عا مۇشە ەمەس ازىربايجانعا بۇيرەگى بۇرىپ تۇرادى دەگەن ايىپتاۋلار بولدى. ءتىپتى كەيبىر مەملەكەتتەر قازاقستان مەن بەلورۋسسيانى ۇقكۇ-دان ءبىرجولا شىعارىپ تاستاۋدى دا ۇسىندى.

قازاقستان مەن تۇركيا تۇركىتىلدەس ەلدەردىڭ ىنتىماقتاستىق كەڭەسىنە مۇشە. سوندىقتان گەوساياسي باعىتتىڭ تۇركىلىك ۆەكتورى دا ماڭىزدى ءرول اتقارماق. اسىرەسە "جىبەك جولى" باعىتى بويىنشا، ساۋدا-ساتتىقتى كۇشەيتۋ، قىتايدىڭ وا-عا باعىتىندا ماڭىزدى پوزيتسيانى ساقتاپ قالۋ ماسەلەلەرى تاعى بار.

سونداي-اق، كاسپي ارقىلى شەكارالاسىپ جاتقاندىقتان مۇناي-گاز تاسىمالدى ماسەلەلەرى ءبىرىنشى كەزەكتە تالقىلاناتىن بولادى. بەس مەملەكەت كاسپيگە كىرىپ وتىر. بۇل تەك قانا بىرلەسىپ جۇمىس جاساۋ ماسەلەسى ەمەس، سونداي-اق، قاۋىپسىزدىك ماسەلەسى.

پرەزيدەنت نازارباەۆتىڭ ازىربايجانعا بارۋىنىڭ ەكى باعىتى بولسا كەرەك. ءبىرى - ەكونوميكالىق ساياساتتى رەتكە كەلتىرۋ. سوسىن - گەوساياسي جاعدايلار.

ايتا كەتەيىك، قازاقستان پرەزيدەنت ءازىربايجاندا ەكى كۇن بولادى.

نۇرگەلدى ابدىعانيۇلى

Abai.kz