سولوۆەۆ كەپ كەتتى. "جەستكيە پەرەگوۆورى" دەيتىن ترەنينگ وتكىزىپ، وعان قاتىسقانداردىڭ قالتاسىن قاعىپ كەتتى.

كرەمل اقپاراتتىق ساياساتىنىڭ جاندايشابى  "جەستكيە پەرەگوۆورى، يلي يسكۋسستۆو بىت ليدەروم!" دەگەن شەبەرلىك كۋرسىن وتكىزگەنى ءۇشىن قىرۋار اقشانى قالتاسىنا باسىپ كەتتى. سويلەگەندە سوزدەن سۇرىندىرەم دەپ ەكپىندەپ كەلگەن سولوۆەۆتىڭ سەمينارىنا قاتىسۋدىڭ قۇنى 54 مىڭ تەڭگەدەن باستالىپ، 324 مىڭ تەڭگەگە دەيىن جەتتى (http://abai.kz/post/48175).

ۇلىدەرجاۆالىق ءشوۆينيزمنىڭ اتتانشىسى سولوۆەۆ ورىس ساياساتىنىڭ شولاقبەلسەندىسى ەكەنى امبەگە ايان.  ورىس تەلەەفيرىنىڭ توسەكتەگى تەورەتيگى "مى رۋسسكيە! س نامي بوگ!" دەپ كىتاپ جازىپ، ءوزىن الەمدى قۇتقارۋشى پايعامبار ەتىپ كورسەتكەنىن دە ايتتىق ء(وزى ەۋرەي كىندىگىنەن تارايدى).

دەزينفورماتور، شوۆينيست، قالا بەردى ءدىني پروپوگانديست ۆلاديمير سولوۆەۆ قازاق بەلسەندىلەرىن (قازاقستان رەسپۋبليكاسىنىڭ تولىققاندى ازاماتتارىن) اشىقتان اشىق تىلدەدى. دەلىقۇلى دەدى. پسيحولوگيالىق دەرتكە شالدىققاندار، ميلارىن تاراقان تەسىپ كەتكەندەر دەدى.

ورىس تەلەەفيرىنىڭ ورتانقول جۇرگىزۋشىسىنىڭ قازاقستان رەسپۋبليكاسىنىڭ ازاماتتارىن مۇنشالىق تىلدەگەنىنە رەسمي ورگاندار ء"لام" دەمەدى.

ءتىپتى، ەلباسىنىڭ ساياسي قادامدارىن ديكتاتورلىققا تەلىگەن سولوۆەۆتى قۇزىرلى بيلىك نەگە ەسىرتىپ قويدى دەگەن ويعا قالدىق.

ەرلان سايروۆ، ساياساتتانۋشى:

-كەلدى، ايتتى، كەتتى. قايتىپ كەلەمىن دەيدى. يدەولوگيالىق تاۋەكەلدەرگە، قاۋىپكە قارسى تۇراتىن ءبىزدىڭ يممۋنيتەتىمىز قايدا قالدى؟  سولوۆەۆ كەلدى. ونىڭ بۇل ءجۇرىسىن جاقتاعاندار دا بولدى، داتتاعاندار دا بولدى. جاقتاۋشىلار سولوۆەۆ ترەنينگىن ساياسيلاندىرماۋدى سۇراپتى-مىس. كەشىرىڭىز، ەگەر ول ادامنىڭ تۇلا بويى تۇنىپ تۇرعان شوۆينيست، رەۆانشيزۆمنىڭ باس يدەولوگى بولسا، ونىڭ وتكىزگەن ءىس-شاراسى قالاي بەيساياسي بولماق؟ ونىڭ ءبىر عانا وتكىزگەن سەمينارى ەلدىڭ ىشتەن بولىنۋىنە سەبەپكەر بولىپ وتىر ەمەس پە؟..

ءبىزدىڭ قوعامىمىزدا ءبىر توپ بار، ءالى كۇنگە ورتاق تاريحىمىز بولدى، ورتاق ەلىمىز بولدى دەگەن ەسكى كوزقاراستان ارىلماعان.

سولوۆەۆ "ورىس الەمى" يدەياسىن ناسيحاتتاۋشى. ال ونى اتتاي قالاپ، الدىرتىپ وتىرعاندار نەنى كوكسەگەن؟

بىزگە اۋەلى پوستيپەريالىق سيندرومنان ارىلۋ كەرەك. جۋىردا وتان قورعاۋشىلار كۇنى بولادى. بۇل ايتۋلى كۇن 7 مامىردا. قازاقستاننىڭ قارۋلى كۇشتەرىنىڭ جاساقتالعانىنا 25 جىل تولادى. بۇل تاۋەلسىزدىگىمىزدىڭ ەڭ باستى جەتىستىگى. 

ال الەۋمەتتىك يممۋنيتەتكە كەلەر بولساق، ول ءوزى كەلمەيدى. ونى ءوزىمىز قالىپتاستىرۋىمىز كەرەك. قايداعى جوق شوۆينيستەردى تورىمىزدە تايراڭداتىپ قويماۋىمىز كەرەك!

ءامىرجان قوسانوۆ، ساياساتكەر:

-كەشەگى كەلگەن سولوۆەۆ ماسكەۋگە بارىپ: "مەنىڭ اشىقتان-اشىق نەويمپەريالىق پوزيتسيامدى بىلە وتىرىپ، ءوزىن تاۋەلسىزبىن دەپ جۇرگەن بۇل ەل ماعان ەشنارسە ىستەي المادى! ايتارىمدى ايتتىم، اقشامدى دا قاپشىقتاپ تاپتىم!", - دەپ كولگىرسيدى.

ءبىز بۇدان قورىتىندى شىعارۋىمىز كەرەك. قازاقستاننىڭ قازىرگى بيلىگىنىڭ تۇتقاسىن، سونىڭ ىشىندە يدەولوگيا سالاسىنا، بىلىكتى، ۇلتشىل، پوستسوۆەتتىك كەڭىستىكتەگى ەلدەردىڭ تاۋەلسىزدىگىنە شاك كەلتىرەتىن "پروپاگانديستەرگە" لايىقتى، يدەيالىق ءھام ينتەللەكتۋالدى تويتارىس بەرە الاتىن، ەڭ باستىسى، نامىسشىل كادرلار كەرەك!

سوسىن پروكرەملدىك "جەستكيە پەرەگوۆورى" اتتى ترەنينگتەن كەيىن، استانا وسى ترەنينگتى ۇيىمداستىرعان ۇيىمدار مەن تۇلعالارمەن "جەستكيە پەرەگوۆورى" جاساۋ كەرەك دەپ ويلايمىن! پوستكەڭەستىك كەڭىستىكتەگى تاۋەلسىز ەلدەردىڭ تەرريتوريالىق تۇتاستىعىنا شۇيلىككەن ساياسي پروپاگانديستىڭ قولتىعىنا سۋ بۇركىپ، اشىقتان-اشىق نەويمپەريالىق كوزقاراس تانىتىپ جۇرگەن ونىڭ سويىلىن سوققانداردىڭ كوزدەگەنى نە؟ ولار قوعامدىق ورتاداعى نارازىلىقتى ەستىمەدى دەيسىز بە؟ ەستىدى، كوردى، ءبىلدى. بىلسە دە ىستەدى. ياعني، قاساقان ارانداتتى!

قۋاندىق شاماحايۇلى، تاۋەلسىز جۋرناليست:

-رەسەي ەلى بۇگىندە əلەمگە ەشبىر جاعىنان ۇلگى بولۋدان قالدى. Əرينە، ەل بولعان سوڭ وزىق ويلى زيالى قاۋىمنان جۇرداي بولدى دەپ سوگە-جامانداۋعا كەلمەس. بىراق، پۋتيندىك بيلىككە سۇيكىمدى تۇلعالاردىڭ اراسىندا ىلىككە جارايتىنى جوققا تəن.

قازىرگى ورىس رەجيمىندە كوشباسشى بولىپ كورىنىپ جۇرگەندەردىڭ دەنى ۇلتشىل شوۆنيستەر. سولاردىڭ ءبىرى وسى سولوۆەۆ بولسا كەرەك. ونىڭ ءبىزدىڭ ەل جايىندا نە ايتقانىن كۇللى قازاق ءبىلىپ وتىرعاندا ۇقك قالاي ۇمىتا قالۋى مۇمكىن. ەلباسى وتكەن اپتادا ءمəسىموۆتى قابىلداپ ىشكى قاۋىپسىزدىكتى قاداعالاۋ جايىندا تاپسىرما بەردى.

قازاق ءۇشىن قىمبات دۇنيە - ەل تəۋەلسىزدىگى مەن بەيبىت ءومىر. ەندەشە وعان قاۋىپ توندىرەتىن بەلگىلى ءبىر سۋبەكتىنى سىرتتان əكەلىپ تورگە وزدىرعانداردان جاۋاپ سۇرالۋى ءتيىس.

نۇرگەلدى ابدىعانيۇلى

Abai.kz