قىرعىزستاندا پارلامەنت سايلاۋى اياقتالدى. توسەكتە باسى، توسكەيدە مالى قوسىلعان باۋىرلاس ەلدىڭ ساياسي ومىرىندەگى ماڭىزدا وقيعاعا قازاقستاندا تۇرىپ جاتقان قىرعىز ازاماتتارى دا قاتىستى. قازاقستانداعى قىرعىز ازاماتتارىنىڭ پارلامەنت سايلاۋىنا قاتىسۋى ءۇشىن استانا مەن الماتى قالاسىنان ەكى سايلاۋ ۋچاسكەسى اشىلىپتى. الماتىداعى سايلاۋ ۋچاسكەسى الاتاۋ اۋدانىنا قاراستى قارا بازاردىڭ (باراحولكا) جانىنداعى «باۋىرجان» دەگەن كافەنىڭ ىشىنەن ورىن تەۋىپتى. سايلاۋ ۋچاسكەسىنىڭ ماڭىندا ءار جەردە شوعىرلانعان قىرعىز ازاماتتارىنىڭ سانى ەداۋىر كوپ بولدى. ىشكە كىرىپ، داۋىس بەرىپ كەلگەن ىزىمەن قايتىپ جاتقاندارى دا بولدى. الماتىداعى №27 سايلاۋ ۋچاسكەسىنىڭ كوميسسيا توراعاسى يزياسادين اباكيروۆ داۋىس بەرۋشىلەردىڭ بەلسەندىگى جاقسى ەكەنىن جانە تىنىش ءوتىپ جاتقانىن ايتتى. باقىلاۋشىلار دا زاڭ بۇزۋشىلىق ورىن الماعانىن جەتكىزدى.

كوميسسيا توراعاسى بىزدەگى قىرعىز ازاماتتارىنىڭ كوپشىلىگى ساۋداگەر بولعاندىقتان سايلاۋ ۋچاسكەسى قارا بازاردان اشىلعانىن ايتتى.

قىرعىز ازاماتتارى سايلاۋدان ۇلكەن ءۇمىت كۇتەتىندەرىن، قىرعىزستاننىڭ دامۋى مەن بولاشاعىنا، تۇراقتىلىعىنا اپاراتىن التىن باسپالداق دەپ بىلەتىندەرىن ايتتى. سوڭعى كەزدەگى قىرعىزستاندا بولعان ۋاقيعالاردان كەيىن ەلدىڭ قاجىعانىن، شارشاعانىن ءسوز ەتتى. ءبارى دە قىرعىزستاننىڭ بولاشاعى جارقىن بولۋىن قالايدى.

قىرعىزستاندا پارلامەنت سايلاۋى اياقتالدى. توسەكتە باسى، توسكەيدە مالى قوسىلعان باۋىرلاس ەلدىڭ ساياسي ومىرىندەگى ماڭىزدا وقيعاعا قازاقستاندا تۇرىپ جاتقان قىرعىز ازاماتتارى دا قاتىستى. قازاقستانداعى قىرعىز ازاماتتارىنىڭ پارلامەنت سايلاۋىنا قاتىسۋى ءۇشىن استانا مەن الماتى قالاسىنان ەكى سايلاۋ ۋچاسكەسى اشىلىپتى. الماتىداعى سايلاۋ ۋچاسكەسى الاتاۋ اۋدانىنا قاراستى قارا بازاردىڭ (باراحولكا) جانىنداعى «باۋىرجان» دەگەن كافەنىڭ ىشىنەن ورىن تەۋىپتى. سايلاۋ ۋچاسكەسىنىڭ ماڭىندا ءار جەردە شوعىرلانعان قىرعىز ازاماتتارىنىڭ سانى ەداۋىر كوپ بولدى. ىشكە كىرىپ، داۋىس بەرىپ كەلگەن ىزىمەن قايتىپ جاتقاندارى دا بولدى. الماتىداعى №27 سايلاۋ ۋچاسكەسىنىڭ كوميسسيا توراعاسى يزياسادين اباكيروۆ داۋىس بەرۋشىلەردىڭ بەلسەندىگى جاقسى ەكەنىن جانە تىنىش ءوتىپ جاتقانىن ايتتى. باقىلاۋشىلار دا زاڭ بۇزۋشىلىق ورىن الماعانىن جەتكىزدى.

كوميسسيا توراعاسى بىزدەگى قىرعىز ازاماتتارىنىڭ كوپشىلىگى ساۋداگەر بولعاندىقتان سايلاۋ ۋچاسكەسى قارا بازاردان اشىلعانىن ايتتى.

قىرعىز ازاماتتارى سايلاۋدان ۇلكەن ءۇمىت كۇتەتىندەرىن، قىرعىزستاننىڭ دامۋى مەن بولاشاعىنا، تۇراقتىلىعىنا اپاراتىن التىن باسپالداق دەپ بىلەتىندەرىن ايتتى. سوڭعى كەزدەگى قىرعىزستاندا بولعان ۋاقيعالاردان كەيىن ەلدىڭ قاجىعانىن، شارشاعانىن ءسوز ەتتى. ءبارى دە قىرعىزستاننىڭ بولاشاعى جارقىن بولۋىن قالايدى.

الماتى پوليتسەيلەرىنە قىرعىزستاننىڭ پارلامەنت سايلاۋىنا بايلانىستى بىزدەگى قىرعىز ازاماتتارىنىڭ داۋىس بەرۋىنە كەدەرگى كەلتىرمەۋىن، ولارعا سوقتىقپاۋىن الدىن-الا رەسمي تۇردە ەسكەرتىپتى. پوليتسيادان ابدەن زاتتە بولىپ قالعان كەيبىر قىرعىز ازاماتتارى سايلاۋ ۋچاسكەسىنىڭ ماڭىنان پوليتسەي كورگەندە ۇرەيلەنگەن كورىنەدى.

ءبىر بايقاعانىمىز، انا تىلدەرىندە سويلەگەن قىرعىز ازاماتتارىنىڭ ۇلتشىل، مەملەكەتشىل ەكەنىن بايقادىق. ءبارىنىڭ ايتاتىنى «ماملەكەت ۋچين دوبۋش بەرديك» دەيدى.

بالكىم، سايلاۋعا كەلمەگەن قىرعىز ازاماتتارى دا بار شىعار دەگەن ويمەن بازاردى ارالادىق. جولاي ءبىر ساۋداگەردەن: «قىرعىزدار قايدا تۇرادى؟»، دەپ سۇراپ ەدىك. «مەن قىرعىزبىن» دەدى. سايلاۋعا باردىڭىز با دەسەك، «مەن قازاقستان ازاماتىمىن. بىزدىكى «نۇر وتان» عوي» دەپ كۇلەدى. الگى وتانداسىمىز دا ماملەكەت ۋچين وسىنداعى قىرعىزداردىڭ تايلى-تاياعى قالماي تۇگەل سايلاۋعا بارعانىن، سايلاۋعا بارمادى دەگەن ادامدى ەستىمەگەنىن ايتتى.

ايتپاقشى، ءبىز بارعان ءنومىرى 27-ءشى سايلاۋ ۋچاسكەسىندە قىرعىزستاننىڭ پارلامەنت سايلاۋىنا ءتۇسىپ جاتقان 29 پارتيانىڭ وكىلدەرىنەن جانە قوعامدىق ۇيىمداردان باقىلاۋشىلار بولدى.

سوڭعى دەرەكتەر بويىنشا، قىرعىزستان سايلاۋشىلارىنىڭ 41,37 پايىزى داۋىس بەرگەن. ال، شەتەلدەردەگى قىرعىز ازاماتتارىنىڭ 41,7 پايىزى داۋىس بەرگەن.

قىرعىزستان ورتالىق سايلاۋ كوميسسياسى ازىرگە بيۋللەتەندەردىڭ 86,07 پايىزىن ساناپ ءبىتىردى. «اتا جۇرت» پارتياسى وزا شاۋىپ كەلەدى. «شايلوو» اتتى اۆتوماتتاندىرىلعان جۇيەدەن الىنىپ الدىن الا جاريالانعان مالىمەتتەر بويىنشا 2333 سايلاۋ ۋچاسكەسىنىڭ 2008-دە بەرىلگەن داۋىس بويىنشا «اتا جۇرت»  8,58,  قىرعىزستاننىڭ سوتسيال دەموكراتيالىق پارتياسى  7,99, «ار-نامىس»  7,03, «رەسپۋبليكا»   7,02, «اتا مەكەن»  5,96, «ءبۇتىن قىرعىزستان»  4,77 داۋىس جيناپ وتىر.

«اباي-اقپارات»