الاش ارداقتىسى، الاش اماناتىن ارقالاپ ونى ورىنداعان قازاقتىڭ ايگىلى جازۋشىسى مۇحتار ومارحانۇلىنىڭ شىققان تەگىن ءتۇپ-تۇقيانىنان باستاپ باياندايتىن «مۇحتار اۋەزوۆتىڭ اتاتەگى» دەپ اتالاتىن كىتاپ جارىققا شىقتى.

كىتاپقا قاراعاندا، مۇحتار اۋەزوۆتىڭ ءتۇپ اتالارى قازاق جەرىنە يسلام ءدىنىن تاراتۋعا كەلگەن ارابتار بولىپ شىعادى. كەيىن بۇلاردىڭ ۇرپاعى قازاق اراسىنا قوجا دەگەن تۋىستىق اتاۋمەن سىڭگەن. جالپى، قازاقتىڭ شەجىرەلىك تاريحىندا رۋعا جاتپايتىن ەكى تۇقىم بار: تورەلەر مەن قوجالار. تورەلەر شىڭعىسحاننىڭ ۇرپاقتارى.

ءبىر قىزىعى، مۇحتار اۋەزوۆتىڭ ءوزى جازىپ قالدىرعان مۇرالارىنىڭ ىشىندە ءوزىنىڭ اتاتەگى تۋرالى ءبىر عانا دەرەك بار ەكەن. مۇقاڭ الاش ادۋىندى ارىستاندارىنىڭ ءبىرى سماعۇل سادۋاقاسوۆقا جازعان ءبىر حاتىندا ءوزىنىڭ ارعى اتالارىن قاراتاۋ وڭىرىنەن قالىڭ نايماننىڭ اراسىنا كوشىپ كەلگەنىن جانە نايمان ىشىنەن بەردىقوجا ءبىر توپ تۋىستارىن سوڭىنان ەرتىپ، ارعىن ىشىندە توبىقتىعا كەلىپ، ورىن قونىس تەپكەنىن ايتقان ەكەن. بۇدان باسقا مۇقاڭنىڭ وزىنەن تەگى تۋرالى دەرەك قالماعان.

الاش ارداقتىسى، الاش اماناتىن ارقالاپ ونى ورىنداعان قازاقتىڭ ايگىلى جازۋشىسى مۇحتار ومارحانۇلىنىڭ شىققان تەگىن ءتۇپ-تۇقيانىنان باستاپ باياندايتىن «مۇحتار اۋەزوۆتىڭ اتاتەگى» دەپ اتالاتىن كىتاپ جارىققا شىقتى.

كىتاپقا قاراعاندا، مۇحتار اۋەزوۆتىڭ ءتۇپ اتالارى قازاق جەرىنە يسلام ءدىنىن تاراتۋعا كەلگەن ارابتار بولىپ شىعادى. كەيىن بۇلاردىڭ ۇرپاعى قازاق اراسىنا قوجا دەگەن تۋىستىق اتاۋمەن سىڭگەن. جالپى، قازاقتىڭ شەجىرەلىك تاريحىندا رۋعا جاتپايتىن ەكى تۇقىم بار: تورەلەر مەن قوجالار. تورەلەر شىڭعىسحاننىڭ ۇرپاقتارى.

ءبىر قىزىعى، مۇحتار اۋەزوۆتىڭ ءوزى جازىپ قالدىرعان مۇرالارىنىڭ ىشىندە ءوزىنىڭ اتاتەگى تۋرالى ءبىر عانا دەرەك بار ەكەن. مۇقاڭ الاش ادۋىندى ارىستاندارىنىڭ ءبىرى سماعۇل سادۋاقاسوۆقا جازعان ءبىر حاتىندا ءوزىنىڭ ارعى اتالارىن قاراتاۋ وڭىرىنەن قالىڭ نايماننىڭ اراسىنا كوشىپ كەلگەنىن جانە نايمان ىشىنەن بەردىقوجا ءبىر توپ تۋىستارىن سوڭىنان ەرتىپ، ارعىن ىشىندە توبىقتىعا كەلىپ، ورىن قونىس تەپكەنىن ايتقان ەكەن. بۇدان باسقا مۇقاڭنىڭ وزىنەن تەگى تۋرالى دەرەك قالماعان.

سونىمەن، مۇحتار اۋەزوۆتىڭ شىققان تەگىن ەندى بارشا جۇرت بىلە جۇرەتىن بولدى. ارينە، بۇدان بولىپ مۇحتار اۋەزوۆتىڭ قازاق جۇرەگىندەگى بەينەسى جانە قازاق رۋحانياتىنداعى ەرەكشە ورنى مەن ونىڭ ۇلتىمەن بىرگە جاسايتىن شىعارمالارىنىڭ باعاسى سۇيەمدەي دە كەمىپ قالمايتىنى ايدان انىق. نەگىزى، دۇنيە جۇرتىندا ءوزىنىڭ ۇلى ادامدارىنىڭ شىققان تەگىن ءبىلۋ ونى ۇرپاققا جەتكىزۋ سالتى بار. بۇل سالت قازاق ءۇشىن وزىندىك ەرەكشەلىككە جانە ۇرپاق ءۇشىن اتقاراتىن ءمان مەن ماڭىزعا يە.

ءسويتىپ، مۇحتارتانۋ جاڭا ءبىر دەرەك كوزىمەن مولايا ءتۇستى.

"اباي-اقپارات"