لاتىشتان وزگەگە لاتۆيادا ءورىس تارىلىپ بارادى
لاتۆيا پارلامەنتىنىڭ ەڭ جاس دەپۋتاتى يانيس دومبراۆا ەلدەن لاتىش ەمەستەردى ەرىكتى ءتۇردى شىعارۋ جايلى ماسەلە كوتەرىپ وتىر.
لاتۆيا پارلامەنتىنىڭ ەڭ جاس دەپۋتاتى يانيس دومبراۆا ەلدەن لاتىش ەمەستەردى ەرىكتى ءتۇردى شىعارۋ جايلى ماسەلە كوتەرىپ وتىر.
لاتۆيا پارلامەنتىندەگى ۇلتشىلدار اليانسىنىڭ وكىلى، جيىرما ەكى جاستاعى دەپۋتات يانيس دومبراۆا پارلامەنت سايلاۋى الدىندا ءبىر ورىس مىرزاسى كەلىپ، لاتۆيادان قالاي كەتۋگە بولاتىنىن سۇراعانىن، ءوز كەزەگىندە يانيس دومبراۆا ەلدەگى رەپاتراتسياعا بايلانىستى باعدارلامانى كورسەتكەن كەزدە الگى ورىس مىرزاسى وعان راحمەتىن جاۋدىرىپ، جونىنە كەتكەنىن ايتادى. جاس دەپۋتات مۇنىمەن شەكتەلمەي، «لاتۆيا مەملەكەتىنىڭ تۇرمىسىنا كوڭىلى تولمايتىندار وزدەرىن جاقسى سەزىنەتىن ەلدەرگە كەتە بەرسىن. ولاردىڭ كەتۋىنە كومەكتەسۋ كەرەك» دەپ تە سالعان.
جاس دەپۋتات دەگەندە، ءبىزدىڭ ەسىمىزگە تاڭىربەردى بەردىوڭعاروۆتىڭ ورالعانى راس. ءبىزدىڭ جاس دەپۋتاتتان لاتىش ۇلتشىلىنىڭ بويىندا تاسىعان قان، ءتىپتى سوعان ۇقساس بىرنارسە بولسا دا شىعادى دەگەنگە ونىڭ سايلاۋشىلارىنىڭ ءبىرى سەنە مە؟! ءبىزدىڭ «جاس قىران» ۇلت ءسوزىن پارلامەنت مىنبەرىنەن ايتقانى بىلاي تۇرسىن، تۋعان تىلىنە كەلگەندە ءتىلى كۇرمەلەتىنىن جالپى جۇرت بىلەدى. ايتپاقشى، تانيربەرگەننىڭ پارلامەنتتەگى قىزمەتىن ىسىرىپ قويىپ، «ەكى جۇلدىز» جوباسىنداعى ۇلتارالىق تاتۋلىقتىڭ تارازى باسىن تەڭەستىرۋگە قاتىسقانىن جۇرت كورگەن ەكەن-اۋ.
وسى ورىس ءباسپاسوزى دە قىزىق. باسقا ەلدەردەگى، ونىڭ ىشىندە بۇرىنعى رەسەيگە بودان ەلدەردەگى، ورىس ماسەلەسىنە كەلگەندە بالەن ەلدىڭ ۇلتشىلدارى دەپ شىعادى. شىندىعىندا، رەسەيدىڭ وزىندە قانشاما ۇلت ءومىر سۇرۋدە؟ رەسەيدە، ماسەلەن، ءبىر ميلليون قازاق بار. سول رەسەيدەگى وزگە ۇلتتاردىڭ تاعدىرى ورىس ءباسپاسوزىن شەتەلدەردەگى ورىستاردىڭ جاعدايىنداي نەگە الاڭداتپايدى وسى؟! و نەسى ەكەن؟
ال، الگى لاتۆيانىڭ جاس پەرى دەپۋتاتىنىڭ ايتقانىنداي ءبىزدىڭ ەلدە دە قازاقستانعا كوڭىلى تولمايتىن دياسپورالار بار ما، جوق پا؟ جانە بولا قالسا، ولاردىڭ وزدەرىن جايلى سەزىنەتىن جەرگە كوشۋىنە لاتىشتار سەكىلدى بىزدە كومەكتەسۋىمىز قاجەت پە، جوق پا بۇل تۋرالى پىكىردى وقىرمانعا قالدىردىق.
«اباي-اقپارات»
