20 قازان كۇنى قر پارلامەنتى ءماجىلىسىنىڭ جالپى وتىرىسى بولىپ ءوتتى. وندا دەپۋتات نۇرتاي سابيليانوۆ ءبىلىم جانە عىلىم ءمينيسترى باقىتجان جۇماعۇلوۆقا دەپۋتاتتىق ساۋال جولدادى:

«ماعان قىتاي مەن مونعوليادان كەلگەن 29 جاس قازاق جىگىتتەرى مەن قىزدارىنان، قالالىق «قازاق ءتىلى» قوعامىنان تومەندەگىدەي مازمۇنداعى حات كەلدى. حات يەلەرى: «سىزگە وسى حاتتى جازىپ وتىرعان قىتاي جانە مونعوليادان كەلگەن جاس قازاق جىگىتتەرى مەن كىزدارى. ءبىز 2010 جىلعى تامىز ايىنان باستاپ سەمەي مەملەكەتتىك پەداگوگيكالىق ينستيتۋتىنىڭ دايىندىق بولىمىنە وقيمىز دەپ كەلدىك. وسى ماقساتتى ورىنداۋ ءۇشىن ينستيتۋتقا ارنايى ءوتىنىش جازىپ، ەمتيحان تاپسىرىپ، سەمەي مەملەكەتتىك ينستيتۋتىنىڭ تىڭداۋشىلار قاتارىنا قوسىلامىز دەپ ۇمىتتەندىك.

20 قازان كۇنى قر پارلامەنتى ءماجىلىسىنىڭ جالپى وتىرىسى بولىپ ءوتتى. وندا دەپۋتات نۇرتاي سابيليانوۆ ءبىلىم جانە عىلىم ءمينيسترى باقىتجان جۇماعۇلوۆقا دەپۋتاتتىق ساۋال جولدادى:

«ماعان قىتاي مەن مونعوليادان كەلگەن 29 جاس قازاق جىگىتتەرى مەن قىزدارىنان، قالالىق «قازاق ءتىلى» قوعامىنان تومەندەگىدەي مازمۇنداعى حات كەلدى. حات يەلەرى: «سىزگە وسى حاتتى جازىپ وتىرعان قىتاي جانە مونعوليادان كەلگەن جاس قازاق جىگىتتەرى مەن كىزدارى. ءبىز 2010 جىلعى تامىز ايىنان باستاپ سەمەي مەملەكەتتىك پەداگوگيكالىق ينستيتۋتىنىڭ دايىندىق بولىمىنە وقيمىز دەپ كەلدىك. وسى ماقساتتى ورىنداۋ ءۇشىن ينستيتۋتقا ارنايى ءوتىنىش جازىپ، ەمتيحان تاپسىرىپ، سەمەي مەملەكەتتىك ينستيتۋتىنىڭ تىڭداۋشىلار قاتارىنا قوسىلامىز دەپ ۇمىتتەندىك.

بىراق، وكىنىشكە وراي، ءبىلىم جانە عىلىم مينيسترلىگىنىڭ بۇيرىعىنا سايكەس ءبىز وقۋعا وسكەمەن كالاسىنا بولىندىك. سوندا جوعارىدا وتىرعان اعالارىمىز ءبىزدىڭ تاڭداۋىمىزدى ەسكەرمەگەندىگى مە؟ سەمەي كالاسىنداعى جوعارعى وكۋ ورىندارىندا ءبىزدىڭ تۋعان اپايلارىمىز بەن اعايلارىمىز وقيدى. بۇل ءبىز سياقتى شەتتەن كەلگەن ءتىرى جان تانىمايتىن بالالارعا كوپ جەڭىلدىك. ءدال قازىر ءبىز سەمەي مەملەكەتتىك پەداگوگيكالىك ينستيتۋتىنىڭ دايىندىق بولىمىندە ءتالىم-تاربيە الىپ جاتىرمىز، وسى ينستيتۋتتىڭ جاتاقحاناسىندا تۇرىپ جاتىرمىز. ەندى وسىنىڭ ءبارىن تاستاپ نەگە وسكەنمەنگە كەتۋىمىز كەرەك؟ ... ءبىزدى سەمەي مەملەكەتتىك پەداگوگيكالىق ينستيتۋتىنىڭ دايىندىق ءبولىمىنىڭ تىڭداۋشىلار تىزىمىنە ەنگىزۋ ءۇشىن كومەك سۇرايمىز !», - دەپ جازعان.

وسىعان بايلانىستى سىزدەن قىتاي مەن مونعوليادان كەلگەن 29 جاس قازاق جىگىتتەرى مەن قىزدارىنىڭ حاتىندا كورسەتىلگەن - ولاردىڭ سەمەي مەملەكەتتىك پەداگوگيكالىك ينستيتۋتىنىڭ دايىندىق بولىمىندە وقۋىنا مۇمكىندىك بەرۋ ماسەلەسىن قاراستىرۋدى سۇرايمىن".

اقپاراتتى قر پارلامەنتى ءماجىلىسى اپپاراتىنىڭ  باسپاسوز قىزمەتى تاراتىپ وتىر

ساۋلە دوسجانوۆا، ت.74-63-01