ديزاين مەن ءۇي بەزەندىرۋ ءىسىن حوببي سانايتىن بريتتاني اتتى امەريكاندىق دوس-قىزىم مەن كۇندىزگى جۇمىستارىمدى ءبىتىرىپ كەلگەنشە ءۇي ءىشىن رەتتەپ، زاتتاردى ورىن-ورنىمەن قويىپ بەرۋگە ۇسىنىس جاساعان ەدى. ۇيدەگى ۇيلەسىمدىلىك پەن گارمونيانى ورناتۋدا قىزدىڭ تالعامى بولەك، اسىرەسە تارتىمدى بولارىن ءبىلىپ، كوپ بولسا ۇيرەنشىكتى ءۇي تازالاۋدان اسپايتىن شىعار دەگەن ويمەن ءومىرىمنىڭ جارتىسى وتەتىن جەكە الەمىمدى شەتەلدىك قىزدىڭ قاراۋىنا تاپسىرىپ بەردىم. ارادا بەس ساعات ءوتىپ، كەش باتقاندا  قۇلپىلانعان ەسىكتى كىلتپەن اشىپ كىرگەن مەن ءوزىمدى گولليۆۋد فيلمىندەگى وقيعا ورنىنا تاپ بولعان اكتەرداي سەزىندىم...جۇرەكتى ەرىكسىز تەبىرەنتەر مۋزىكا، كونديتسيونەردىڭ سالقىن سامالى، بولمەدەگى جۇپار ءيىس پەن توردەگى شامنىڭ جاناما جارىعى كىرە بەرىستە ءبىر ۋاق كىدىرىپ قالۋعا ءماجبۇر ەتتى. اڭ-تاڭ كۇيىمدە ءۇيىمدى «جۇماقتىڭ بۇرىشىنا» اينالدىرعان ارۋدىڭ اتىن اتاپ ءجۇرىپ جاتاتىن بولمەمنەن ارەڭ تاپتىم. بۇكىل جيھاز بەن جابدىقتان باستاپ، جارىقتىڭ ساۋلەسىنە دەيىن ءتيىستى ورنىن تاپقانى كوزدى دە، كوڭىلدى دە باۋراپ العالى جاتقان ساتتە بۇيىرىمە ينە(تەبەن) شانشىعانداي سەزىلدى. كىلەم رەتىندە توقىلعان ەلىمىزدىڭ كوك تۋى كادىمگى اياق كيىمدەردىڭ استىندا توسەلىپ جاتىر.

ديزاين مەن ءۇي بەزەندىرۋ ءىسىن حوببي سانايتىن بريتتاني اتتى امەريكاندىق دوس-قىزىم مەن كۇندىزگى جۇمىستارىمدى ءبىتىرىپ كەلگەنشە ءۇي ءىشىن رەتتەپ، زاتتاردى ورىن-ورنىمەن قويىپ بەرۋگە ۇسىنىس جاساعان ەدى. ۇيدەگى ۇيلەسىمدىلىك پەن گارمونيانى ورناتۋدا قىزدىڭ تالعامى بولەك، اسىرەسە تارتىمدى بولارىن ءبىلىپ، كوپ بولسا ۇيرەنشىكتى ءۇي تازالاۋدان اسپايتىن شىعار دەگەن ويمەن ءومىرىمنىڭ جارتىسى وتەتىن جەكە الەمىمدى شەتەلدىك قىزدىڭ قاراۋىنا تاپسىرىپ بەردىم. ارادا بەس ساعات ءوتىپ، كەش باتقاندا  قۇلپىلانعان ەسىكتى كىلتپەن اشىپ كىرگەن مەن ءوزىمدى گولليۆۋد فيلمىندەگى وقيعا ورنىنا تاپ بولعان اكتەرداي سەزىندىم...جۇرەكتى ەرىكسىز تەبىرەنتەر مۋزىكا، كونديتسيونەردىڭ سالقىن سامالى، بولمەدەگى جۇپار ءيىس پەن توردەگى شامنىڭ جاناما جارىعى كىرە بەرىستە ءبىر ۋاق كىدىرىپ قالۋعا ءماجبۇر ەتتى. اڭ-تاڭ كۇيىمدە ءۇيىمدى «جۇماقتىڭ بۇرىشىنا» اينالدىرعان ارۋدىڭ اتىن اتاپ ءجۇرىپ جاتاتىن بولمەمنەن ارەڭ تاپتىم. بۇكىل جيھاز بەن جابدىقتان باستاپ، جارىقتىڭ ساۋلەسىنە دەيىن ءتيىستى ورنىن تاپقانى كوزدى دە، كوڭىلدى دە باۋراپ العالى جاتقان ساتتە بۇيىرىمە ينە(تەبەن) شانشىعانداي سەزىلدى. كىلەم رەتىندە توقىلعان ەلىمىزدىڭ كوك تۋى كادىمگى اياق كيىمدەردىڭ استىندا توسەلىپ جاتىر. «بۇنىڭ نە؟» دەپ الگى كىلەمدى تۇرعان جەرىنەن سۋىرىپ العانىمدا ءرامىزدىڭ ءمانىن تۇسىنبەيتىن ءبريتتانيدىڭ جاۋابى تالىپ تۇسىرۋگە از قالدى: «بەتىندە ويۋ-ورنەك بەينەلەنگەن بۇل كىلەمنىڭ ماعىناسىن تۇسىنبەسەم دە، ەدەندە جاتۋعا ىڭعايلاستىرىلعان، قالىڭ جانە اۋىر بولعاندىقتان سولاي ەتۋ قاجەت شىعار دەپ ويلادىم»-دەدى امەريكاندىق قىز. ودان قالسا، تۇبىندە دالانىڭ دومبىراشى قارتى بەينەلەنگەن  جايپاق تاباقتىڭ بەتىنە ءتورت ستاكاندى توڭكەرىپ قويعانىن كورگەندە ايتارعا ءسوز، بارارعا جەر تاپپاي قالعانىم راس.

ال، بۇعان قازاق ەلىنىڭ مادەنيەتى مەن تاريحىنان  بەيحابار امەريكاندىق سۇلۋ كىنالى مە، الدىن الا ەسكەرتپەگەن مەن كىنالىمىن بە، الدە رۋح بەرەتىن بۇيىمدى جاساۋشىلار كىنالى مە؟ دەگەنمەن، ءار نارسەنىڭ قىزمەتى، ورنى بار ەكەنىن ايتىپ اقتالعان ءبريتتانيدىڭ دە سوزىندە جان بار سياقتى. شىنىمەن، كىشكەنتاي شىنى جاساساقتا ءمان-مازمۇنىمەن قاتار، ونىڭ كۇندەلىكتى قولدانىستاعى تيىمدىلىگىن زەرتتەگەندە مۇقيات بولعانىمىز ابزال!

سوزىنە سەنىمدى سەرى، اقش