وزبەكستان جەرىنە ءوتىپ كەتىپ، قاماۋعا الىنعان 27 اقتوبەلىكتەردىڭ سوتى باستالدى. قازاقستان جاعىنان سوتقا وزبەكستانداعى كونسۋل قاتىسۋدا. بۇل تۋرالى قازاقستان رەسپۋبليكاسى سىرتقى ىستەر مينيسترلىگىنىڭ وكىلى ەرجان اشىقباەۆ حابارلادى.

وزبەكستان جەرىنە ءوتىپ كەتىپ، قاماۋعا الىنعان 27 اقتوبەلىكتەردىڭ سوتى باستالدى. قازاقستان جاعىنان سوتقا وزبەكستانداعى كونسۋل قاتىسۋدا. بۇل تۋرالى قازاقستان رەسپۋبليكاسى سىرتقى ىستەر مينيسترلىگىنىڭ وكىلى ەرجان اشىقباەۆ حابارلادى.
بىرنەشە جەڭىل ماشينالار مەن «كاماز» جۇك كولىكتەرىنەن تۇراتىن اۆتوكەرۋەن ماڭعىستاۋ وبلىسىنا قاراي اقتوبەدەن اقپان ايىندا شىققان. شالقار اۋدانىنداعى بوزوي اۋىلىنىڭ سىرتىمەن، قۇلاندى شەكارا زاستاۆاسىن اينالىپ وتكەن 34 اقتوبەلىك Ђزبەكستان جەرىنە كەلگەندە، شەكاراشىلارعا تاپ بولادى. اۆتوكەرۋەندەگى ءبىراز ادامدار كەرى بۇرىلىپ، قاشىپ ۇلگەرەدى دە، قالعان 25 قازاقستاندىق قاماۋعا الىنىپ، مەملەكەتتىك شەكارانى بۇزعانى ءۇشىن ولارعا قارسى قىلمىستىق ءىس قوزعالادى. كەيىنىرەك Ђزبەكستان اۋماعىندا جاتقان تەمىر ترۋبالاردى الىپ كەلۋ ءۇشىن كولىك جۇرگىزۋشىلەردى جالداعان تاعى ەكى اقتوبەلىك ۇستالعان بولاتىن. جاستارى قىرىقتان اسقان ەكى اقتوبەلىك كاسىپكەر ۇزاق جىلدار بويى تەمىر-تەرسەك جيناۋمەن اينالىسقان. قارا تەمىردىڭ سىنىعىن حالىقتان ارزانعا ساتىپ الىپ، قىمباتقا وتكىزىپ كۇنەلتىپ جۇرگەن ەكەن. سودان بەرى ولاردىڭ تەمىر ۇرلاۋ ءۇشىن جالداعان كولىك جۇرگىزۋشىلەرى قاراقالپاقستاننىڭ استاناسى نۇكىس قالاسىندا قاماۋدا جاتىر. «اقتوبە وبلىستىق ىشكى ىستەر دەپارتامەنتى قۇقىق بۇزۋشىلىققا بايلانىستى «ەكونوميكالىق كونتراباندا» دەگەن ايىپ تاعىپ، بۇلاردىڭ ۇيىمداستىرۋشىلارىنا قارسى تاعى قىلمىستىق ءىس قوزعادى. وسىعان بايلانىستى بولعان جاعدايدى سول جەردە انىقتاپ، قۇقىق بۇزۋشىلاردى قازاقستانعا الىپ كەلۋ ءۇشىن تەرگەۋ توبى Ђزبەكستان رەسپۋبليكاسىنا ءجۇرىپ كەتتى. قازىر قازاقستاندىق قۇقىق قورعاۋ ورگاندارىنىڭ وكىلدەرى، ءبىزدىڭ ازاماتتاردى قازاقستان سوت بيلىگىن وتكىزىپ بەرۋ تۋرالى وزبەكستاندىق ارىپتەستەرىمەن كەلىسسوزدەر جۇرگىزۋدە. ەگەر كەلىسسوز وڭ شەشىلسە، وتانداستارىمىز ەلگە قايتارىلادى» دەپ مالىمدەگەن بولاتىن بۇدان ءبىر اپتا بۇرىن قازاقستان باس پروكۋراتۋراسىنىڭ رەسمي وكىلى ساپاربەك نۇرپەيىسوۆ. وزبەك جاعى وعان كەلىسپەگەن سياقتى. قازاقستاندىقتار Ђزبەكستان رەسپۋبليكاسى قىلمىستىق كودەكسى بويىنشا 209-بابىنىڭ 3-بولىگىمەن (ەكونوميكالىق كونتراباندا) ايىپتالۋدا. الىپساتار جەرلەستەرىنىڭ الداۋىنا تۇسكەن كولىك جۇرگىزۋشىلەرگە وزبەكستاندىق سوت قانداي ۇكىم شىعارار ەكەن؟

«ايقىن» گازەتى، 03.06.09