رەسمي حابارلاما بويىنشا، ترامپ پەن پۋتين "سيرياداعى جانجالدىڭ ۇزاققا سوزىلىپ كەتكەنىنە، مۇددەلى تاراپتار ونى دوعارۋعا بار كۇشىن سالۋ كەرەكتىگىنە" كەلىستى. اق ءۇيدىڭ حابارلاۋىنشا، پرەزيدەنتتەردىڭ "اڭگىمەسى جاقسى ءوتتى، ولار سيريادا بەيبىتشىلىك ورناتۋ ءۇشىن قاۋىپسىز نەمەسە دەەسكالاتسيا ايماقتارىن قۇرۋ ماسەلەسىن تالقىلادى".

حابارلارعا قاراعاندا، 3-4 مامىردا اقش سيريا ماسەلەلەرى جونىندەگى استانادا وتەتىن كەلىسسوزدەرگە ءوز وكىلىن جىبەرەدى. بۇعان قوسا، پرەزيدەنتتەر جالپى تاياۋ شىعىستا تەرروريزمدى تۇبىمەن جويۋ ءۇشىن بىرلەسە اتقارىلاتىن جۇمىستاردى تالقىلادى.

اق ءۇي حابارلاماسى بويىنشا، پرەزيدەنتتەر ءسولتۇستىڭ كورەياداعى وتە قاۋىپتى جاعدايدى شەشۋ جولدارىن دا قاراستىردى.

كرەملدىڭ ءباسپاسوز قىزمەتى دە پۋتين مەن ترامپتىڭ سەيسەنبىدەگى تەلەفونمەن اڭگىمەسىندە كورەي تۇبەگىندەگى جاعداي ءسوز بولعانىن حابارلادى.

باسقا دا حالىقارالىق ماسەلەلەردى تالقىلاۋ كەزىندە رەسەي مەن اقش-تىڭ حالىقارالىق تەرروريزممەن كۇرەسىن ۇيلەستىرىپ وتىرۋ كەرەكتىگىنە باسا ءمان بەرىلدى، دەلىنگەن كرەمل حابارلاماسىندا.

پۋتين مەن ترامپ تەلەفون ارقالى سويلەسىپ تۇرۋعا كەلىسىپ، 7-8 شىلدەدە گامبۋرگتە "جيىرمالىق توپتىڭ" سامميتىندە كەزدەسۋ مۇمكىندىگىن ناقتىلاي ءتۇستى، دەپ حابارلادى كرەملدىڭ ءباسپاسوز قىزمەتى.

اباي-اقپارات