اجالىنا اسىققاندار...
قۇقىقتىق ەسەپ جونىندەگى كوميتەتتىڭ دەرەگىنە سەنسەك، بيىلعى جىلدىڭ توعىز ايىندا 2359(!) ادام وزىنە-ءوزى قول سالىپ، جارىق دۇنيەگە حوش ايتىپتى. اللا اجالىن ادام قولىنان جازعان جانداردىڭ سانى دا وسى جىلدىڭ توعىز اي كولەمىندە 1025-كە جەتكەن. جالپى، ءوز ءومىرىن ءوزى قيعان جانداردىڭ مولشەرى جىل ساناپ ءوسىپ كەلەدى.
ال، بيلىك ءوز ازاماتتارىنىڭ قىرشىن ومىرلەرىنە قول سالۋىنا اراشا تۇسە الماي وتىر. تەك ەسەبىن جاساپ، ءتىزىمىن حاتتاپ، كەڭسەلىك جۇمىسپەن عانا شەكتەلۋدە. ەل ىشىندە اتى جامان دەرتتىڭ نەگە ەتەك العانىن انىقتاۋ، وعان اراشا تۇسۋگە تالپىنىستى جۇرت بيلىكتىڭ بويىنان بايقاي الماي كەلەدى. بىراق، سول جامنادىقتى جاسىرماي جاريا قىلعانىنا دا «تاۋبە!» ەسكى ادەتىنە باسىپ، كەرەمەتتەن كوز اشتىرماسا قايتەر ەدىك؟!
نەگە بيلىك دەرسىز؟ كۇنى كەشە ايدىڭ، كۇننىڭ امانىندا، تەتەلەستەرىنىڭ تەپكىسىنە شىداماعان ەكى ءجاسوسپىرىم تۇزدىباستاۋدا وزدەرىنە قول سالدى. ون ەكى دە ءبىر گۇلى اشىلماي و دۇنيەگە اتتاندى. ال، سول ەكەۋى وقىعان مەكتەپ ءبىلىم جانە عىلىم مينيسترلىگىنە باعىنىشتى. بۇل بيلىك ەمەي نە؟! الدىن الماعان سوڭ، بولارى بولىپ بوياۋى سىڭگەندە ارتىنان الاشاپقىن بولعانى بيلىكتىڭ بىلىكسىزدىگى ەمەي نە؟! اتا زاڭدا جازىلعانداي مەملەكەتتىڭ باستى بايلىعى ادام جانە ونىڭ ءومىرى بولاتىن بولسا، قازاق بيلىگى ازاماتتارىمىزدىڭ باسىن جۇتىپ جاتقان دەرتتىڭ سەبەبىن انىقتاپ، ادام ومىرىنە اراشا ءتۇسۋدىڭ امالدارىن مىقتاپ قاراستىرعانى ءجون.
قۇقىقتىق ەسەپ جونىندەگى كوميتەتتىڭ دەرەگىنە سەنسەك، بيىلعى جىلدىڭ توعىز ايىندا 2359(!) ادام وزىنە-ءوزى قول سالىپ، جارىق دۇنيەگە حوش ايتىپتى. اللا اجالىن ادام قولىنان جازعان جانداردىڭ سانى دا وسى جىلدىڭ توعىز اي كولەمىندە 1025-كە جەتكەن. جالپى، ءوز ءومىرىن ءوزى قيعان جانداردىڭ مولشەرى جىل ساناپ ءوسىپ كەلەدى.
ال، بيلىك ءوز ازاماتتارىنىڭ قىرشىن ومىرلەرىنە قول سالۋىنا اراشا تۇسە الماي وتىر. تەك ەسەبىن جاساپ، ءتىزىمىن حاتتاپ، كەڭسەلىك جۇمىسپەن عانا شەكتەلۋدە. ەل ىشىندە اتى جامان دەرتتىڭ نەگە ەتەك العانىن انىقتاۋ، وعان اراشا تۇسۋگە تالپىنىستى جۇرت بيلىكتىڭ بويىنان بايقاي الماي كەلەدى. بىراق، سول جامنادىقتى جاسىرماي جاريا قىلعانىنا دا «تاۋبە!» ەسكى ادەتىنە باسىپ، كەرەمەتتەن كوز اشتىرماسا قايتەر ەدىك؟!
نەگە بيلىك دەرسىز؟ كۇنى كەشە ايدىڭ، كۇننىڭ امانىندا، تەتەلەستەرىنىڭ تەپكىسىنە شىداماعان ەكى ءجاسوسپىرىم تۇزدىباستاۋدا وزدەرىنە قول سالدى. ون ەكى دە ءبىر گۇلى اشىلماي و دۇنيەگە اتتاندى. ال، سول ەكەۋى وقىعان مەكتەپ ءبىلىم جانە عىلىم مينيسترلىگىنە باعىنىشتى. بۇل بيلىك ەمەي نە؟! الدىن الماعان سوڭ، بولارى بولىپ بوياۋى سىڭگەندە ارتىنان الاشاپقىن بولعانى بيلىكتىڭ بىلىكسىزدىگى ەمەي نە؟! اتا زاڭدا جازىلعانداي مەملەكەتتىڭ باستى بايلىعى ادام جانە ونىڭ ءومىرى بولاتىن بولسا، قازاق بيلىگى ازاماتتارىمىزدىڭ باسىن جۇتىپ جاتقان دەرتتىڭ سەبەبىن انىقتاپ، ادام ومىرىنە اراشا ءتۇسۋدىڭ امالدارىن مىقتاپ قاراستىرعانى ءجون.
دەسە دە، تاياقتىڭ ءبىر ۇشى وزىمىزگە دە كەلىپ تيەتىنى راس. قوعامداعى ادامي قاتىناستاردىڭ كۇردەلەنىپ، قاتىگەزدەنىپ بارا جاتۋى جانە ءتۇرلى وقيعالاردىڭ ادام جانىن ازاپقا سالۋى، جانى قىسىلعاندا جان بالاسىنان مەيىرىم مەن تۇسىنىستىك تاپپاۋى دا اتى جامان دەرتتىڭ دەندەۋىنە جول اشىپ وتىرعانى بۇگىنگى كۇننىڭ شىندىعى بولىپ تۇر. امال نە...
الدە توعىز ايدا اجالىن ءوز قولىنان تاۋىپ، جان تاپسىرىپ جانتالاسقان 2359 پەندەنىڭ ءبارى سانا سىرقاتىنا شالىنعاندار جانە ونىڭ ءبارى تۇرمىستىڭ تاۋقىمەتىنەن تاۋسىلىپ ءوز ءومىرىن قينالماي قيعاندار ما؟
مەيىرلەن، ادام!
«اباي اقپارات»
