http://adebiet.kz/

تاقىرىپتىق نوميناتسياسى: ادەبي شىعارمالار، پوەزيا، پروزا، ەرتەگىلەر، اۋدارمالار;
رەسۋرستىق ءتىلى: قازاقشا;
اشىلعان ۋاقىتى: 2010;
جوبا اۆتورى: شىڭعىس مۇقان

جوبا تۋرالى:

http://adebiet.kz/

تاقىرىپتىق نوميناتسياسى: ادەبي شىعارمالار، پوەزيا، پروزا، ەرتەگىلەر، اۋدارمالار;
رەسۋرستىق ءتىلى: قازاقشا;
اشىلعان ۋاقىتى: 2010;
جوبا اۆتورى: شىڭعىس مۇقان

جوبا تۋرالى:

استانادا، 28 قازاندا «ادەبي الەم» اتتى ەلىمىزدەگى العاشقى ادەبيەت پورتالىنىڭ تۇساۋكەسەر سالتاناتى ءوتتى. اتالعان پورتال باتىس قازاقستان وبلىسى اكىمدىگىنىڭ قولداۋىمەن قۇرىلعان. بۇگىندە بۇل سايتقا 164 اۆتور تىركەلىپ، 6502 شىعارما ەنگىزىلگەن. ياكي، اسانقايعىدان ماحامبەتكە دەيىن، اباي زامانىنداعى ادەبيەت، كەڭەس كەزەڭىندەگى ادەبيەت پەن تاۋەلسىزدىكتىڭ تاڭى تۋعىزعان تۋىندىلارمەن قوسا، الەم ادەبيەتىنىڭ قازاق تىلىنە اۋدارىلعان كلاسسيكاسىن، قازاق جانە الەم ەرتەگىلەرىن وسى سايتقا ەنگىزىپ، جيناقتاپ وتىرۋ كوزدەلگەن. سايتقا كىرۋشىلەر سانى قازىردىڭ وزىندە 150 مىڭنان اسىپ، كۇنىنە مىڭعا جۋىق ادام كىرىپ-شىعاتىنداي كورسەتكىشكە دەتىپ وتىر ەكەن. جوباعا 7 ملن تەڭگە جۇمسالعان. ءيا، اقپارات زامانىندا ۇلىلارىمىزدى جاھانتور بەتىندە ۇلىقتاماساق بولمايتىنى كورىنىپ تۇر. مىسالى، Google ىزدەۋ جۇيەسىنەن پۋشكيننىڭ اتى 7 ميلليوننان استام رەت كەزدەسسە، اباي قۇنانباەۆ ەسىمىنىڭ ۇشىراسۋى ودان 175 ەسەگە كەم. وسى ورايدا «ادەبي الەمنىڭ» قوناق كىتابىنا كىرگەندەر كوبىنە قوجا احمەت ياساۋي حيكمەتتەرىن، حۋسروۋ-شىرىن داستانىن، مۇحتار شاحانوۆتىڭ «وركەنيەتتىڭ اداسۋ» پوەماسىن، باۋىرجان مومىشۇلى شىعارمالارىن سۇراتىپ جاتادى. دەمەك، بۇگىنگى جاستار كىتاپ وقىمايدى دەگەن شىندىققا جاناسا قويماس، سوندىقتان اتالعان جوبا جاھانتورداعى قازاق ادەبيەت الەمىن ءبىر بەلەسكە كوتەرەرى انىق.

شىڭعىس مۇقان، جوبا اۆتورى:

-  قازاقتى ساقتاپ قالعان قازاق ءتىلى. ال قازاق ءتىلىن ساقتاپ قالعان قازاق ادەبيەتى. سوندىقتان، ينتەرنەتسىز ينە قادام اتتامايتىن جاستار ءۇشىن پورتالدىڭ ماڭىزى زور. قازاق ءتىلى - ءبىزدىڭ جالعىزىمىز، ءار ادام ءوزىنىڭ جالعىزىنا قالاي قارايدى، ءبىز دە انا ءتىلىمىزدى سولاي الپەشتەپ، ارداق تۇتۋىمىز قاجەت. سونىمەن قاتار، قازاق ينتەرنەت كەڭىستىگىندە اكادەميالىق اقپارات تاپشى. الداعى ۋاقىتتا فيزيكا، بيولوگيا، حيميا سىندى ىرگەلى عىلىم سالالارىنا ارناپ ءبىر-ءبىر سايت اشىپ قويسا، تاماشا بولار ەدى.

البەرت سافۋلين، «نۇر مەديا» جشس باس ديرەكتورىنىڭ ورىنباسارى:

- 80 جىلعا دەيىن لەنينگە تەلىنىپ كەلگەن «وقى، وقى جانە وقى!» دەگەن ناقىلدىڭ ءوزى اللا تاعالانىڭ ادامزاتقا جولداعان لەبىزى ەكەنىن ەندى ءبىلىپ جاتىرمىز. سوندىقتان سايتتا الداعى ۋاقىتتا رۋحاني تانىمىمىزدى كەڭەيتەتىن پايعامبارىمىز مۇحاممەد (س.ع.س.)-نىڭ حاديستەرى دە ەنگىزىلسە ەكەن.

قاجىعالي مۇقامبەتقاليەۆ، جازۋشى:

- ءبىز ەسكىرگەن ۇرپاقپىز. حالىق وزگە ۇلتتان قالىپ قويماس ءۇشىن زامان ۇدەرىستەرىن مەڭگەرۋ كەرەك. پورتال دەگەن ءبىزدىڭ قولىمىزدان كەلمەيدى، جاستاردىڭ كىرىسىپ جاتقانى دۇرىس ەكەن. ادەبيەت - ۇلتتىڭ جانى. سوندىقتان بۇل وتە تاماشا باستاما.

جانار ەلدوسقىزى