وڭىردەگى جۇرتتىڭ ءبارى دە كۇننىڭ، جەل مەن سۋدىڭ قۋاتىن ادام يگىلىگىنە پايدالانۋعا بولاتىنىن باياعىدا تۇسىنگەن.

ەنەرگەتيكانىڭ بالامالى كوزدەرىن دامىتۋداعى  جەتىستىكتەرىن جامبىلدىقتار، مەملەكەتتىك كۇردەلى قارجى جۇمسالىمىنىڭ قالاي ءتيىمدى پايدالانىپ جاتقانىنا كوز جەتكىزۋ ءۇشىن جامبىل وبلىسىنا ارنايى كەلگەن «نۇر وتان» پارتياسى توراعاسىنىڭ ءبىرىنشى ورىنباسارىنا تانىستىردى.

اتاپ ايتقاندا، ولار مۇحتار قۇل-مۇحاممەدكە ەلىمىزدەگى ەڭ ءىرى جەل ەلەكتر ستانتسيالارىنىڭ ءبىرى «Vista international» جشس كورسەتتى. مۇنداعى گەرماندىق ءوندىرىس قوندىرعىسىنىڭ قۋاتى – جىلىنا 50 ميلليون كۆت/س بولىپ كەلەدى.  بۇل  جەرگىلىكتى تۇرعىندارىنىڭ سانى 150 مىڭداي بۇكىل قورداي اۋدانىن ەلەكتر قۋاتىمەن قامتاماسىز ەتۋگە  جەتەدى. جوبا قۇنى 12 ميلليارد تەڭگەدەن اسادى. قارجىلاندىرۋ يندۋستريالاندىرۋ كارتاسى بويىنشا، سونداي-اق، «بيزنەستىڭ جول كارتاسى -2020» باعدارلاماسى شەڭبەرىندە قارجى تارتۋ ارقىلى ىسكە اسىرىلدى.

مۇحتار قۇل-مۇحاممەدتىڭ اتاپ وتكەنىندەي، تاپ وسى بالامالى ەنەرگەتيكانى بەلسەندى قولدانۋدىڭ ارقاسىندا جامبىل وبلىسىنىڭ «جاسىل ەكونوميكانى» دامىتۋ بويىنشا كوشباسشى بولا الاتىن بارلىق مۇمكىندىكتەرى بار.

انىقتاما ءۇشىن: كومىر جەس الىناتىن ەلەكتر قۋاتىنىڭ ورنىن باساتىن جەل ەلەكتر ستانتسيالارىنان الىناتىن ءاربىر كۆت/س اۋاعا كۇكىرت پەن ازوتتىڭ، كۇلدىڭ، جىلىجايلىق گازدار توتىعىنىڭ اۋاعا تاراۋىنا، سونداي-اق كۇل-قوقىس قالدىقتارىنىڭ جينالىپ قالۋىنا جول بەرمەيدى.

Abai.kz