گەرمانيانىڭ قازاقستانداعى شىرايلى شاراسى اياسىندا گەرمانيانىڭ الماتىداعى باس كونسۋلدىعى ورالداعى قالالىق كورمە زالىندا «قازىرگى گەرمانيا» جانە «جاڭعىرتىلاتىن قۋات - گەرمانيادا جاسالعان» تاقىرىبىنداعى ەكى  كورمەسىن وزدىردى.  وبلىس اكىمى باقتىقوجا ىزمۇحامبەتوۆ قالالىق كورمە زالىندا بولىپ، جاڭا قۋات كوزدەرى تەحنولوگيالارى جونىندە دەلەگاتسيا وكىلدەرىمەن پىكىرلەستى.

جىلجىمالى قوس كورمەنىڭ اشىلۋ سالتاناتىندا وبلىس اكىمىنىڭ ءبىرىنشى ورىنباسارى نۇرلان نوعاەۆ قۇرمەتتى مەيماندارعا ورال وڭىرىنە قوش كەلدىڭىزدەر دەي كەلە، گەرمانيا فەدەراتيۆتىك رەسپۋبليكاسى مەن قازاقستان رەسپۋبليكاسىن دوستىق، ارىپتەستىك قارىم-قاتىناس بايلانىستىرىپ وتىرعانىن اتاپ ءوتتى. سونداي-اق كورمەلەردىڭ جۇمىسى باتىسقازاقستاندىقتارعا قازىرگى گەرمانيا جونىندە جاڭا ماعلۇماتتار الۋعا مۇمكىندىك بەرەتىنىن، بۇل كەزدەسۋدىڭ جان-جاقتى بايلانىستاردىڭ نىعايۋىنا، حالىقتاردىڭ ودان ءارى ىنتىماقتاسۋىنا قىزمەت ەتەتىندىگىنە سەنىم ءبىلدىردى.

گەرمانيانىڭ قازاقستانداعى شىرايلى شاراسى اياسىندا گەرمانيانىڭ الماتىداعى باس كونسۋلدىعى ورالداعى قالالىق كورمە زالىندا «قازىرگى گەرمانيا» جانە «جاڭعىرتىلاتىن قۋات - گەرمانيادا جاسالعان» تاقىرىبىنداعى ەكى  كورمەسىن وزدىردى.  وبلىس اكىمى باقتىقوجا ىزمۇحامبەتوۆ قالالىق كورمە زالىندا بولىپ، جاڭا قۋات كوزدەرى تەحنولوگيالارى جونىندە دەلەگاتسيا وكىلدەرىمەن پىكىرلەستى.

جىلجىمالى قوس كورمەنىڭ اشىلۋ سالتاناتىندا وبلىس اكىمىنىڭ ءبىرىنشى ورىنباسارى نۇرلان نوعاەۆ قۇرمەتتى مەيماندارعا ورال وڭىرىنە قوش كەلدىڭىزدەر دەي كەلە، گەرمانيا فەدەراتيۆتىك رەسپۋبليكاسى مەن قازاقستان رەسپۋبليكاسىن دوستىق، ارىپتەستىك قارىم-قاتىناس بايلانىستىرىپ وتىرعانىن اتاپ ءوتتى. سونداي-اق كورمەلەردىڭ جۇمىسى باتىسقازاقستاندىقتارعا قازىرگى گەرمانيا جونىندە جاڭا ماعلۇماتتار الۋعا مۇمكىندىك بەرەتىنىن، بۇل كەزدەسۋدىڭ جان-جاقتى بايلانىستاردىڭ نىعايۋىنا، حالىقتاردىڭ ودان ءارى ىنتىماقتاسۋىنا قىزمەت ەتەتىندىگىنە سەنىم ءبىلدىردى.

- بۇگىندە قازاقستاندا ۇلتى نەمىس ازاماتتار وزگە 140 ەتنوسپەن بىرگە تاتۋ-ءتاتتى ءومىر ءسۇرىپ، بيزنەستە، ءبىلىم بەرۋ مەن مەديتسينا، مادەنيەت سالالارىندا ەڭبەك ەتۋدە.نەمىس دياسپوراسىنىڭ وكىلدەرى قازاقستان حالقى اسسامبلەياسىندا بەلسەندىلىكپەن جۇمىستانۋدا. ءبىزدىڭ وبلىستا «حايمات» نەمىس مادەني-اعارتۋ قوعامى جۇمىس ىستەيدى، - دەدى نۇرلان اسقارۇلى ءوز سوزىندە - ءبىزدىڭ وبلىس رەسەيدىڭ بەس وبلىسىمەن شەكتەسەدى. قازاقستاننىڭ باتىس قاقپاسى بولىپ تابىلاتىن وبلىسىمىزدا بيزنەس ءىسىن جۇرگىزۋگە قولايلى ينۆەستيتسيالىق كليمات قالىپتاسقان. باتىس قازاقستان وبلىسى مەن گەرمانيا اراسىنداعى ساۋدا اينالىمىنىڭ  نەگىزىن تاۋار يمپورتى قۇرايدى. بيىلعى التى اي ىشىندە گەرمانيامەن اراداعى ساۋدا اينالىمى 41,9 ملن. اقش دوللارىن قۇرادى. گەرمانيانىڭ الماتىداعى باس كونسۋلى گەرولد امەلۋنگ ءوز سوزىندە كورمەنى اشۋ گەرمانيانىڭ قازاقستانداعى جىلى شەڭبەرىندەگى اۋقىمدى شارانىڭ ءبىر بولىگى ەكەنىن، مۇنىڭ ەكى ەلدى جاقىنداستىرۋعا، وزىق تاجىريبە الماسۋعا، نەمىس ەلىن تانىپ-بىلۋگە قىزمەت ەتەتىنىن جەتكىزدى. سونداي-اق كورمەنى اشۋعا كومەك ەتكەن وبلىس اكىمدىگىنەالعىسىن ءبىلدىردى. قازىرگى گەرمانيا» تاقىرىبىنداعى جىلجىمالى كورمەدە وسى كۇنگى گەرمانيا ءومىرىنىڭ ءتۇرلى اسپەكتىلەرى كورىنىس تاپقان. بۇل ەلدىڭ كوپ قىرلى قوعامدىق، الەۋمەتتىك جانە مادەني ءومىرى بەرليندىك فوتوگراف تورستەن ەلگەردىڭ فوتوكومپوزيتسيالارىندا ايقىن بەينەلەنگەن. ال ەكىنشى قۋات تاقىرىبىنداعى كورمەدە گەرمانيانىڭ ەنەرگەتيكا جونىندەگى «Dena» اگەنتتىگىنىڭ جۇمىستارى كورسەتىلگەن. المانيا تىركەلگەن پاتەنت سانى جونىنەن الەمدە ءبىرىنشى ورىندا بولسا، بۇل اگەنتتىك قۋاتتى ءتيىمدى پايدالانۋ سالاسىندا ەكسپەرتتىك ورتالىق سانالادى. كورشى رەسەيلىكتەر «Denaمەن» تىعىز بايلانىس ورناتىپ، قۋات كوزدەرىن ۇنەمدەۋ، جاڭا كوزدەرىن ورناتۋ جۇمىستارىنا كىرىسكەنى ءمالىم. كورمەدەگى 24 باننەردە قۋات ءوندىرۋدىڭ ءتۇرلى كوزدەرى مەن قۋاتتى ۇنەمدەۋ جولدارى كورىنىس تاپقان. قازىرگى ۋاقىتتا گەرمانيا پايدالانىپ وتىرعان قۋاتتىڭ 15 پايىزىن وسى جاڭارتىلعان قۋات كوزدەرىنەن، ياعني جەلدەن، سۋ مەن كۇننەن الادى. ءبىزدىڭ ەلىمىزدە تاياۋداعى كەلەشەكتە قاجەتتى قۋاتتىڭ بەس پايىزىن وسىنداي كوزدەردەن الۋدى ماقسات ەتۋدە. جالپى الەمدە تابيعاتپەن ۇيلەسىمدى، جاڭارتىلعان قۋات كوزدەرىنە دەگەن قىزىعۋشىلىق ارتىپ وتىر. ونىڭ سەبەبى تۇسىنىكتى دە، تابيعات قويناۋىنداعى قازبا بايلىق شەكسىز ەمەس. ال جىل وتكەن سايىن قۋاتتى تۇتىنۋشىلىق دەڭگەيى جىلدام وسۋدە. ءبىزدىڭ وبلىسىمىزدا دا قۋاتتى كوبىرەك قاجەتسىنەتىن جاڭا ءوندىرىس ورىندارى، قۇرىلىستار، تۇرعىن ءۇيلى جاڭا شاعىن اۋداندار، ءتۇرلى نىساندار ىسكە قوسىلۋدا. سوندىقتان مۇنداي وزىق يننوۆاتسيالى تەحنولوگيالار كورمەسىنىڭ كەلەشەكتە تەحنولوگيالار ترانسفەرىنە جول اشارى كامىل.  * * *

جىلجىمالى قوس كورمە ەلىمىزدىڭ وزگە قالالارىندا دا كورسەتىلەتىن بولادى. ال ورالدا قىركۇيەكتىڭ ەكىسىنە دەيىن جالعاسادى.

گۇلبارشىن اجىگەرەەۆا.