ۇستىمىزدەگى جىلدىڭ 20 قازان كۇنى پاۆلودار قالاسىنىڭ اكىمى باقىتجان جولامانوۆ «ۇدەمەلى يندۋستريالدى-يننوۆاتسيالىق دامۋ» باعدارلاماسى بويىنشا جۇمىس جاساپ جاتقان كاسىپورىنداردىڭ ءبىرى «رومات» فارماتسەۆتيكالىق كومپانياسىنىڭ جۇمىسىمەن تانىستى. تمد ەلدەرىندەگى ءدارى-دارمەك وندىرەتىن كاسىپورىنداردىڭ ءبىرى جانە بىرەگەيى سانالاتىن «رومات» كومپانياسىنىڭ ونىمدەرىن قازاقستاننىڭ بارلىق ايماقتارى تۇتىنادى.

«رومات» فارماتسەۆتيكالىق كومپانياسى - قازاقستانداعى ەڭ بەلدى كاسىپورىنداردىڭ ءبىرى. ءوز جۇمىسىن 1992 جىلدان باستاعان بۇل كاسىپورىن بۇگىنگى تاڭدا الەمدىك ستاندارتتارعا سايكەس ونىمدەر شىعارادى. «رومات» كومپانياسى زامانعا ساي قۇرال-جابدىقتارمەن جابدىقتالعان ءارى GMP وندىرىستىك پراكتيكاسى ارقىلى جۇمىس جاسايتىن كاسىپورىن بولىپ سانالادى. جالپى زاۋىتتا تابلەتكا جانە كاپسۋلا تۇرىندەگى ءدارى-دارمەك ونىمدەرى، فەرمەنتتىك پرەپاراتتار مەن دارىلىك شوپتەر شىعارادى. سونداي-اق، مەديتسينالىق ونىمدەردى وندىرەتىن «رومات» كومپانياسى قازاقستاندا تيىمدىلىگى جوعارى شپريتس شىعاراتىن جالعىز زاۋىت بولىپ تابىلادى. بۇگىنگى تاڭدا كاسىپورىننىڭ ونىمدەرى قازاقستاننىڭ بارلىق ايماقتارىنا تارالادى. كومپانيانىڭ فيليالدارى قازاقستاننىڭ 18 قالاسىندا جۇمىس ىستەيدى. جەمىستى جۇمىسىنىڭ ارقاسىندا كومپانيانىڭ 2006 جىلى قىتاي استاناسى پەكيندە ارنايى وكىلدىگى اشىلدى. بۇگىندە زاۋىت 1089 ادامدى جۇمىسپەن قامتاماسىز ەتىپ وتىر.

ۇستىمىزدەگى جىلدىڭ 20 قازان كۇنى پاۆلودار قالاسىنىڭ اكىمى باقىتجان جولامانوۆ «ۇدەمەلى يندۋستريالدى-يننوۆاتسيالىق دامۋ» باعدارلاماسى بويىنشا جۇمىس جاساپ جاتقان كاسىپورىنداردىڭ ءبىرى «رومات» فارماتسەۆتيكالىق كومپانياسىنىڭ جۇمىسىمەن تانىستى. تمد ەلدەرىندەگى ءدارى-دارمەك وندىرەتىن كاسىپورىنداردىڭ ءبىرى جانە بىرەگەيى سانالاتىن «رومات» كومپانياسىنىڭ ونىمدەرىن قازاقستاننىڭ بارلىق ايماقتارى تۇتىنادى.

«رومات» فارماتسەۆتيكالىق كومپانياسى - قازاقستانداعى ەڭ بەلدى كاسىپورىنداردىڭ ءبىرى. ءوز جۇمىسىن 1992 جىلدان باستاعان بۇل كاسىپورىن بۇگىنگى تاڭدا الەمدىك ستاندارتتارعا سايكەس ونىمدەر شىعارادى. «رومات» كومپانياسى زامانعا ساي قۇرال-جابدىقتارمەن جابدىقتالعان ءارى GMP وندىرىستىك پراكتيكاسى ارقىلى جۇمىس جاسايتىن كاسىپورىن بولىپ سانالادى. جالپى زاۋىتتا تابلەتكا جانە كاپسۋلا تۇرىندەگى ءدارى-دارمەك ونىمدەرى، فەرمەنتتىك پرەپاراتتار مەن دارىلىك شوپتەر شىعارادى. سونداي-اق، مەديتسينالىق ونىمدەردى وندىرەتىن «رومات» كومپانياسى قازاقستاندا تيىمدىلىگى جوعارى شپريتس شىعاراتىن جالعىز زاۋىت بولىپ تابىلادى. بۇگىنگى تاڭدا كاسىپورىننىڭ ونىمدەرى قازاقستاننىڭ بارلىق ايماقتارىنا تارالادى. كومپانيانىڭ فيليالدارى قازاقستاننىڭ 18 قالاسىندا جۇمىس ىستەيدى. جەمىستى جۇمىسىنىڭ ارقاسىندا كومپانيانىڭ 2006 جىلى قىتاي استاناسى پەكيندە ارنايى وكىلدىگى اشىلدى. بۇگىندە زاۋىت 1089 ادامدى جۇمىسپەن قامتاماسىز ەتىپ وتىر.

الدىمەن قالا باسشىسى كاسىپورىننىڭ ق.كامزين كوشەسى بويىنداعى ەسكى عيماراتىندا بولدى. قازىرگى تاڭدا ءوندىرىلىپ جاتقان ونىمدەردىڭ باسىم بولىگى وسى جەردە شىعارىلادى. كومپانيانى 1995 جىلدان باسقارىپ كەلە جاتقان تۇراربەك راقىشتىڭ ايتۋىنا قاراعاندا، زاۋىتتىڭ جۇمىسى جاقسارىپ، حالىق تاراپىنان سۇرانىسقا يە بولا باستاعاندىقتان، كاسىپورىننىڭ قىزمەتى مەن جۇمىس ورىندارىن ۇلعايتۋ قولعا الىنعان. بۇل رەتتە كومپانيا بيىل ءۇش ۇلكەن نىساننىڭ قۇرىلىسىن باستادى.

- وسى جىلدىڭ ناۋرىز ايىندا پاۆلودار قالاسىنىڭ اۋماعىنا جاڭادان فارماتسەۆتيكالىق جانە مەديتسينالىق زاۋىتتارىنىڭ قۇرىلىسىن باستاپ كەتتىك. سونىمەن قاتار تەمىر بەتون مەن مەتالدى-پلاستيكالىق ونىمدەردى شىعاراتىن جانە قۇرىلىس سالاسىندا پايدالانىلاتىن سەندۆيچ-پانەلدەردى وندىرەتىن جاڭا زاۋىتتىڭ قۇرىلىسى باستالدى. فارماتسەۆتيكالىق زاۋىتتىڭ قۇرىلىسى كەلەر جىلدا اياقتالماق. سول سەكىلدى تەمىر بەتون مەن مەتالدى-پلاستيكالىق ونىمدەردى شىعاراتىن جانە سەندۆيچ-پانەلدەردى وندىرەتىن جاڭا زاۋىت تا قىزمەتى كەلەسى جىلى باستاماق. ال مەديتسينالىق زاۋىتتىڭ قۇرىلىسى 2012 جىلى تولىقتاي اياقتالادى دەپ كۇتىلۋدە،- دەدى كومپانيا پرەزيدەنتى تۇراربەك راقىش. كومپانيا باسشىسى ەلباسى ن.نازارباەۆ «رومات» فارماتسەۆتيكالىق كومپانياسىنا كوپ سەنىم ارتىپ وتىرعاندىعىن جەتكىزدى. «وزدەرىڭىز بىلەتىندەي، وكىنىشكە قاراي قازاقستان تۋبەركۋلەز اۋرۋى بويىنشا الەمدەگى الدىڭعى قاتارلى ەلدەردىڭ ءبىرى سانالادى. اتالمىش اۋرۋمەن اۋىراتىنداردىڭ سانى جىل ساناپ ارتىپ كەلەدى. تۋبەركۋلەزدىڭ الدىن الۋ ءۇشىن الەمدىك نارىققا ءبىز ءوز ونىمدەرىمىزدى ۇسىنىپ وتىرمىز. ءبىزدىڭ كومپانيا ۇسىنعان ونىمگە اقش مەملەكەتى قىزىعۋشىلىق تانىتىپ، بىرگە جۇمىس جاساۋدى العا تارتىپ وتىر. مۇنىڭ ءوزى كومپانيانىڭ جەمىستى جۇمىستارىنىڭ ءبىرى دەپ بىلەمىن»،- دەدى كومپانيا باسشىسى ءوز سوزىندە. تۇراربەك راقىشتىڭ ايتۋىنا قاراعاندا، ءدال قازىرگى ۋاقىتتا كومپانيانىڭ رەسەي استاناسى ماسكەۋدە فيليالى اشىلماق. سونىمەن قاتار ول ق.قامزين كوشەسىندەگى ەسكى عيمارات ءوز جۇمىسىن ءارى قاراي جالعاستىرىپ، قالا سىرتىنداعى جاڭا نىسان باسقا دا ءدارى-دارمەك ونىمدەرىن شىعاراتىنىن العا تارتتى.

زاۋىتتىڭ تىنىس-تىرشىلىگىمەن تانىسقان قالا باسشىسى ب.جولامانوۆ كاسىپورىننىڭ جۇمىسىنا وڭ باعا بەردى: «ەلىمىزدەگى بارلىق اۋرۋحانالار «رومات» فارماتسەۆتيكالىق كومپانياسىنىڭ ونىمدەرىن پايدالانادى. بۇل وبلىس پەن رەسپۋبليكا ءۇشىن وتە ءتيىمدى. جالپى كومپانيانىڭ جۇمىسى قالا تۇرعىندارى ءۇشىن قولايلى بولماق. قازىردىڭ وزىندە «رومات» فارماتسەۆتيكالىق كومپانياسىندا مىڭداعان ادام جۇمىس جاسايدى. ياعني، كومپانيا تۇرعىندار ءۇشىن ءتيىمدى جۇمىس كوزى بولماق. الداعى ۋاقىتتا مەديتسينالىق زاۋىت پەن تەمىر بەتوندى، مەتالدى-پلاستيكالىق ونىمدەر وندىرەتىن زاۋىت قالا تۇرعىندارىن جۇمىسپەن قامتيتىن بولادى. جالپى كومپانيانىڭ اتقارىپ جاتقان جۇمىستارى كوڭىلگە قونىمدى».

كاسىپورىن الداعى ۋاقىتتا قالا ىشىندە 200 جانا ءدارىحانا اشپاق جانە «ريحلوكاين» اتتى جاڭا ءدارى ءوندىرۋدى قولعا الماق. كومپانيا سونىمەن قاتار وزدىگىنەن تۇيىقتالاتىن شپريتس ونىمدەرىن ءوندىرۋدى جوسپارلاپ وتىر.

فارحات امىرەنوۆ.