26 جاستاعى قازاقستاندىق كاسىپقوي بوكسشى جانقوش تۇراروۆ قارسىلاسىن نوكاۋتقا ءتۇسىرىپ، كاسىپقوي بوكستاعى 21-ءشى جەڭىسىنە قول جەتكىزدى، – دەپ حابارلايدى Vesti.kz.

ونىڭ قارسىلاسى – 36 جاستاعى مەكسيكالىق گۋستاۆو گاريباي. اقش-تىڭ بوكا راتون قالاسىندا وتكەن جەكپە-جەكتىڭ ءۇشىنشى راۋندىندا تۇراروۆ قارسىلاسىن نوكداۋنعا تۇسىرگەن. كەيىن ۇدەتە سوققان سوققىسىنان راۋند اياقتالار تۇستا رەفەري جەكپە-جەكتى توقتاتتى.

ايتا كەتەيىك، بوكسشىلار سالماق ولشەۋ راسىمىندە جارتىلاي ورتا سالماق ءليميتى سانالاتىن 147 فۋنتقا (66,6 كەلى) سايكەس بولا الماعان ەدى، سوندىقتان جەكپە-جەك ارالىق سالماقتا ءوتتى – ءبىرىنشى ورتا جانە جارتىلاي ورتا سالماق ارالىعىندا (151 فۋنت) ءوتتى. وسىلايشا قازاقستاندىق بوكسشى 21-ءشى جەڭىسىنە قول جەتكىزدى، ونىڭ 15-ءى ۋاقىتىنان بۇرىن اياقتالدى. گاريباي ءوز كەزەگىندە مانساپ جولىندا 9-شى رەت جەڭىلىس تاۋىپ وتىر. ونىڭ اكتيۆىندە 13 جەڭىس جانە 2 تەڭ جەكپە-جەك بار.

ايتا كەتەيىك، وسى كەشتە قانات يسلام (23-0, 19كو) مەن نوربەرتو گونسالەستىڭ (23-8, 13كو) جەكپە-جەگى وتەدى.

Abai.kz