وتكەن اپتاداعى ۆلاديمير ءپۋتيننىڭ ۋكرايناعا ساپارى وسى ەلدىڭ جۋرناليستەرى مەن رەسەي پرەمەر-ءمينيسترىنىڭ ءباسپاسوز قىزمەتى اراسىنداعى اقپاراتتىق جانجالعا اينالدى.

رەسەيدەگىدەي بيلىكتىڭ الدىندا بۇگەجەكتەمەيتىن ۋكراين جۋرناليستەرى ءپۋتيننىڭ ءوز ارىپتەسى نيكولاي ازاروۆپەن بولعان كەزدەسۋدەن كەيىن رەسمي اس پەن ءداستۇرلى ءباسپاسوز ءماسليحاتىنا قاتىسپاي، بىردەڭەگە مازاسىزدانىپ، تەز-تەز سويلەپ، بىردەن ەلىنە تارتىپ كەتكەنىنە نازار اۋدارىپتى. كەزدەسۋ بارىسىندا جاسالعان فوتوسۋرەتتەردى مۇقيات قاراپ وتىرىپ، ۋكراين جۋرناليستەرى ورىس پرەمەرىنىڭ كوزىنىڭ كوگەرگەنىنە نازار اۋدارادى. ورىس بيلەۋشىسىنىڭ كوزىنىڭ كوگەرگەنىن باتتاپ جاعىلعان دالاپ تا جاسىرا المادى دەپ وتىر ۋكرايندىق ارىپتەستەرىمىز.

وسى حابار تاراعان بويدان، ءپۋتيننىڭ ءباسپاسوز حاتشىسى دميتري پەسكوۆ ۋكراين جۋرناليستەرىنىڭ اقپاراتىن جوققا شىعارىپ، باستىعىنىڭ امان-ەسەن ەكەندىگى تۋرالى ارنايى مالىمدەمە جاسادى. ونىڭ پىكىرىنشە، جۋرناليستىك قاۋىمنىڭ ءاتۇستى پىكىرىنە كەلىسسوزدەر وتكەن جەردەگى جارىقتىڭ باسەڭدىگى اسەر ەتىپتى-ءمىس. ورىس اق ءۇيىنىڭ ءباسپاسوز قىزمەتىنىڭ بۇل نۇسقاۋىن «قۇپ» دەپ قابىل العان رەسەيلىك باسىلىمدار مەن ينتەرنەت-سايتتار «ۋكرياندىقتارعا قوس كورىندى»، «ءوزىمىز پاتشامىزدىڭ بەتىنەن ەشقانداي ءمىن كورمەدىك» دەپ جاپپاي جامىراپ جاتىر.

وتكەن اپتاداعى ۆلاديمير ءپۋتيننىڭ ۋكرايناعا ساپارى وسى ەلدىڭ جۋرناليستەرى مەن رەسەي پرەمەر-ءمينيسترىنىڭ ءباسپاسوز قىزمەتى اراسىنداعى اقپاراتتىق جانجالعا اينالدى.

رەسەيدەگىدەي بيلىكتىڭ الدىندا بۇگەجەكتەمەيتىن ۋكراين جۋرناليستەرى ءپۋتيننىڭ ءوز ارىپتەسى نيكولاي ازاروۆپەن بولعان كەزدەسۋدەن كەيىن رەسمي اس پەن ءداستۇرلى ءباسپاسوز ءماسليحاتىنا قاتىسپاي، بىردەڭەگە مازاسىزدانىپ، تەز-تەز سويلەپ، بىردەن ەلىنە تارتىپ كەتكەنىنە نازار اۋدارىپتى. كەزدەسۋ بارىسىندا جاسالعان فوتوسۋرەتتەردى مۇقيات قاراپ وتىرىپ، ۋكراين جۋرناليستەرى ورىس پرەمەرىنىڭ كوزىنىڭ كوگەرگەنىنە نازار اۋدارادى. ورىس بيلەۋشىسىنىڭ كوزىنىڭ كوگەرگەنىن باتتاپ جاعىلعان دالاپ تا جاسىرا المادى دەپ وتىر ۋكرايندىق ارىپتەستەرىمىز.

وسى حابار تاراعان بويدان، ءپۋتيننىڭ ءباسپاسوز حاتشىسى دميتري پەسكوۆ ۋكراين جۋرناليستەرىنىڭ اقپاراتىن جوققا شىعارىپ، باستىعىنىڭ امان-ەسەن ەكەندىگى تۋرالى ارنايى مالىمدەمە جاسادى. ونىڭ پىكىرىنشە، جۋرناليستىك قاۋىمنىڭ ءاتۇستى پىكىرىنە كەلىسسوزدەر وتكەن جەردەگى جارىقتىڭ باسەڭدىگى اسەر ەتىپتى-ءمىس. ورىس اق ءۇيىنىڭ ءباسپاسوز قىزمەتىنىڭ بۇل نۇسقاۋىن «قۇپ» دەپ قابىل العان رەسەيلىك باسىلىمدار مەن ينتەرنەت-سايتتار «ۋكرياندىقتارعا قوس كورىندى»، «ءوزىمىز پاتشامىزدىڭ بەتىنەن ەشقانداي ءمىن كورمەدىك» دەپ جاپپاي جامىراپ جاتىر.

ەسەسىنە، رەسەيلىك جانە ۋكرايندىق فورۋمداردىڭ كوممەنتاتورلارى مەن بلوگەرلەرى بۇل تاقىرىپتى ءىلىپ اكەتىپ، ءپۋتيننىڭ كوزىنىڭ كوگەرۋىنە ونداعان قيسىندى «سەبەپ» تاۋىپ بەردى. بىرەۋلەر، سپورت پەن بەلسەندى دەمالىستى جاقسى كورەتىن رەسەي پرەمەرى تايىپ قۇلاپ، كوزىن كوگەرتىپ الدى دەسە، ەندى باسقالارى سۋرەتتەگى ىسىكتەر بوتوكس اتتى دارىمەن بەتتەگى اجىمدەردى الىپ تاستاۋ ءۇشىن جاسالعان پلاستيكالىق وپەراتسياسىنىڭ ناتيجەسىندە پايدا بولعان دەپ تۇجىرىمدادى.

«ءار كاللادا ءبىر قيال» دەپتى عوي ءبىر قازاق. ءپۋتيننىڭ دە جاسارۋعا، جاس بولىپ كورىنۋگە سەبەبى بار شىعار. ۇزاق جىلدار بويى رەسەيدى باسقارامىن، ءبارىنىڭ باسىنا اڭگىر تاياق ويناتامىن دەپ ۇمىتتەنىپ وتىرعان ساياساتكەردىڭ بۇنداي قادامعا بارۋى عاجاپ ەمەس.

«اباي-اقپارات»

فوتو: tsn.ua سايتىنان