وتكەن اپتادا پرەزيدەنتتىك سايلاۋعا تۇسپەك نيەتىن بىلدىرگەن ۆ.كوزلوۆقا جۇمىرتقا لاقتىرعان «جەلتوقسانشىل» ۇيىم باسشىلارى سوتقا تارتىلعان بولاتىن. كەشە سوت وتىرىسى اياقتالىپ، ايىپتالۋشىلاردىڭ كىناسى انىقتالدى. قازاقتىڭ اسا مەيىربان ءھام تولەرانتتى سوتى گۇلباھرام جۇنىسكە 10 ايلىق ەسەپتىك كورسەتكىش ايىپپۇل سالىپ، تالعات رىسقۇلبەكوۆتى جەتى كۇنگە اكىمشىلىك قاماۋعا الۋ تۋرالى شەشىم شىعاردى.

دۇكەن سورەلەرىندە تىپ-تىنىش جاتقان جۇمىرتقالار مەن سەيىتقازى ماتاەۆ اعامىزدىڭ ءباسپاسوز كلۋبىندا تۇرعان ورىندىقتاردى ساياسي كۇرەس ارەناسىنا الىپ شىعىپ، ەلدى ەستەن تاندىرا جازداعان اعايىندارىمىزدىڭ ءبىرتۇرلى ارەكەتتەرى زاڭ بويىنشا، مايدا بۇزاقىلىق دەپ تانىلىپتى.

گۇلباحرام حانىم مەن تالعات مىرزانىڭ  سوت شەشىمىنە كوزقاراسى بەلگىسىز. الايدا، جۇمىرتقاعا قاراي المايتىنداي جاعدايدا جۇرگەن كوزلوۆتىڭ ەسەبى تۇگەل سياقتى. ءابىليازوۆتىڭ اقپاراتتىق سويىلىنا اينالعان «رەسپۋبليكا» گازەتىنىڭ جۋرناليستەرى قازاق سوتىنا قارسى سيىردىڭ تەزەگىن اتقانىن ەسكە الساق، جۇمىرتقا ءبىرشاما تازا دۇنيە عوي دەپ جۇرگەن بولار.

الايدا، كەشەلى-بەرى قازاق ۇكىمەتى تاۋىق ەتى مەن جۇمىرتقانىڭ باعاسىنا قاتاڭ باقىلاۋ ورناتۋ كەرەك دەپ جاتقانىنا قاراعاندا، قاراپايىم بۇزاقىلىقتىڭ ارتى ناسىرعا شاپپاسىن دەپ تىلەيمىز. "جەلتوقسانشىلاردىڭ" كەسىرى مە، الدە باسقا ما، ايتەۋىر قاراشانىڭ العاشقى كۇندەرىندە كارىم ءماسىموۆ ۇكىمەتى جۇمىرتقانىڭ باعاسىن تۇسىرۋمەن الەك.

«اباي-اقپارات»

وتكەن اپتادا پرەزيدەنتتىك سايلاۋعا تۇسپەك نيەتىن بىلدىرگەن ۆ.كوزلوۆقا جۇمىرتقا لاقتىرعان «جەلتوقسانشىل» ۇيىم باسشىلارى سوتقا تارتىلعان بولاتىن. كەشە سوت وتىرىسى اياقتالىپ، ايىپتالۋشىلاردىڭ كىناسى انىقتالدى. قازاقتىڭ اسا مەيىربان ءھام تولەرانتتى سوتى گۇلباھرام جۇنىسكە 10 ايلىق ەسەپتىك كورسەتكىش ايىپپۇل سالىپ، تالعات رىسقۇلبەكوۆتى جەتى كۇنگە اكىمشىلىك قاماۋعا الۋ تۋرالى شەشىم شىعاردى.

دۇكەن سورەلەرىندە تىپ-تىنىش جاتقان جۇمىرتقالار مەن سەيىتقازى ماتاەۆ اعامىزدىڭ ءباسپاسوز كلۋبىندا تۇرعان ورىندىقتاردى ساياسي كۇرەس ارەناسىنا الىپ شىعىپ، ەلدى ەستەن تاندىرا جازداعان اعايىندارىمىزدىڭ ءبىرتۇرلى ارەكەتتەرى زاڭ بويىنشا، مايدا بۇزاقىلىق دەپ تانىلىپتى.

گۇلباحرام حانىم مەن تالعات مىرزانىڭ  سوت شەشىمىنە كوزقاراسى بەلگىسىز. الايدا، جۇمىرتقاعا قاراي المايتىنداي جاعدايدا جۇرگەن كوزلوۆتىڭ ەسەبى تۇگەل سياقتى. ءابىليازوۆتىڭ اقپاراتتىق سويىلىنا اينالعان «رەسپۋبليكا» گازەتىنىڭ جۋرناليستەرى قازاق سوتىنا قارسى سيىردىڭ تەزەگىن اتقانىن ەسكە الساق، جۇمىرتقا ءبىرشاما تازا دۇنيە عوي دەپ جۇرگەن بولار.

الايدا، كەشەلى-بەرى قازاق ۇكىمەتى تاۋىق ەتى مەن جۇمىرتقانىڭ باعاسىنا قاتاڭ باقىلاۋ ورناتۋ كەرەك دەپ جاتقانىنا قاراعاندا، قاراپايىم بۇزاقىلىقتىڭ ارتى ناسىرعا شاپپاسىن دەپ تىلەيمىز. "جەلتوقسانشىلاردىڭ" كەسىرى مە، الدە باسقا ما، ايتەۋىر قاراشانىڭ العاشقى كۇندەرىندە كارىم ءماسىموۆ ۇكىمەتى جۇمىرتقانىڭ باعاسىن تۇسىرۋمەن الەك.

«اباي-اقپارات»