قازان مەن قاراشانىڭ ءولىاراسىندا پارلامەنتتىڭ تارايتىنى ايتىلىپ، پرەزيدەنتتىك سايلاۋعا تۇسكىسى كەلەتىنىن بىرنەشە ادام مالىمدەپ ۇلگەرگەن ەدى. سويتسەك، جەل تۇرماسا، ءشوپتىڭ باسى قيمىلدامايتىنى راس بولىپ شىقتى. كۇنى كەشە ەۋروپالىق پارلامەنتتىڭ سوتسيال-دەموكراتتار دەلەگاتسياسىمەن كەزدەسكەن ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ 2012 جىلى ەلىمىزدە ءبىر ەمەس، ءۇش سايلاۋ قاتار وتەتىن ايتىپ سالىپتى. تۇرعانقۇلوۆتىڭ توپشىلاۋشا، قاتارىنان بىرنەشە سايلاۋ وتكىزۋ قازاقستان ءۇشىن ءسوز ەمەس ەكەن. ءتىپتى، ۇيرەنشىكتى نارسە كورىنەدى. بۇعان مىسال رەتىندە قۋاندىق تۇرعانقۇلوۆ مىرزا 1999 جىلى وتكەن پرەزيدەنت جانە پارلامەنت سايلاۋلارىن كەلتىرىپ جانە 2012 جىلعى وتەتىن سايلاۋلاردا ەشقانداي قۇقىقتىق كەدەرگى بولمايدى، سەبەبى، ولاردىڭ وتەتىن ۋاقىتى ءارتۇرلى دەپ بۇگە-شىگەسىنە دەيىن اقتارىپ بەرىپتى.

دەگەنمەن، جۇرتتىڭ ءبىر بىلەر انىعى بار. ول - ساراي بۇلبۇلى اتانعان ەرمۇحانبەت ەرتىسباەۆ پەن قۋاندىق تۇرعانقۇلوۆتىڭ سايلاۋ تۋرالى ايتاتىندارى كەرىسىنشە شىعاتىنى. وسىنى ويلاساق، ەقىۇ عا توراعالىق ەتىپ، ونىڭ ءسامميتىن استانادا وتىكزبەك بولىپ ەكى وكپەسىن قولىنا الىپ ويعا، قىرعا شاپقىلاپ جۇرگەن قازاق بيلىگى قۋاندىق تۇرعانقۇلوۆتىڭ اۋزىمەن ەۋرو پارلامەنتتەن كەلگەن دەپۋتاتتارى الدارقاتىپ وتىرعان سياقتى. بۇل دا باياعى ەۋروپالىق ۇيىمنىڭ الدىنداعى كەزەكتى ءبىر ەسەپ پەن تاعى ءبىر بەتپەردە. ءوز  بيلىگىنىڭ مىنەزىن بەس ساۋساعىنداي بىلەتىن ەل بۇل جايعا مىرس ەتىپ ءبىر كۇلەر دە قويار...

قازان مەن قاراشانىڭ ءولىاراسىندا پارلامەنتتىڭ تارايتىنى ايتىلىپ، پرەزيدەنتتىك سايلاۋعا تۇسكىسى كەلەتىنىن بىرنەشە ادام مالىمدەپ ۇلگەرگەن ەدى. سويتسەك، جەل تۇرماسا، ءشوپتىڭ باسى قيمىلدامايتىنى راس بولىپ شىقتى. كۇنى كەشە ەۋروپالىق پارلامەنتتىڭ سوتسيال-دەموكراتتار دەلەگاتسياسىمەن كەزدەسكەن ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ 2012 جىلى ەلىمىزدە ءبىر ەمەس، ءۇش سايلاۋ قاتار وتەتىن ايتىپ سالىپتى. تۇرعانقۇلوۆتىڭ توپشىلاۋشا، قاتارىنان بىرنەشە سايلاۋ وتكىزۋ قازاقستان ءۇشىن ءسوز ەمەس ەكەن. ءتىپتى، ۇيرەنشىكتى نارسە كورىنەدى. بۇعان مىسال رەتىندە قۋاندىق تۇرعانقۇلوۆ مىرزا 1999 جىلى وتكەن پرەزيدەنت جانە پارلامەنت سايلاۋلارىن كەلتىرىپ جانە 2012 جىلعى وتەتىن سايلاۋلاردا ەشقانداي قۇقىقتىق كەدەرگى بولمايدى، سەبەبى، ولاردىڭ وتەتىن ۋاقىتى ءارتۇرلى دەپ بۇگە-شىگەسىنە دەيىن اقتارىپ بەرىپتى.

دەگەنمەن، جۇرتتىڭ ءبىر بىلەر انىعى بار. ول - ساراي بۇلبۇلى اتانعان ەرمۇحانبەت ەرتىسباەۆ پەن قۋاندىق تۇرعانقۇلوۆتىڭ سايلاۋ تۋرالى ايتاتىندارى كەرىسىنشە شىعاتىنى. وسىنى ويلاساق، ەقىۇ عا توراعالىق ەتىپ، ونىڭ ءسامميتىن استانادا وتىكزبەك بولىپ ەكى وكپەسىن قولىنا الىپ ويعا، قىرعا شاپقىلاپ جۇرگەن قازاق بيلىگى قۋاندىق تۇرعانقۇلوۆتىڭ اۋزىمەن ەۋرو پارلامەنتتەن كەلگەن دەپۋتاتتارى الدارقاتىپ وتىرعان سياقتى. بۇل دا باياعى ەۋروپالىق ۇيىمنىڭ الدىنداعى كەزەكتى ءبىر ەسەپ پەن تاعى ءبىر بەتپەردە. ءوز  بيلىگىنىڭ مىنەزىن بەس ساۋساعىنداي بىلەتىن ەل بۇل جايعا مىرس ەتىپ ءبىر كۇلەر دە قويار...

ايتپاقشى، قىزىلجار اتاۋىن قالپىنا كەلتىرۋ تۋرالى ماسەلە  كوتەرگەن ماجىلىستەگى  ۇلتجاندى دەپۋتات جاراسباي سۇلەيمەنوۆتىڭ ارەكەتىنەن «اسىرە بەلسەندىلىك» كورە قالعان سەناتور تاسباي  سيمامباەۆ  «جۋىق ارادا ءماجىلىس تاراپ، سايلاۋ بولادى. جاراسبايدىكى سونىڭ قامى» دەپ ساۋگەيسىگەن ەدى عوي. تۇرعانقۇلوۆتىڭ اڭگىمەسىن ەستىگەن تاسبايدىڭ تالاعى تارس ايرىلماسا دا، تاۋانى قايتىپ قالعان بولار.

سونىمەن، تۇرعانقۇلوۆ سايلاۋ ۋاقىتىمەن وتەدى دەگەندى مەڭزەپ پرەزيدەنتتىكتەن ۇمىتكەرلەرگە تۇرىساتىن جەردى ايتتى. كورەمىز...

نە دەسەك تە، سايلاۋدىڭ سىبىسى شىقتى. داۋىسىڭىزعا اباي بولىڭىز!

«اباي-اقپارات»