وتكەندە ەلوردادا قازاقستان-كورەيا حالىقتارىنىڭ ىنتىماقتاستىق فورۋمى ءوتتى. فورۋمعا 15-تەن استام ەلدىڭ دەلەگاتتارى كەلىپ قاتىستى.

ءىس-شارانى «قازاقستان كارىستەرى قاۋىمداستىعى» رەسپۋبليكالىق قوعامدىق بىرلەستىگى ۇيىمداستىردى جانە ول رەسپۋبليكاعا ينۆەستيتسيالار، يننوۆاتسيالىق تەحنولوگيالار تارتۋعا باعىتتالدى. سونداي-اق كەزدەسۋ بارىسىندا شەتەلدىك سەرىكتەستەردىڭ بيزنەس جۇرگىزۋى ءۇشىن ەلدىڭ تارتىمدىلىعى تۋرالى ايتىلدى.

«بولاشاققا باعدار: قوعامدىق سانانى جاڭعىرتۋ» باعدارلامالىق ماقالاسىندا مەملەكەت باسشىسى بولاشاقتا تابىستى دامۋىمىزدىڭ كەپىلى اشىقتىق ەكەندىگىن جانە ءوز ەرەكشەلىگىمىزدى ساقتاي وتىرىپ ءارى بىرەگەيلىگىمىزدى جوعالتپاي، باسقا تاجىريبەلەردى الا ءبىلۋ ەكەنىن اتاپ كورسەتكەن. پرەزيدەنت قازاقستاننىڭ كوپ ەتنوستىعى كەمشىلىك ەمەس، ارتىقشىلىق ەكەنىن الدەنەشە رەت اتاپ كورسەتتى. جانە دە ەلدە تۇراتىن ەتنوستار تاريحي وتاندارىمەن جالعاستىراتىن كوپىر ءرولىن اتقارۋعا ءتيىس.

قازاقستان كارىستەرىنىڭ قاۋىمداستىعى كارىستەردىڭ قازاقستانعا قونىس اۋدارىلۋىنىڭ 80 جىلدىعىنا وراي جانە «ەكسپو-2017» حالىقارالىق كورمەسى وتكىزىلەتىن كەزەڭدە قازاقستان حالقى اسسامبلەياسى اياسىندا حالىقارالىق ىنتىماقتاستىق فورۋمىن وتكىزۋگە باستاماشىلىق جاساپ، وعان الەمنىڭ 15-تەن استام ەلىنەن 200-دەن استام بيزنەسمەندى شاقىردى.

مۇنداي فورۋم وتكىزۋ تۋرالى شەشىم بىلتىرعى جىلى قابىلدانعان بولاتىن، قازاقستان كارىستەرىنىڭ قاۋىمداستىعى ەكسپو-نى ناقتى ىستەرىمەن قولداۋ نيەتىن وسىلايشا ءبىلدىردى. ال فورۋمنىڭ شەتەلدىك قاتىسۋشىسى – قازاقستان ءۇشىن بولاشاقتاعى سەرىكتەس بولۋى ىقتيمال.

ءىس-شارا قاتىسۋشىلار قازاقستاندا شەتەلدىك سەرىكتەستەرگە قانداي جاعدايلار جاسالعانى تۋرالى بىلىكتى ساراپشىلىق پىكىر ەستي الاتىن، ءتيىمدى رەسۋرستىق جانە اقپاراتتىق الاڭشالاردى قالىپتاستىرۋعا باعىتتالعان.

فورۋمعا قازاقستان پارلامەنتىنىڭ دەپۋتاتتارى، قر ينۆەستيتسيالار جانە دامۋ مينيسترلىگىنىڭ، ەكسپورت جانە ينۆەستيتسيالار جونىندەگى ۇلتتىق اگەنتتىكتىڭ، «KAZAKH INVEST» ۇلتتىق كومپانياسى» اق-نىڭ، مەملەكەتتىك-جەكە سەرىكتەستىكتىڭ قازاقستاندىق ورتالىعىنىڭ، «اتامەكەن» ۇكپ، كورەيا رەسپۋبليكاسىنىڭ «KOTRA» ساۋدا جانە ينۆەستيتسيالار جونىندەگى اگەنتتىگىنىڭ وكىلدەرى قاتىستى.

قر پارلامەنتىنىڭ دەپۋتاتى، قازاقستان كارىستەرى قاۋىمداستىعىنىڭ توراعاسى رومان كيم، «Caspian Group» اق پرەزيدەنتى يۋري تسحاي، قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى دارحان مىڭباي، كورەيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى كيم دە سيك جانە باسقا قۇرمەتتى قوناقتار فورۋمعا قاتىسۋشىلارعا ارناپ قۇتتىقتاۋ ءسوز سويلەدى. ءسوز سويلەۋشىلەر وسىنداي كەزدەسۋلەردىڭ پايدالىلىعىن اتاپ كورسەتىپ، بۇل ىنتىماقتاستىقتى كەڭەيتۋ تۋرالى نيەتتەرىن جەتكىزدى.

قاتىسۋشىلار بيزنەستىڭ قازاقستان دامۋ ينستيتۋتتارىمەن ءوزارا قارىس-قاتىناس جاساۋ ماسەلەلەرىن، كەزدەسەتىن كەدەرگىلەر مەن قيىندىقتار تۋرالى قاراستىرىپ، شەتەلدىك كاپيتال قاتىساتىن ينۆەستيتسيالىق جوبالاردىڭ مىسالدارى مەن ىسكە اسىرۋ تاجىريبەلەرى ۇسىنىلدى.

وتكەن فورۋم قازاقستاندىق جانە شەتەلدىك كاسىپكەرلەر ءوزارا ءىس-ارەكەت جاساۋىنا ارنالعان بىرەگەي كوممۋنيكاتسيالىق-اقپاراتتىق الاڭشاعا اينالدى. قاتىسۋشىلار ىنتىماقتاستىقتى ودان ءارى جالعاستىرۋعا مۇددەلىلىكتەرىن ءبىلدىردى. اتاپ ايتقاندا، كورەيا رەسپۋبليكاسى قازاقستانعا قىزىعۋشىلىق تانىتۋدا. بيىل ستراتەگيالىق سەرىكتەستەر بولىپ تابىلاتىن ءبىزدىڭ ەلدەرىمىزدىڭ اراسىنداعى ديپلوماتيالىق قاتىناستاردىڭ ورناتىلۋىنىڭ 25 جىل تولادى.

كەزدەسۋدە شەتەلدىك قوناقتارعا ورتالىق ازيا وڭىرىندە كوشباسشى بولىپ تابىلاتىن، قولايلى گەوساياي جاعدايى بار، تابيعي رەسۋرستارعا باي قازاقستاننىڭ ارتىقشىلىقتارى كورسەتىلدى. قازاقستاندا بەيبىتشىلىك، تۇراقتىلىق ورنىققانىنىڭ جانە ەلدىڭ ىنتىماقتاستىق ءۇشىن اشىقتىعىنىڭ دا ماڭىزى اسا زور.

سونداي-اق فورۋم جۇمىسى شەڭبەرىندە قاتىسۋشىلار «ەكسپو-2017» حالىقارالىق كورمەسىنە باردى.

ءشارىپحان قايسار

Abai.kz