جەتىسۋ وزەن مەن كولگە باي ولكە بولعاندىقتان، اۋىز سۋ ماسەلەسى مۇندا العاشقى ورىندا. سوندىقتان، بارلىق اۋداندى 100% اۋىز سۋىمەن قامتۋ 2020 جىلعا جوسپارلانعان. بۇل تۋرالى الماتى وبلىسىنىڭ وڭىرلىك كوممۋنيكاتسيالار قىزمەتى الاڭىندا بەلگىلى بولدى.

وبلىستىڭ 622 ەلدى مەكەنى 83,9% ورتالىقتاندىرىلعان سۋمەن جابدىقتاۋ جۇيەسىمەن قامتىلعان،

2017 جىلى «نۇرلى جول» باعدارلاماسى اياسىندا سۋمەن جابدىقتاۋ سالاسى بويىنشا 4 جاڭا جوبا ىسكە اسىرىلۋدا. ونىڭ ەكەۋى  اقسۋ ، كەربۇلاق اۋداندارىندا جانە 2 جوبا تالدىقورعان قالاسىندا.

«رەسپۋبليكا بويىنشا الماتى وبلىسى اۋىز سۋمەن قامتۋ بويىنشا ءبىرىنشى ورىندى الىپ وتىر. كورسەتكىشكە سۇيەنسەك 83,7%.  اۋىز سۋمەن قامتۋدا كارىز جۇيەسى ۇلكەن ءرول الادى. كارىز جۇيەسى وبلىسىمىزدىڭ 58 ەلدى مەكەنىندە بار. قاپشاعاي قالاسىنداعى كارىز-تازارتۋ يماراتىنىڭ قۇرىلىسى قايتا جاڭعىرتۋ بويىنشا تەحنيكالىق-ەكونوميكالىق نەگىزدەمە ازىرلەنىپ، مەملەكەتتىك ساراپتامانىڭ وڭ قورىتىندىسى الىندى. قاپشاعاي قالاسىنداعى كارىز-تازارتۋ قۇرىلىسى قايتا جاڭعىرتۋ بويىنشا جوبالىق-سمەتالىق قۇجاتتاما ازىرلەنۋدە. جوبانى ىسكە اسىرۋ ءۇشىن جەكە مەنشىك كاپيتال تارتۋ بويىنشا جۇمىستار جۇرگىزىلۋدە»، - دەدى ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسىنىڭ مىندەتىن اتقارۋشى قاناعاتوۆ اسەت.

قورىتىندىلاي كەلە جىلدىڭ سوڭىنا دەيىن وبلىستىڭ 18 اۋىلدىق ەلدى مەكەنىنە ورتالىقتاندىرىلعان اۋىز سۋمەن قامتۋ ماسەلەسى قاراستىرىلعان. ولاردىڭ سۋمەن جابدىقتاۋ جۇيەلەرىنىڭ ۇلەسى 86,4% نەمەسە 640 ەلدى مەكەندى قۇرايدى.

Abai.kz