ءماجىلىستىڭ مىنبەرىنەن ەلدىڭ ءسوزىن ايتىپ، باتىل مالىمدەمەلەر جاساپ جۇرگەن ءماجىلىس دەپۋتاتى جاراسباي سۇلەيمەنوۆ مىرزا اbai.kz اقپاراتتىق پورتالىنىڭ ينتەرنەت-كونفەرەنتسياسىنىڭ كەزەكتى قوناعى بولىپ، وقىرماندارىمىزبەن وي ءبولىسىپ، كوكەيدەگى ساۋالدارىنا جاۋاپ بەرۋگە ىقىلاس تانىتىپ وتىر. جاراسباي سۇلەيمەنوۆ مىرزاعا قويار ساۋالدارىڭىز بولسا، ىركىلىپ قالماڭىز، قادىرلى وقىرمان!

«اباي-اقپارات»

ءومىربايانى

جاراسباي قابدوللاۇلى سۇلەيمەنوۆ 1949 جىلدىڭ 9 نشى شىلدەسىندە سولتۇستىك قازاقستان وبلىسىنىڭ  شال اقىن اۋدانىنا قاراستى بالۋان اۋىلىندا دۇنيەگە كەلگەن. 1964 جىلى بالۋان  سەگىزجىلدىق مەكتەبىن اياقتاعاننان كەيىن وقۋىن وبلىس ورتالىعى - پەتروپاۆل قالاسىنداعى № 2 قازاق مەكتەپ-ينتەرناتىندا جالعاستىرىپ، ونى 1966 جىلى  ءتامامداپ شىقتى. ماماندىعى بويىنشا تاريح جانە قوعامتانۋ ءپانىنىڭ مۇعالىمى، پەتروپاۆل پەداگوگيكا ينستيتۋتىن تامامداعان.

ەڭبەك جولىن ءوزىنىڭ تۋعان اۋىلىندا شوپان، تراكتورشى بولىپ باستاعان جاراسباي سۇلەيمەنوۆ اسكەري مىندەتىن وتەگەننەن كەيىن سولتۇستىك قازاقستان وبلىستىق «لەنين تۋى» (قازىرگى «سولتۇستىك قازاقستان») گازەتىنە كىشى ادەبي قىزمەتكەر بولىپ ورنالاستى. كەيىن وسى گازەتتە ادەبي قىزمەتكەر، ءتىلشى، ءبولىم مەڭگەرۋشىسى مىندەتتەرىن اتقاردى.

ءماجىلىستىڭ مىنبەرىنەن ەلدىڭ ءسوزىن ايتىپ، باتىل مالىمدەمەلەر جاساپ جۇرگەن ءماجىلىس دەپۋتاتى جاراسباي سۇلەيمەنوۆ مىرزا اbai.kz اقپاراتتىق پورتالىنىڭ ينتەرنەت-كونفەرەنتسياسىنىڭ كەزەكتى قوناعى بولىپ، وقىرماندارىمىزبەن وي ءبولىسىپ، كوكەيدەگى ساۋالدارىنا جاۋاپ بەرۋگە ىقىلاس تانىتىپ وتىر. جاراسباي سۇلەيمەنوۆ مىرزاعا قويار ساۋالدارىڭىز بولسا، ىركىلىپ قالماڭىز، قادىرلى وقىرمان!

«اباي-اقپارات»

ءومىربايانى

جاراسباي قابدوللاۇلى سۇلەيمەنوۆ 1949 جىلدىڭ 9 نشى شىلدەسىندە سولتۇستىك قازاقستان وبلىسىنىڭ  شال اقىن اۋدانىنا قاراستى بالۋان اۋىلىندا دۇنيەگە كەلگەن. 1964 جىلى بالۋان  سەگىزجىلدىق مەكتەبىن اياقتاعاننان كەيىن وقۋىن وبلىس ورتالىعى - پەتروپاۆل قالاسىنداعى № 2 قازاق مەكتەپ-ينتەرناتىندا جالعاستىرىپ، ونى 1966 جىلى  ءتامامداپ شىقتى. ماماندىعى بويىنشا تاريح جانە قوعامتانۋ ءپانىنىڭ مۇعالىمى، پەتروپاۆل پەداگوگيكا ينستيتۋتىن تامامداعان.

ەڭبەك جولىن ءوزىنىڭ تۋعان اۋىلىندا شوپان، تراكتورشى بولىپ باستاعان جاراسباي سۇلەيمەنوۆ اسكەري مىندەتىن وتەگەننەن كەيىن سولتۇستىك قازاقستان وبلىستىق «لەنين تۋى» (قازىرگى «سولتۇستىك قازاقستان») گازەتىنە كىشى ادەبي قىزمەتكەر بولىپ ورنالاستى. كەيىن وسى گازەتتە ادەبي قىزمەتكەر، ءتىلشى، ءبولىم مەڭگەرۋشىسى مىندەتتەرىن اتقاردى.

1987-2003 جىلدار ارالىعىندا «قازاقستان تەلەديدارى مەن راديوسى كورپوراتسياسى» جۇيەسىندە قىزمەت ىستەدى. سولتۇستىك قازاقستان وبلىستىق راديوسى باس رەداكتورىنىڭ ورىنباسارى، باس رەداكتورى، قازاق راديوسىنىڭ سولتۇستىك قازاقستان وبلىسى بويىنشا مەنشىكتى ءتىلشىسى، سولتۇستىك قازاقستان وبلىستىق تەلەراديوكومپانياسىنىڭ اقپاراتتار باعدارلاماسىنىڭ جەتەكشىسى، باس رەداكتورى، ديرەكتوردىڭ ورىنباسارى بولدى.

2003 جىلدىڭ مامىر ايىندا «سولتۇستىك قازاقستان وبلىستىق «سولتۇستىك قازاقستان» گازەتى مەملەكەتتىك كوممۋنالدىق كاسىپورىننىڭ» ديرەكتورى - باس رەداكتورى بولىپ تاعايىندالدى.

2007 جىلعى 18 تامىزدا «نۇر وتان» حالىقتىق دەموكراتيالىق پارتياسىنىڭ ءتىزىمى بويىنشا قازاقستان رەسپۋبليكاسى پارلامەنتى ءماجىلىسىنىڭ دەپۋتاتى بولىپ سايلاندى.

جاراسباي سۇلەيمەنوۆ قازاقستان جازۋشىلار وداعىنىڭ مۇشەسى، كوپ جىلداردان بەرى قازاقتىڭ اقيىق اقىنى ماعجان جۇماباەۆتىڭ ءومىرى مەن شىعارماشىلىعىن زەرتتەۋمەن اينالىسىپ كەلەدى. 2005 جىلى وقىرماندارعا اقىن تۋرالى جازىلعان ادەبي زەرتتەۋلەردى قۇراستىرىپ، قازاق جانە ورىس تىلدەرىندە «ماعجان» دەگەن اتپەن ۇسىندى. 2006 جىلى كورنەكتى قازاقستاندىق جازۋشى ي.پ. شۋحوۆتىڭ 100 جىلدىعىنا وراي ماسكەۋدەن ەستەلىكتەر كىتابىن شىعاردى. سول سياقتى ول قۇراستىرعان قازاقتىڭ بەلگىلى اقىنى ەسلام زىكىباەۆتىڭ تاڭدامالىسىن دا جىر سۇيەر قاۋىم جىلى قابىلدادى.

جاراسباي سۇلەيمەنوۆ - 2007 جىلدان شىعا باستاعان «ماعجان» جۋرنالىنىڭ رەداكتسيالىق كەڭەسىنىڭ توراعاسى، «كومەسكى ءىز»، «ەمەننىڭ ءيىر بۇتاعى»، «سونبەيتىن شىراق» دەپ اتالاتىن كىتاپتاردىڭ اۆتورى.

جاراسباي سۇلەيمەنوۆ - قازاقستان جۋرناليستەر وداعى سىيلىعىنىڭ لاۋرەاتى، ەكىنشى دارەجەلى «دوستىق» وردەنىمەن، ەكى مەدالمەن ماراپاتتالعان، سولتۇستىك قازاقستان وبلىسىنىڭ قۇرمەتتى ازاماتى.