اقتوبەگە جۇمىس ساپارىمەن كەلگەن قر پرەمەر-ءمينسترىنىڭ ءبىرىنشى ورىنباسارى اسقار مامين مەملەكەت باسشىسى باستامالىق ەتكەن تۇرعىن ءۇي قۇرىلىسى دامۋىنىڭ «نۇرلى جەر» باعدارلاماسىنىڭ وڭىردەگى جۇزەگە اسىرىلۋ بارىسىن جوعارى باعالادى.

وبلىس اكىمى بەردىبەك ساپارباەۆ پەن ەلىمىزدەگى بارلىق وبلىس اكىمدەرىنىڭ قۇرىلىس ماسەلەسىنە جەتەكشىلىك ەتەتىن ورىنباسارلارىنىڭ قاتىسۋىمەن وتكەن باعدارلامانىڭ جۇزەگە اسىرىلۋى بويىنشا كوشپەلى جينالىس كەزىندە اسقار مامين اتالمىش مەملەكەتتىك باعدارلامانى ورىنداۋدا اقتوبە وبلىسىنىڭ الدىڭعى قاتارلى تاجىريبەسىن ۇيرەنۋدى ۇسىندى.

- مۇندا باعدارلامانى جۇزەگە اسىرۋ ءۇشىن بىردەن كىرىسكەن، العاشقى ناتيجەسى دە كورىنىپ تۇر. بارىسى، سەرپىنى، جوبانىڭ ورىستەۋى، قۇجاتتامانى دايىنداۋ، مەملەكەتتىك ورگاندارمەن، تۇرعىن ءۇي قۇرىلىس جيناق بانكىمەن جۇمىس جاساۋى، ينجەنەرلىك كوممۋنيكاتسيالار تارتۋ – وسى سۇراقتاردىڭ بارلىعى ءىس جۇزىندە قامتىلعان، جۇمىستىڭ اتقارىلماعان بولىگى جوق،-دەپ اتاپ ءوتتى قر پرەمەر-ءمينيسترىنىڭ ءبىرىنشى ورىنباسارى.

باعدارلامانىڭ اعىمداعى جىلدىڭ جەتى ايى ىشىندە رەسپۋبليكا بويىنشا ورىندالۋى تۋرالى اقپاراتتى قر يننوۆاتسيالار جانە دامۋ ۆيتسە-ءمينيسترى رومان سكليار، قتقجب باسشىسى ءلاززات يبراگيموۆا مەن «بايتەرەك دەۆەلوپمەنت» اق باسقارما توراعاسى مۇرات قۇدايبەرگەنوۆ باياندادى. باياندامالاردى تىڭداپ شىققان اسقار مامين «نۇرلى جەر» باعدارلاماسىنىڭ ءوڭىر ءۇشىن جانە جالپى ەلىمىز ءۇشىن الەۋمەتتىك-ەكونوميكالىق ماڭىزى زور ەكەندىگىن اتاپ ءوتتى.

- ەكونوميكانى ءدال وسىنداي باعدارلامالار ارقىلى دامىتۋ كەرەك. كورىپ تۇرعانىمىزداي، بەردىبەك ماشبەكۇلى ءوزىنىڭ ارىپتەستەرىمەن بىرگە مەملەكەتتىك باعدارلامانى بەلسەندى پايدالانىپ، دۇرىس جۇمىس جاساۋدا. جەرگىلىكتى جۇمىس كۇشى، جەرگىلىكتى ماتەريالدار - بارلىق الەۋەت ىسكە قوسىلۋدا، ياعني بارلىق رەسۋرستار بارىنشا ىسكە قوسىلعان جانە ەكونوميكانىڭ دامۋى دا سوعان سايكەس. (…) سوندىقتان اكىمدىكتەردىڭ مەملەكەتتىك باعدارلامالارمەن جۇمىس جاساعاندارى وتە ماڭىزدى،-دەدى اسقار ۇزاقبايۇلى جينالىس قاتىسۋشىلارىنا قاراتا ايتقان سوزىندە.

سونىمەن بىرگە، قر پرەمەر-ءمينيسترىنىڭ ءبىرىنشى ورىنباسارى جالپى اقتوبە وبلىسى باسشىلىعىنىڭ پرەزيدەنت تاپسىرماسى مەن قويعان مىندەتتەرىن ورىنداۋدا ناتيجەلى جۇمىس جاساپ جاتقاندىعىنا نازار اۋداردى.

ءبىزدىڭ اقتوبەدە كورگەن نىساندارىمىز ءوڭىر ەكونوميكاسىنىڭ بەلسەندى دامۋىن بىلدىرەدى. الەۋمەتتىك جوبالار بەلسەندى تۇردە جۇزەگە اسىرىلۋدا، مۇنىڭ ءبارى - مەملەكەت باسشىسىنىڭ الەۋمەتتىك-ەكونوميكالىق دامۋدىڭ جوعارى دارەجەسىنە قول جەتكىزۋگە باعىتتالعان تاپسىرماسىنىڭ ورىندالۋى جانە بەردىبەك ماشبەكۇلى ارىپتەستەرىمەن بىرگە وسى تاپسىرمالاردىڭ جۇزەگە اسىرىلۋى ءۇشىن بەلسەندى جۇمىس ىستەۋدە، - دەدى ا.مامين.

Abai.kz