بۇگىن ماقاتتىقتار ۇيقىسىز تاڭ اتىردى. جاعىمسىز ءيىس جاتقىزباعاندىقتان، بىرەۋلەرى اعايىن-تۋمانى جاعالاپ كەتسە، ەندى بىرەۋلەرى قايدا بارارىن بىلمەي ساندالىپ سىرتتا ءجۇردى دە قويدى. 4 ماۋسىمدى سول سەبەپتى دە ماقاتتىقتار ۇمىتپاعانى بىلاي تۇرسىن، مۇرنى بار بولعانىنا دا مۇنشا وكىنبەيتىن بولار.
دالىرەگىن ايتقاندا، ماقات كەنتىنىڭ وڭتۇستىك-شىعىسىنا قاراي ورنالاسقان كەڭقياق-اتىراۋ مۇناي ايداۋ ماگيسترالى جەلىسىنىڭ 311 شاقىرىمىندا مۇنايدىڭ دالاعا كەتۋى ورىن الدى. ونسىز دا ەكولوگياسى وڭىپ تۇرماعان سورلى ءوڭىردى وسىلايشا ساسىق ءيىس ءاپ ساتتە قۇشاعىنا الدى.
«قازترانسويل» اق كۇتىمىنە العان «مۇنايتاس» اق-نىڭ  (سولتۇستىك-باتىس قۇبىرجەلىسى كومپانياسى) مەنشىگىندەگى ماگيسترال قۇبىرىنىڭ ديامەترى 610 مم-ءدى قۇرايدى. مۇناي توگىلگەن جەردى انىقتاۋ بارىسىندا قۇرال-جابدىق، سانتەحنيكالىق كىلت پەن مۇنىڭ ناقاقتان جاسالعانىن ايعاقتايتىن باسقا دا زاتتار تابىلدى. اۋداندىق توتەنشە جاعداي ءبولىمى ازىرگە وسىنى مالىمدەپ وتىر.
ورىن العان وقيعاعا بايلانىستى اپاتتى اۋىزدىقتاۋ شتابى قۇرىلىپ، توگىلگەن مۇناي قالدىقتارىن زارارسىزداندىرۋعا 6 مۇنايقۇيۋ اۆتوتسيستەرناسى، 3 سورعى اگرەگاتى، 1 ەكسكاۆاتور، 2 اپاتتىق ارناۋلى تەحنيكا مەن 26 ادام جۇمىلدىرىلدى.

بۇگىن ماقاتتىقتار ۇيقىسىز تاڭ اتىردى. جاعىمسىز ءيىس جاتقىزباعاندىقتان، بىرەۋلەرى اعايىن-تۋمانى جاعالاپ كەتسە، ەندى بىرەۋلەرى قايدا بارارىن بىلمەي ساندالىپ سىرتتا ءجۇردى دە قويدى. 4 ماۋسىمدى سول سەبەپتى دە ماقاتتىقتار ۇمىتپاعانى بىلاي تۇرسىن، مۇرنى بار بولعانىنا دا مۇنشا وكىنبەيتىن بولار.
دالىرەگىن ايتقاندا، ماقات كەنتىنىڭ وڭتۇستىك-شىعىسىنا قاراي ورنالاسقان كەڭقياق-اتىراۋ مۇناي ايداۋ ماگيسترالى جەلىسىنىڭ 311 شاقىرىمىندا مۇنايدىڭ دالاعا كەتۋى ورىن الدى. ونسىز دا ەكولوگياسى وڭىپ تۇرماعان سورلى ءوڭىردى وسىلايشا ساسىق ءيىس ءاپ ساتتە قۇشاعىنا الدى.
«قازترانسويل» اق كۇتىمىنە العان «مۇنايتاس» اق-نىڭ  (سولتۇستىك-باتىس قۇبىرجەلىسى كومپانياسى) مەنشىگىندەگى ماگيسترال قۇبىرىنىڭ ديامەترى 610 مم-ءدى قۇرايدى. مۇناي توگىلگەن جەردى انىقتاۋ بارىسىندا قۇرال-جابدىق، سانتەحنيكالىق كىلت پەن مۇنىڭ ناقاقتان جاسالعانىن ايعاقتايتىن باسقا دا زاتتار تابىلدى. اۋداندىق توتەنشە جاعداي ءبولىمى ازىرگە وسىنى مالىمدەپ وتىر.
ورىن العان وقيعاعا بايلانىستى اپاتتى اۋىزدىقتاۋ شتابى قۇرىلىپ، توگىلگەن مۇناي قالدىقتارىن زارارسىزداندىرۋعا 6 مۇنايقۇيۋ اۆتوتسيستەرناسى، 3 سورعى اگرەگاتى، 1 ەكسكاۆاتور، 2 اپاتتىق ارناۋلى تەحنيكا مەن 26 ادام جۇمىلدىرىلدى.
ماتەريالدىق زيان مەن توگىلگەن مۇنايدىڭ مولشەرى انىقتالۋ ۇستىندە. كەنقياق مۇنايىنىڭ قۇرامىندا 4 پايىزداي كۇكىرت بارلىعىن ەسكەرسەك، حالىق دەنساۋلىعىنا ولشەۋسىز زيان كەلگەنى ايان. قىزىعى سول، دارىگەرلەر كومەگىنە جۇگىنىپ كەلدىم دەپ ايتقان ادامداردىڭ ءسوزىن اۋداندىق اۋرۋحانا دا، ەمحانا دا جوققا شىعارىپ وتىر.

ماقات كەنتى،
ماقات اۋدانى،
اتىراۋ وبلىسى.