قازاقستانمەن تىعىز بايلانىستا جۇمىس ىستەيتىن پولياك عالىمى گەنريك يانكوۆسكي شىمكەنت قالاسىندا ەكى اي تۇرىپ، ونداعى قازاق ءتىلىنىڭ جاعدايىنا كۇيىندى. شىمكەنتتە ءوزىن رەسەيدە جۇرگەندەي سەزىنگەن لينگۆيست-عالىم شىداماي  زامانا گازەتىنە حات جولداپتى.

ادام ميتسكەۆيچ اتىنداعى پوزنان ۋنيۆەرسيتەتىنىڭ عىلىمي قىزمەتكەرى گەنريك يانكوۆسكي شىمكەنت كوشەلەرىندەگى قازاق ءتىلىنىڭ ايانىشتى جايىنا جانى ۋداي اشىعان ەكەن. ونى اسىرەسە، قازاقتاردىڭ ءسوز اراسىندا «ەسلي»، «حوتيا بى»، «چتوبى»، «يلي»، «پوتومۋ چتو»، «دا»، «حوروشو»، ۆووبششەم، كوروچە» سوزدەرىن قولدانۋى قاتتى تاڭعالدىرىپتى.

"قازاق ءتىلىنىڭ كءۇءشتى قورعانى دەپ سانالاتىن قالالارىڭىزدا ەكى ايعا جۋىق ۋاقىت ءوتكىزدىم. وسى ارادا تۇرعان جەرىم – №11-ءشى مءولتەكاۋدان. اينالا رەسەي سياقتى. كءوءرشى-قولاڭ دالادا ءاڭگىمەلەسءىپ وتىرعاندا جانىنا ءبىر ورىس كەلسە بولدى، دەرەۋ بءارى ورىسشا سويلەۋگە كءوشەدى. دالاداعى قازاق بالالارى ەرتەدەن كەشكە دەيىن ورىسشا سايراپ، ويناپ جءۇرەدى", - دەگەن شەتەل عالىمى  قازاقتاردىڭ بۇيتە بەرسە جەر بەتىنەن جويىلىپ كەتەتىنىن ۋايىمدادى ما كىم ءبىلسىن؟

مەن ءوز باسىم  استاناعا بارعاندا كوشەدە قازاقشا سويلەسەم، «ۆى كتو، يۋجانين چتو لي؟»، «چيمكەنتسكي چتو لي؟» دەپ توسىرقايدى ول جاقتىڭ قازاقتارى. ال ازدى-كوپتى قازاقشاسى بار شىمكەنت قازاقتارىنىڭ ورىستانۋىنا كۇيىنگەن پولياك عالىمى استانا كوشەلەرىندە قازاقشا سويلەسىپ بارا جاتقان قازاقتى كورۋگە زار بولار ەدى عوي. ول ءتىپتى، يسەكەشوۆ، ءا.جاقسىبەكوۆ، د.اكيشەۆ (اقىشەۆ) سياقتىلاردىڭ ءوز انا تىلىندە سويلەگەن نە مۇلدە سويلەمەيتىن ءتۇرىن كورسە، بۇل بۇكىل قازاقتىڭ ەمەس، قازاقستان بيلىگىنىڭ قازاق ۇلتىنا جاساپ وتىرعان قاسكويلىگى دەپ ويلار ما ەدى، قايتەر ەدى؟

وسى ءبىز شىنىمەن ۇلتتىق نامىستان ايرىلعان ۇلتپىز با، الدە جوعارىداعى كەيبىرەۋلەر قازاقتى جويۋ ساياساتىن جۇرگىزۋگە الدەقايدان تاپسىرما العان با؟

مىرزان كەنجەباي

Abai.kz