تومەندە وسى ماسەلەنى زەرتتەگەن عالىمداردىڭ پىكىرىن بەرىپ وتىرمىز.

س.امانجولوۆ: "قازاق ەلى، جەرى ءۇش جۇزگە موڭعولدارعا دەيىنگى كەزەڭدە X-XII عاسىرلاردا ءبولىندى"

ش.ءۋاليحانوۆ: «التىن وردا مەملەكەتىنىڭ ىدىراۋى كەزىندە قازاقتار وزدەرى كوشىپ جۇرەتىن جەرلەردە ءوز قۇقىقتارىن قامتاماسىز ەتۋ ءۇشىن وسىنداي ۇلكەن وداقتار قۇرعان".

ۆ.بارتولد: "قازاق جۇزدەرىنىڭ پايدا بولۋىنا گەوگرافيالىق فاكتور اسەر ەتتى. تابيعي-گەوگرافيالىق جاعدايعا يكەمدەلۋ جانە اۋماقتىق وقشاۋلانۋ جۇزدەردىڭ مادەني-شارۋاشىلىق ەرەكشەلىكتەرىن قالىپتاستىردى"

م.پ.ۆياتكين: "جۇزدەردىڭ قۇرىلۋىنا تابيعي-گەوگرافيالىق سەبەپتەرمەن قاتار، ساياسي وقيعالار اسەر ەتتى. جەكەلەگەن وردالار ەرەكشە ساياسي وداقتار رەتىندە حVI عاسىردا قالىپتاستى"

ن.ا.اريستوۆ: «جۇزدەرگە بىرىگۋ جوڭعار شاپقىنشىلىعى كەزىندە شىققان".

ت.ي.سۇلتانوۆ: “XVI عاسىردىڭ ەكىنشى جارتىسىندا ۇلىس جۇيەسى بىرتىندەپ جۇزدەرگە اۋىسقان"

م.س.مۇقانوۆ: قازاقتىڭ جۇزدەرى ەتنوالەۋمەتتىك اعزانىڭ جوعارى ساناتتارىنىڭ ءبىرى. "ەتنوالەۋمەتتىك ورگانيزم" دەپ ەتنوستىق، الەۋمەتتىك، شارۋاشىلىق، ساياسي بىرلەستىكتەردى تۇسىنەمىز.

وزدەرىڭىز بايقاپ وتىرعانداي عالىمداردىڭ ەشبىرىنەن ء"جۇز - تۋىس رۋ-تايپالار بىرلەستىگى" دەگەن پىكىردى تاپپايسىز.. سوندىقتان، ء"جۇز" ۇعىمىن تۋىستىق جاقىندىقتى بىلدىرەتىن اتاۋ دەگەن سەنىمنەن قۇتىلاتىن كەز جەتتى.
قازاقتىڭ اراسىنا جىك سالىپ، بولشەكتەۋدى كوكسەيتىن ارانداتۋشىلار قاشاندا تابىلادى. وندايلارعا باتىل تويتارىس بەرىپ وتىرايىق...

ومىربەك شىنىبەكۇلى

Abai.kz