قازاقستاندا 2018 جىلدىڭ 1 قاڭتارىنان باستاپ تومەنگى كۇنكورىس دەڭگەيىنىڭ كولەمى وسەدى
قازاقستاندا 2018 جىلدىڭ 1 قاڭتارىنان باستاپ ازىق-تۇلىك سەبەتىنىڭ قۇرىلىمى وزگەرەدى دەپ حابارلادى استانادا وتكەن بريفينگتە ەڭبەك جانە حالىقتى الەۋمەتتىك قورعاۋ ۆيتسە-ءمينيسترى سۆەتلانا جاقىپوۆا. ۆيتسە-ءمينيستردىڭ سوزىنشە، 1 قاڭتاردان باستاپ ەڭ تومەنگى كۇنكورۋ دەڭگەيىنىڭ مولشەرى 24459 تەڭگەدەن 28284 تەڭگەگە (15,6 پايىز) ۇلعايادى.
جاقىپوۆا كەلەسى جىلى ەڭ تومەنگى كۇنكورىستى قۇرايتىن ازىق-تۇلىك سەبەتىندە ازىق-تۇلىك بۇرىنعى 60 پايىزدان 55 پايىزعا ازايتىلىپ، ازىق-تۇلىك ەمەس تاۋارلار 40 پايىزدان 45 پايىزعا كوبەيتىلەتىنىن ايتادى.
"رەسمي ستاتيستيكا بويىنشا، حالىقتىڭ تۇتىنۋ قۇرىلىمى وزگەرگەن. حالىقتىڭ ازىق-تۇلىك ەمەس تاۋارلار مەن قىزمەت كورسەتۋگە جۇمسايتىن شىعىنى 45 پايىزدى قۇراعاندىقتان، ازىق-تۇلىك سەبەتىنىڭ قۇرىلىمىن وزگەرتۋگە شەشىم قابىلداندى. وسىلايشا، سەبەتتىڭ وزگەرۋىنەن ەڭ تومەنگى كۇنكورىس دەڭگەيىنىڭ مولشەرى 16 پايىزعا ۇلعايىپ وتىر. 33 جىل ەڭبەك ءوتىلى بار زەينەتكەرلەر 28284 تەڭگە الادى",- دەدى سۆەتلانا جاقىپوۆا.
Abai.kz
