داعدارىستىڭ «گۇرىلدەپ» تۇرعان شاعىندا ءار ءتۇرلى جوبالارعا دەگەن قارجى كولەمىن قىسقارتىپ، ىسىراپشىلدىققا جول بەرمەۋ تۋرالى ءسوز قوزعالىپ ءجۇر. قارجىنى حالىقتىڭ قالتاسىنان الىپ، قۇردىمعا باتىرار كەيبىر جوسپارلار ءۇشىن بۇل – جونىمەن جاسالعان جاي. الايدا، 2011 جىلى ءوتۋى ءتيىس VII قىسقى ازيادانى اتالعان ماسەلە اينالىپ وتەتىن سەكىلدى.
2011 جىلى تويلاناتىن قىسقى ازيادا ويىندارىنا بولىنگەن قارجى كولەمى قىسقارمايتىن بولدى. بۇل تۋرالى قر سپورت جانە تۋريزم ۆيتسە-ءمينيسترى تالعات ەرمەگياەۆ مالىمدەدى: "رەسپۋبليكالىق بيۋدجەتتىك كوميسسيا وتكىزگەن تىڭداۋ بارىستارىندا قارجىلاندىرۋدى قىسقارتۋ ماسەلەسى كوتەرىلگەنى راس، بىراق ءبىز ازيادا ويىندارىن كەڭ اۋقىمدى ەتىپ وتكىزۋ قۇقىنا قول جەتكىزە الدىق. قالاي دەگەنمەن، بۇل، ەڭ الدىمەن يميدجدىك جوبا: ەلىمىزگە 45 ەلدىڭ سپورت قوزعالىسىنىڭ وكىلدەرى كەلمەك. اسىرەسە، استانادا سالىنىپ جاتقان ۆەلوترەك قۇرىلىسىنا قىزىعۋشىلار كوپ، مۇندا شورت-ترەك جانە مانەرلەپ سىرعاناۋ بويىنشا سايىستار وتكىزىلمەك. ۋاقىتشا مۇز ايدىنىن قۇرۋ ماسەلەسى دە جوسپاردا بار...".

داعدارىستىڭ «گۇرىلدەپ» تۇرعان شاعىندا ءار ءتۇرلى جوبالارعا دەگەن قارجى كولەمىن قىسقارتىپ، ىسىراپشىلدىققا جول بەرمەۋ تۋرالى ءسوز قوزعالىپ ءجۇر. قارجىنى حالىقتىڭ قالتاسىنان الىپ، قۇردىمعا باتىرار كەيبىر جوسپارلار ءۇشىن بۇل – جونىمەن جاسالعان جاي. الايدا، 2011 جىلى ءوتۋى ءتيىس VII قىسقى ازيادانى اتالعان ماسەلە اينالىپ وتەتىن سەكىلدى.
2011 جىلى تويلاناتىن قىسقى ازيادا ويىندارىنا بولىنگەن قارجى كولەمى قىسقارمايتىن بولدى. بۇل تۋرالى قر سپورت جانە تۋريزم ۆيتسە-ءمينيسترى تالعات ەرمەگياەۆ مالىمدەدى: "رەسپۋبليكالىق بيۋدجەتتىك كوميسسيا وتكىزگەن تىڭداۋ بارىستارىندا قارجىلاندىرۋدى قىسقارتۋ ماسەلەسى كوتەرىلگەنى راس، بىراق ءبىز ازيادا ويىندارىن كەڭ اۋقىمدى ەتىپ وتكىزۋ قۇقىنا قول جەتكىزە الدىق. قالاي دەگەنمەن، بۇل، ەڭ الدىمەن يميدجدىك جوبا: ەلىمىزگە 45 ەلدىڭ سپورت قوزعالىسىنىڭ وكىلدەرى كەلمەك. اسىرەسە، استانادا سالىنىپ جاتقان ۆەلوترەك قۇرىلىسىنا قىزىعۋشىلار كوپ، مۇندا شورت-ترەك جانە مانەرلەپ سىرعاناۋ بويىنشا سايىستار وتكىزىلمەك. ۋاقىتشا مۇز ايدىنىن قۇرۋ ماسەلەسى دە جوسپاردا بار...".
رەسپۋبليكالىق بيۋدجەتتىك كوميسسيادا بىرنەشە رەت كوتەرىلگەن بۇل ماسەلە اقىر اياعىندا سول قالپىندا قالدى. الەمدىك داعدارىس كەزىندە قارجى ۇنەمدەۋدى مەكتەپ بىتىرۋشىلەردىڭ سالتاناتتى كەشىن وتكىزۋگە تىيىم سالۋدان باستاعان ءبىزدىڭ ۇنەمشىل ۇكىمەت بۇل ماسەلەدە ءلام-ميم دەمەدى. كەرىسىنشە، اسىرا سىلتەۋشىلىكپەن بولسا دا ەل اتاعىن شىعارعاندى قۇپتايتىن سەكىلدى. سوندا، ءبىزدىڭ ۇكىمەتكە قارجى تاپشىلىعىنان قينالىپ، ولمەستىڭ قامىن كەشۋگە كوشكەن قارا حالىقتىڭ جاعدايىنان اتاق-داڭق ارتىق بولعانى ما؟! بۇقارانى «بۇراتىلدىرىپ» كەلگەن اتاقتان نە ءۇمىت، نە قايىر؟... بەلگىسىز دە بۇلىڭعىر. تەك ءبىر انىعى داراقىلىقپەن داڭققا جەتۋدەن وزگە، شەنەۋنىكتەر قارجىنىڭ قىسقارماعانىنا قۋانىپ، الاقانىنا شىرت تۇكىرىپ وتىرعاندىعى. تەر مەن كوز جاسىنان قۇرالعان اقشانى يگىلىكتى ىسكە ەمەس، داراقىلىق پەن داڭعويلىققا، جەبىرلىك پەن جەمقورلىققا قۇرتقاننان مەملەكەتكە نە پايدا كەلمەك؟!... بەلگىسىز... ايتەۋىر ءبىر بيلىككە عانا ءمالىم ساعىم-دۇنيە...

«قازاقستان» اپتالىعى. 04.06.09