ەسەپ كوميتەتى ەرلان ساعاديەۆ باسقاراتىن مينيسترلىكتىڭ  ميلليارد قارجىنى دۇرىس يگەرمەگەنءى تۋرالى حابارلادى.

اۋەلى كونكرەتيكا. مەملەكەتتىك اۋديت كەزىندە قر ءبىلىم جانە عىلىم مينيسترلىگى 16,9 ملرد تەڭگەنى يگەرەردە زاڭبۇزۋشىلىقتارعا جول بەرىلگەن.

بيۋدجەتتىڭ 43,2 ملرد تەڭگەسىن تاعى دۇرىس يگەرمەگەن. 26.7 ملرد تەڭگەنى قۇرايتىن پروتسەدۋرالىق بۇزۋشىلىقتاردىڭ 147 فاكتىسى انىقتالعان.

كوميتەت ۇسىنعان اقپاراتقا سايكەس، 2015 جىلمەن سالىستىرعاندا 2016 جىلى قازاقستان بۇكىل الەمدىك ەكونوميكالىق فورۋمنىڭ جاھاندىق يندەكس رەيتينگىسىندە ءبىلىم ساپاسى بويىنشا تومەن كورسەتكىشتەر العان. «ءبىلىم سالاسىنىڭ ساپاسى»، «مەكتەپ مەنەدجمەنتىنىڭ ساپاسى»، «جوعارى بىلىممەن قامتۋ» سەكىلدى نەگىزگى ينديكاتورلارعا قول جەتكىزىلمەدى.

«2016 جىلدىڭ قورىتىندىسى بويىنشا 2016-2019 جىلدارعا ارنالعان مەملەكەتتىك ءبىلىمدى دامىتۋ باعدارلاماسى اياسىندا ءۇشاۋىسىمدى مەكتەپتەر سانىن ازايتۋ مەن مەملەكەتتىك-جەكە مەنشىك سەرىكتەستىك جوبالارىن ارتتىرۋ بويىنشا كورسەتكىشتەر ورىندالماعان»، – دەلىنگەن حابارلامادا. سونداي-اق، ورتا جانە جوعارى ءبىلىمدى مامانداردى دايارلاۋ بويىنشا ايماقتاعى كادر قاجەتتىلىكتەرى ەسكەرىلمەستەن مەملەكەتتىك ءبىلىم تاپسىرىستارى جاريالانعان.

مەملەكەتتىك اۋديت قۇجاتتارى قۇقىق قورعاۋ ورگاندارى مەن اكىمشىلىك قۇقىقبۇزۋشىلىقتاردى تەرگەيتىن وكىلەتتى ورگاندارعا جولداناتىنى حابارلاندى.

Abai.kz