مەكەمە مالىمەتىنشە، 5 قاراشا - جەكسەنبىدە قازاقستاندىق شەكاراشىلار "اق-تىلەكتەن" 195 جۇك كولىگىن وتكىزگەن. قازاقستان شەكارادا تەكسەرۋدى كۇشەيتكەن 10 قازاننان بەرى مۇنشالىقتى كوپ جۇك كولىگىن وتكىزبەگەن.

"قازاقستان تاراپىنىڭ قاداعالاۋى وزگەرگەن جوق. كەزەك شەكاراشىلار قىرعىز پرەمەر-ءمينسترى ساپار يساكوۆ استانادا قازاقستان پرەمەر-مينيسترىمەن كەزدەسۋىندە كەلىسكەندەي بوس جۇك كولىكتەرىن تەكسەرۋسىز وتكىزىپ جاتقاندىقتان ازايىپ وتىر. ورتاشا ەسەپپەن العاندا، شەكارادا تۇرعان 50 جۇك كولىگىنىڭ 20-سى بوس. ولاردى تەكسەرۋسىز وتكىزىپ جاتىر" دەپ حابارلادى شەكارا قىزمەتى.

مەكەمە "اق-تىلەكتەگى" كەزەكتىڭ ازايۋىنىڭ تاعى ءبىر ىقتيمال سەبەبى وندىرۋشىلەر مەن كاسىپكەرلەردىڭ تاۋارىن وتكىزۋدىڭ باسقا جولدارىن ىزدەستىرۋىندە بولۋى مۇمكىن ەكەنىن ايتادى.

وسى اپتا باستالعالى بەرى "اق-تىلەكتەگى" كەزەك بىرنەشە ەسەگە ازايعان. 6 قاراشا كۇنى كۇندىز بەكەتتە بارلىعى 30 جۇك كولىگى بولعان.

سونىمەن قاتار "اق-جول" بەكەتىندە دە كەزەك بايقالمايدى. مۇندا نەگىزىنەن جولاۋشىلار كولىكتەرى، اۆتوبۋستار، تاكسيلەر مەن جەكە ادامدار وتەدى. بىراق جاعداي تۇستەن كەيىن وزگەرۋى مۇمكىن. سەبەبى كەيىر كۇندەرى "اق-جولدا" ساعات 11 مەن 17 اراسىندا 200-گە دەيىن ادام كەزەكتە تۇرادى.

تالاس وبلىسىنداعى "چون-كاپكا" بەكەتىندە 90-عا جۋىق جۇك كولىگى مەن جەڭىل كولىك تۇر. شۋ وبلىسىنداعى "چالدىبار" بەكەتىندە كەزەك جوق.

Abai.kz