"ايبەك" دەپ اتالاتىن ءفيلمدى قازاقستاندىق جاس اۆتور ايشا سالىمگەرەەۆا تۇسىرگەن. بىراق ول بۇل شاراعا قاتىسا المادى.

شىعارماشىلىق توپ اتىنان سىيلىقتى نيۋ-يوركتە وتكەن ماراپاتتاۋ سالتاناتىندا فيلم وپەراتورى ءاليحان سماعۇلوۆ الدى.

بۇۇ راديوسىنا سۇحبات بەرگەن سماعۇلوۆتىڭ ايتۋىنشا، شىعارماشىلىق توپ فيلمدە "قازاقستاندا گەي بولۋدىڭ قانداي ەكەنىن" كورسەتپەك بولعان. فيلمدە قازاقستانداعى گەيلەر، ولار كەزىگەتىن قيىندىقتار باياندالعان.

سماعۇلوۆتىڭ ايتۋىنا قاراعاندا، فيلم بەس كۇندە تۇسىرىلگەن، بىراق فيلمدە باستى ءرولدى وينايتىن ادامدى تابۋ قيىنعا سوققان.

"گەيلەردىڭ ەشقايسىسى ءوزىنىڭ سەكسۋالدىق قالاۋى تۋرالى اشىپ ايتپايدى، ويتكەنى ول قاۋىپتى", - دەدى فيلم وپەراتورى.

PLURAL+2017 Awards بايقاۋىنىڭ اقتىق سىنىنا شىققان فيلمدەردى يۋنيسەف-ءتىڭ «جاستار داۋىسى» ونلاين قاۋىمداستىعى، «پەيلي» مەدياورتالىعى جانە Ghetto Film School مەكتەبى انىقتادى.

Abai.kz